MALAKI 3:1 - OTSAO BAIBEL (BSI)

¹ Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

MALAKI 3:1 ပူးပေါင်းရင်းမြစ်များ

MALAKI 4:5

“Ikoxlechu ipong chongkya hia za-adünkya Jowanpa hanpak nguile hüiüi thoto, kue hünzom hato ajepa Elija ahüiüi.

KAXHO MÜIKYA LUK 1:76

Nang, Kusa, nang ang Taitax Zang ajepa le nyaküi, chemthüikoxle chix hanpakma, lomtang achwon ang nang, Jowanpa thoma achale leüi;

ISAIA 63:9

sikngün chak tokya khosünle. Ija a kaxtai mix chichang, ikoxle Jowanpa chix jaojaoe hwom khosünle koppu. Chix mongkün hia chingcha makhange chixe hwom khosünle kop. Ledaokya ma chixe jento hwom to akox-akomle hüi,

WANGSHEMBU MWOT 19:4

Pol-e thüi: “Juhan-e baptikya olom pi ma ochax tokya chatkyabu hanpakma changwüi; ikoxle chixe Israel khünakbu ang chix füima hüile ngokya mix to mongong angkya kaxtom kox; ija a Jisu changle.”

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

LAIPAO 23:20

“Kue achwonle thomdaokya onui to hünzom zunle apüi angkya hanpakma, hünzom ahamle changpongma, hünzom kho-awa ang hünzom thoto achale wüi kue ku kaxtaimix apaoüi.

KAXHO MÜIKYA LUK 19:47

Üntoxle Jisu-e nyixfole Zangshwom-Hom ma hwon-ano le ngo. Ikoxle nguakhobu, Wanlom nwotmixbu hia apün-adakyabue chix mik amüt angkya ziasyen lomle ngo.

MÜNCHUAK-TSAI 110:1

Jowanpa ku hopupa ang thüi: “Kue nang zanpabu nang chifa fang ma mathom tanto nang ikhama ku tsaxchi ma thunglax.”

WANGSHEMBU MWOT 7:38

Chix a Israel khünaknu faokha to asox pongmachu hwom füi tomle tüikya mix tuita changkya; ikhoma kem putong hwom hia Sinai haxnu ma chix füi zangwünkya kaxtaimix füi tomle tüikya a chix changkya; kem hato atai-alai angkya khüzün kaxho a chixe kop.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

KAXHO MÜIKYA LUK 2:46

Nyix azom lekya to tix hokhie chix Zangshwom-Hom to atak. Chixe Jehudi nok wanlom tsingpabu kax apa ilaxle chixechu hwom ma kax atüikyalibu atüile ngokya.

KAXHO MÜIKYA LUK 2:38

Ipongkhae she Zangshwom-Hom to nguilaxle Zang ang münchong kox, üntoxle Jerusalem khosün tanle ngokyabu pangnu hama she e ija naosa bama akax.

KAXHO MÜIKYA LUK 2:11

Anyix kha Dawid tingsho ma Jowanpa Khrista hünzom khosünpa puxle tüile!

MATHI 11:14

Üntoxle hünzome jangong thüiningle, nguiüi hexo le akax thomkya Elija a Juhan changle.

HAGAI 1:13

Ifüima Hagai-e khünaknu ang Jowanpa kaxho kox: “Ku a hünzom füi ngoüi--ija aku kaxtsao changle.”

MALAKI 2:4

Ifüima hünzome, kue ija kaxtom hünzom ang koxdaokya awanle laxüi, ile zompu-zangpabu hia Liwi hwom füikya ku Tsaotsüt chiamale thomüi.

LAIPAO 23:21

Chix chito na thalax ilaxle chix kax ma laxlax. Chix füi alün-aloxle taxchang, chemthüikoxle chix a kue tsanle ahüikya changle üntoxle iningkya olün-olox to chixe thailakkya müntüiüi.

ISAIA 40:10

Jowanpa Khüthak Zang a tsak-zong füi apün ang nguingole, chixe sünle kopkya khünakbu chix füi tomle laxlaxle a.