MALAKI 2:17 - OTSAO BAIBEL (BSI)

¹⁷ Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”

MALAKI 2:17 ပူးပေါင်းရင်းမြစ်များ

ISAIA 43:24

Hünzome ku hanpakma ongan müikya münga chishak chichangba hünzome koxkya müizaobu füi ku mongzom chiamüi. Itülüi hünzom ochaxe ku ang hünlix kox; hünzom mokkya othai mwot makhange ku mong ashan.

ZEFANIA 1:12

“Ipongma kue wüntik tuita laxüi ilaxle Jerusalem lomüi. Khünak ma füi alüile mongzom ma müile tamchu mongchong laxle opange hwom füi alüile ‘Jowanpae chemtuechu tütalichu münmok’ le thütle tüilaxpuix, hwom to sikngünüi.

HWON-NWOT-JAONO 8:11

Chaktung-chaktung ma khünakbue mütkop mwot büthüikoxle mok? Chemthüikoxle mütkop to janpüi ma sikngün fakya chitüikoxle.

AMOS 2:13

Athax a kue hünzom hax to zutle akhixüi, ilaxle hünzom a athaxpi, tsax hün laxle leüi müilin zyen azing pupu le wotle nuzaoüi.

EZEKEL 16:43

Nang naosom tanto kue nang to chemle humele changdaopuix, ibu nange alakdaoa, ilaxle nange mokkya mwotli pangnu makhange nange ku a mong atsikle. Ikhoma kue nang a ibu pangnu bama tsangthom ang tompu. Nange mokle ngokya nushix dongkya mwotbu khato chinunchakkaikya mwot ngaxchu omalax ang athütlaxpu?” Ija kax Jowanpa Khüthak Zang-e akaxdaoa.

EZEKEL 8:12

Zang-e ku ma atüi: “Ziün angkya khünak, Israel nok lompabue huxsa ma chempang mokpuix nange ngüncha? Hwom pangwüie muabue awangle tüikya nui ma shwomle ngole. Hwom kaxfyet a: ‘Jowanpae kem münngün! Chixe kem chaxwan dantoxdaoa.’”

JEREMIA 15:6

Hünzom khünaknue ku chilaxle awütpu; hünzome ku hato hünzom tok ahopu. Ikhoma kue ku chak thüipu ilaxle hünzom zutle akhünpu chemthüikoxle ku mongtsik adule ngo ang ku nale shu.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

ISAIA 7:13

Ija to Isaia-e lan: “Athax apalax, Dawid su-sa hwom. Khünaknu na-juale chang ang tomkya ngaxchu hünzom zongto huanu oma ang changle ngole — ikoxle hünzome Zang ngaxchu na-juale chang ang tomüi leo?

ISAIA 1:14

Hünzom lyetzün pangpwon hia atsaole nuikya nyixbu thua ku anule maxle; ibu a ku zongto hünlit ang changle. Ibu pai-nwon angkya ku na-juale maxle.

JOB LAIPEX 36:17

Ikoxle athax a nange kopse sikngün füi nang to sikangünpu.

JOB LAIPEX 34:17

Nange otsao Zang ajao ngopia? Sukya kaxfün thua chix anule le texpia?

1 SAMUEL 2:3

Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

MALAKI 3:8

Kue hünzom ma atüifang, khünake Zang dyenla angkya olom changcha? ‘Chemle?’ hünzome atüi. Ija a bünfong hia töbu koxkya ma changle.

MALAKI 2:14

Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

EZEKEL 9:9

Zang-e lan: “Israel nok hia Judah nokbu a khompua-zadünkya ochaxbu mokle thaidaoa. Hwome chaxwantok pangkhato wüi mix-lang mix-huakkya müt kopdaoa ilaxle Jerusalem a mik-amütkyae awangdaoa. Hwome thüile, Jowanpa kue hwom haxtok danle toxdaoa idaile kue hwom münngünüi.

JOB LAIPEX 34:36

Job zangwün pangnu makhange ajangle anohu; Chixe ochax khünak zangwün ma wünkya ngünüi.

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

JOB LAIPEX 9:24

Chixe chaxwannu a chichang-chizangkyabu chak to danle. Chixe kaxfün mixbu pangwüi mik aduak ang tomle. Zang-e chimok thüikoxle ija owae mok?

ISAIA 29:15

Ma mwottho Jowanpa pomtho ma pyen ang azongkyabu a maxdaoa! Hwome hwom mwot huxsa ma mokle ilaxle ija hwome mokle ngokya mwot owaechu münngün chichangba müntsingle thütle.

ISAIA 43:22

Jowanpae thüi: “Ikoxlechu hünzom ku füi nadaoa, Israel; hünzome ku münshwom.

JEREMIA 17:15

Khünaknue ku ang thüi: “Zang-e chemkha tokya tsai-kax ibu lomlaxle kem azapuix? Athaxpi chix ang ibu mokle aho ang laxkox!”

JEREMIA 44:22

Anyixkha hünzom haxtok a pünle ama thomdaoa ilaxle ikhato owachu münngo. Jowanpae hünzom chichang-chizangkya hia ochax mwotbu füi adu ang chithokya tokhange, ija a mikngün zongma za-adünkya tuita ang changdaoa, ilaxle khünaknue ija mün a othuak-ozom lom ma lünle.

EZEKEL 18:25

“Ikoxle nang thüipu, ‘Zang-e chem mokpuix ija a sukya münchang.’ Ku kax to apalax, hünzom Israel nok. Kue mokkya olom münsule hünzome thütpuix nyi? Chisukya a hünzome ajangkya olom mix changpu.

JEREMIA 12:1

“Jowanpa, kue nang füi ku zangwün bama alale jangchang, nang wüi sukya ang bangüijao. Ikoxle kue sukya kaxfün bama nang ma kax tuita atüi angkya wüi. Chichangchizangkya khünakbu mix büthüikoxle huanuma ahak-aluale tüipu? Chisax-chisukya khünakbu khünakbue mix chemle tholünpuix?