MALAKI 2:7 - OTSAO BAIBEL (BSI)

⁷ Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

MALAKI 2:7 ပူးပေါင်းရင်းမြစ်များ

LIWI 10:11

Ilaxle Mosa makhange Jowanpae hwom füi zangwünkya wanlom bakle, Israel khünakbu pangwüi hama apua angkya changle.”

TSAITONG-KAXTONG 21:5

Ikhato zompu-zangpa Liwi hwom chuwüi ngui angkya changpu, chemthüikoxle tütali ohyet-otsi zangwün laikya pangwüi hwome tix abax ang tho angkya changle. Jowanpa hünzom Zang-e hwom a chix thotha ang tamchu chix mün ma mohiman kaxzakdün ang kamle kopdaoa.

2 KORIN 5:20

Zang chixjaoe kwom makhange chix zangwün thwonkya tukux, ikhama kwome Khrista bama zangwün ngopu. Zan ang ngokya chix füi zuikhui ang achangle, Zange hünzom mong alüix ang laxkoxle kwome Khrista mün ma Zang to joppu.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

WANGSHEMBU MWOT 16:17

“Ibu a Taitax Zang dabu changpu! Hwome hünzom hama hünzom khosün angkya olom apuale!”, le kaxzex nga le she-e Pol kwom man to.

IZRA 7:10

Jowanpa Wanlom zule tsing angkya, ija tole mok angkya, ilaxle ikhama tüikya wanlombu komkaile Israel khünaknu hama anwot-anole chang angkya to Izra-e chix tsün jao koxle among.

2 PUKAX-PANGAO 30:22

Jowanpa to shwomkya tüle manle shwom ang thomkya khoma Zedekiah-e Liwi hwom achuak. Hanpak nyix anüt bama Jowanpa, hwom putong hwom Zang achuakle töbu koxle changkya füima,

JUHAN 20:21

Jisu-e chatlechu hwom ang thüi: “Hünzom füi mongsom naxtüi! Apae ku chemle tsanle apaopuix ija lailaile kuechu hünzom tsanle apaopu.”

JUHAN 13:20

Otsingtsingma kue hünzom ang thüipu: Kue mwot tsanle apaokya mix owae pongle kopüi hex, chixe ku pongle kopkya changpu; ilaxle owae ku pongle kopüi hex, chixe ku tsanle ajokya mix pongle kopkya changpu.”

MALAKI 3:1

Khüthak Jowanpae lan: “Ku hanpakma lomtang achwon ang kue ku mwot-tsan mix tomle ajoüi. Ifüima hünzome lomle ngokya Jowanpa allele chix Zangshwom-Hom ma nguiüi. Hünzome sungle ngokya mwot-tsan mix nguilaxle ku Tsaotsüt apuküi.”

HAGAI 1:13

Ifüima Hagai-e khünaknu ang Jowanpa kaxho kox: “Ku a hünzom füi ngoüi--ija aku kaxtsao changle.”

JEREMIA 18:18

Ifüima khünaknue thüi: “Jeremia hanpakma tütali tümok-hax! Kem ang adangle fa angkya hanpakma nguapabu, zün-sai angkya hanpakma jepabu, ilaxle Zang kaxho angkya hanpakma ajebu tüile ngo angkya changle. Kemepi chix ma kaxhux fehax ilaxle chix zangwün to apale taxngohax.”

JEREMIA 15:19

Ija to Jowanpae ile lan: “Nang mongchatle jangchang kue pongle kopüi, ilaxle nang a tamchatle ku dapa ang ngoüi. Nange ongat zang wünle chingo homtoxle laxli kaxho apukle jangchang, nang a tamchatle ku ajepa ang ngoüi. Khünaknu nang hato tamchatüi, nang mix hwom hato paongo angkya mwot müntüi.

ISAIA 44:26

Ikoxlechu chemtue ku dapae ajele changpuix, chemtue kue ku mwottho apua ang kaxhomix ahüipuix, Kue ibu mwottho zing ilaxle ajekyabu changle ngai ang tompu. Kue Jerusalem ang ikhama khünaknu tamchatle ngo angkya changle le akaxpu, ilaxle Judah ang tingnubu tamchatle azünle zingle changüi. Tingnu ibu thama ma maxdaokya chatle ajongüi.

TSAITONG-KAXTONG 24:8

“Chemtue nang ngwonkak kakle changüihex, zompu-zangpa Liwi hwome nang ang adangle fakya mwot komkaile mok ang azonglax; kue hwom ang adangle fadaokya ningle moklax.

GALATIA 4:14

Ku tsangtsa müimüi chitüikya hünzom fan chimüikya tamchu hünzom zongto thwontsing chongkya changdao koxlechu, hünzome ku wün chiahai tamchu pongle chikople chichang. Itülüi, Zangkangting kaxtaimix tuita tukuxle hünzome ku pongle kop; hünzome Jisu Khrista bütukuxle ku pongle kop.

ISAIA 42:19

Ku dapa to kaile mik apwomkya mix tüicha, ku mwot-tsan mix to kaile nabakya mix a?

HUAKE LAIPEX 27:21

Chixe nguapa Eliazar to mongongkya tüiüi, chemthüikoxle Urim hia Thummim twonlaxle chixe ku mongtex awanle tsuaküi. Ile Eliazar-e Jihusua tamchu Israel khünaknu pangnusa to pangwüi lom ma adangle fa ang thoüi.”

1 SAMUEL 2:17

Eli sasün hwom ochax ibu a Jowanpa zongto müimamale thaikya ang achang, chemthüikoxle hwome Jowanpa ang koxkya tö tha ajaole ile hwon.

2 PUKAX-PANGAO 31:4

Wanghompae Jerusalem ma ngokya khünakbu füi, zompu-zangpabu hia Liwi hwome Wanlom ma tüikya ningle Jowanpa mwot to hwom hanpak komkaile koxtsuak angkya kuxma, koxsese töbu komkaile apüile kox angkya akax.

IZRA 7:25

“Izra, Zang-e nang ang fale tüikya hwon-je twonlaxle, Zang Wanlom fang ma ngole tüikya Hannop-Eufrat angkya khünaknu thakma apün-awang angkya pünpa-chongwang hia kaxfünpabu nange zün angkya changle. Ija Wanlom chitsingkya khünak owawa jangtüi, nange chix hama ija anwot-anole kox angkya changpu.

WANWÜNKAX 5:2

Ile jangchangba nange zanglom-saikha chemle müile thomüihex ija awanüi, ilaxle nang kaxfa makhange nang ma je tüikya ahoüi.

JEREMIA 2:8

Nguapabue chiatüi: ‘Jowanpa ojongkha?’, le Ku nguapabue ku chitik. Apün-awangkyabue ku zan to ka; ajebue Bal baozang mün ma zangwün ilaxle laxli chitüikya chapabu to shwom.

EZEKEL 7:26

Thama tuita füima mama thama azuile hüiüi, ilaxle kaxho oma a chizopkya jajen ningle thokle hüiüi. Hwome chem ngünpuix, ibu ngaile aho angkya hanpakma hünzom ajebu füi tsaiju-kaxjule changüi. Nguapabue khünaknu hama anwot-ano angkya chemchu chitüile changüi, ilaxle tüichong mixmüibu ma zünkax-saikax chemchu chitüile changüi.

DANEL 11:33

Jetüi-hwonzaikya lompabue hwom je-hwon khünakbu füi tomhanle changüi. Ikoxlechu onox ma hwom züizüi a zanhok ma langüi, ilaxle züizüi angkya tuina tsui paoüi ilaxle zandabu ang achangüi.

HOSIA 4:6

Hwome ku ang ku le chinyakkya khoma ku khünaknu a maxdaoa. Hünzom nguapabuechu ku mün laxsele chitsu ilaxle ku hwon-nwot jaono awütle chang, ikhoma kue chu hünzom chilaxle awütdaoa tamchu hünzom su-sabu a ku nguapabu changpule kue e-ma münlax.

ZEFANIA 3:4

Ajebu a hünlit ojao chilaxkyabu tamchu ong angkya kha chitüikyabu; nguapabue ikha angkya otsao chitsaokya ang achang, ilaxle ma fün amüi angkya hanpakma hwome Zang wanlom ajoajüi.

2 WANGHOMBU 16:11

Ikhoma Uriahe ija lailaile tö-tsap tuita zingle alai ilaxle Ahaz chatüi thoto wüi ija zingle tsuak.

2 WANGHOMBU 16:16

Uriahe wanghompa kaxtom ningle mok.

HWON-NWOT-JAONO 5:5

Tsaosax üntoxle ija chithomle changkya füi ojaojao tsao chisaxkya wüi si.

EZEKEL 22:26

Nguapabue ku wanlom pünle ama ilaxle otsaole thüikya to chathua zakya ojao chitüi. Hwome chitsaokya hia tsaokya nyi ojao münsüi. Hwome chitsaokya hia tsaokya oli süile chiano, ilaxle hwome Sabath nyix wünhaile. Ikhokhoma Israel khünaknue ku chathua zakya müntüi.

ZEKARIA 7:3

Ilaxle nguapang hwom hia ajebu ma ija kax atüi ang tom: “Kwome zanglao obibi hex mokle hüidaokya ningle, Zangshwom-Hom atsunle amakya bama atsaole zangjop sopkya hanpak laxle hüikya kwome thuithuile mokle le angkya hia chemle changüi?”