MALAKI 2:8 - OTSAO BAIBEL (BSI)

⁸ “‘Ikoxle athax hünzom zompu-zangpabu a sukya lomtang angkya cheile paopu. Hünzom hwon-nwot tokhange khünaknue huanuma ochax mok ang tompu. Kue hünzom füi Tsaotsüt laxkya hünzome amadaoa.

MALAKI 2:8 ပူးပေါင်းရင်းမြစ်များ

NEHEMIA 13:29

Texle atak-hüi, Zang, ibu khünakbue wanghom khualo ilaxle nguapabu hia Liwi hwom füikya nange kaxfün hwome chemle amapuix, ibu taxalak.

JEREMIA 18:15

Ikoxlechu ku khünaknue ku alakle asam; hwome chapabu tuntho to ongan müikya sobu zok. Hwome müile lehaxkux lom ma hwom chikho thu; hwome athaxpi kaikya baozangbu lom ojao chito; hwom a oshua chitüikya lombu to aham.

MALAKI 2:5

“Ku Tsaotsüt ma kue hwom füi, hwome ku achuakle chang angkya hanpakma, kue oja hwom ang koxpuix, ija müimüi-zangngaile ngokya khüzün koxüile tsaopu.

EZEKEL 44:10

Jowanpae ku ang thüi: “Liwi khünakbu opange mama Israel khünakbu füi tomle ku hato tok aho laxle chapabu to shwomle changpuix, ibu to kue sikangünpu.

JEREMIA 17:5

Jowanpae thüi: “Ku hato tok ahokyabu zile maxün angkya khünak to hwome mongong thomle changkyabu pangwüi kue ahaile changüi.

ISAIA 30:11

Kwom ang lomdaple kwom lom tsyenle ngokya achaün. Kwome hünzom Israel nok otsao Zang mowün atat-sele müntsu.”

1 SAMUEL 2:17

Eli sasün hwom ochax ibu a Jowanpa zongto müimamale thaikya ang achang, chemthüikoxle hwome Jowanpa ang koxkya tö tha ajaole ile hwon.

IBRI 3:12

Mongong ma üithohom, ozün ma ngokya Zang füi anongle pao tang hünzom khama owachu chichang-chizangkya kün-mong hia mongong chitüi homle chichang angkya bama likhün lax.

ROM NOK HATO ZAKYA POL LAIZA 14:21

Ma füikya mongong üitho tuita ochax to adüt angkya oli mwot chimok, müi-nyax chisax, ju-khan chilingle ibu füi atsai ngokya wüi tuita sukya mwot changpu.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

ISAIA 9:16

Ibu khünak lom azuikyabue hwom othai to zunle pao ilaxle hwom komkaile khosam ma dantox.

MÜNCHUAK-TSAI 119:102

Nange adangle fakyabu kue chiahai, chemthüikoxle nang jaojao ku nwotmix changle.

MÜNCHUAK-TSAI 18:21

Kue Jowanpa kaxtom kax ma laxle hüipu; Kue ku Zang hato tok otuechu chiahopu.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

1 SAMUEL 2:24

Ku sasün hwom, iningkya mwot mokle ngokya zakün! Jowanpa khünakbue ija ningkya bama zangwünkya ngaxchu tuita nushix dongkya mwot changpu!

LIWI 21:15

Ile chichang thüiningle, sasün hwom opang otsao ang changsehex, hwom a wanlom ma chitsaokya ang laxüi. Ku a Jowanpa, ilaxle chix a kue Nguakho ang süile dankya changpu.”

JEREMIA 17:13

Jowanpa, nang a Israel nok monghom changle; nang danle toxkyabu pangwüi ang zak-akopüi. Hwom a haxbu ma asaxkya ningle samdaoüi, Jowanpa, titsao jenkya tümik, hwome nang danle toxkya khokho ma.

HUAKE LAIPEX 25:12

Idaile kue chix füi ojento lax angkya kaxfün to longzüt-sele tsukya chix hama wünle laxkox.

HUAKE LAIPEX 25:13

Chix tamchu chixsu chixsabu a othuithuima zompu-zangpabu ang zingle thomüi, chemthüikoxle chixe ku zan to kakya adu ang chitho ilaxle khünaknu ang ochax thailak atak ang tom.”

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

ZEFANIA 3:4

Ajebu a hünlit ojao chilaxkyabu tamchu ong angkya kha chitüikyabu; nguapabue ikha angkya otsao chitsaokya ang achang, ilaxle ma fün amüi angkya hanpakma hwome Zang wanlom ajoajüi.

2 WANGHOMBU 16:11

Ikhoma Uriahe ija lailaile tö-tsap tuita zingle alai ilaxle Ahaz chatüi thoto wüi ija zingle tsuak.

WANWÜNKAX 12:8

Nang jetüi-hwonlang mix tuita jangchang thüiba, nang achuak-achenle changüi; nang a tuita ongat jangchang, khünaknue nang to asongle huüi.

EZEKEL 22:26

Nguapabue ku wanlom pünle ama ilaxle otsaole thüikya to chathua zakya ojao chitüi. Hwome chitsaokya hia tsaokya nyi ojao münsüi. Hwome chitsaokya hia tsaokya oli süile chiano, ilaxle hwome Sabath nyix wünhaile. Ikhokhoma Israel khünaknue ku chathua zakya müntüi.

EZEKEL 44:7

Müiza hia ajibu ku ang tö koxle changpongma, hwome Khwonzüt-Zom chizingkya hia ku kax ma chilaxle tüikya khünakbu Zangshwom-hom homkha to adünkya makhange hwome ku Zangshwom-Hom chitsaokya ang achangdaoa.

EZEKEL 44:12

Ikoxlechu Israel khünakbu hanpakma hwome chapabu to shwomkya mwot moklaxle khünaknu ang ochax lyen ang tomle changdaokya khoma, Jowanpa Khüthak Zang, kue otsingtsing ma tsaosaxle akaxpu, kue hwom to sikangün angkya wüi changpu.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’