MALAKI 2:15 - OTSAO BAIBEL (BSI)

¹⁵ Zang-e nang she füi chasa hia tsangtsa pangnyi ma müitom tuita ang münzingdai hia? Ija ma chix mongtex chem changkya dai? Ija a hünzom Zang khünaknu ma su-sabu tüile chang angkya hanpak changkya. Idaile hünzom khama owaechu ma kako füikya tsaotsüt münamapox-ole thüilax.

MALAKI 2:15 ပူးပေါင်းရင်းမြစ်များ

MALAKI 2:14

Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

2 KORIN 6:18

Ku a hünzom Hopa changüi; hünzom a kusu kusahom changpu, le Khüthak Zange akax.”

1 KORIN 7:14

Chemthüikoxle mongong chitüikya kakopa a khristan kakonu tuita füi notomkya tokhange tsaokya ang achangle, ilaxle chiongkya kakonu a khristan kakopa tuita füi notomkya tokhange Zang pomtho ma sukya ang achangle. Ile chichang thüikoxle hwom naosombu songsari naosombu ningle tüise; ikoxle hwom ile chichang, hwom a Zang pomtho ma pongle kop ang tsuak le tüi.

PONGWANG LAIPEX 1:27

Ikhoma Zang-e chix lailaile-ole khünak-mixsa zingle alai. Chixe hwom sheko hia lüka le zingle alai.

TITA 1:6

Lompa tuita ma ofwot chitüi angkya oli; chix ang kakonu tuita wüi tüi angkya oli, chix naosombu a zongzanle tamchu kax ma chilaxle tüikya mowün oma chitüi homle mongong khünak changkoxle müiüi.

HOSIA 1:10

Israel khünaknu a tinu angkya fix büta tsaüi; ibu a e ang tamchu thüt ang chithole changüi. Athax Zang-e hwom füi akax: “Hünzom a ku khünakbu münchang”, Ikoxlechu chixe hwom füi: “Hünzom a ozün ma tüikya Zang su-sabu changpu!”, le akax angkya hanpak hüile ngole.

JOB LAIPEX 27:3

Zang-e ku ang zakdün fakya kople,

EFISIA 6:4

Honu hopa hom, hünzome ma naosom to hwom mongma adün angkya olom taxmok. Itülüi, Jowanpa zongma müikya olom ma hwom ajung atangle zünsaikox.

MATHI 15:19

Chemthüikoxle künmong tokhange iningle mongtex chimüikyabu laile: mix mik amütkya; chinunchakkai; ahuxkya; atsekya; ahaikya; iningkyabu.

JEREMIA 2:21

Kue hünzom a sümüipu zu tuita ang küihupu püntsangbu kha angkya sümüipu otsang zünlaxle a. Ikoxle nang chem ang achangpuix hulax! Nang a laxli chitüile shanle maxünkya zu tuita ang achangdaoa.

WANWÜNKAX 7:25

Iningkya mixcha tuitae nang mong jik-shemle lax ang taxtom; she mantole taxazüi.

WANWÜNKAX 6:25

Hwom sün-jo müikyae nang to thwontsingle chang ang taxtom; khuixle hukya hwom mik-hubue nang aman ang taxtom.

TSAITONG-KAXTONG 7:4

chemthüikoxle ile jangchang thüiningle hwome hünzom su-sabu mama baozangbu to shwom ang jikle pao angkya changle. Ile jangchang thüiningle Jowanpa ang hünzom füi mongmakya tüiüi ilaxle chixe janta bama wüi hünzom max ang tomüi.

PONGWANG LAIPEX 6:2

züizüi zangkho tokyabue ibu shekobu tüle osün müile ngün, ikhoma hwome mamong atsutsu tuipong tswonle lax.

1 KORIN 7:2

Ikoxlechu chinunchakkaikya huanuma tüikya khoma lüka nok ang wüi ma kakonu tupong tüi angkya olom changle, ilaxle sheko angchu wüi ma kakopa tüi angkya changle.

WANGSHEMBU MWOT 3:25

Ibu chix ajebu makhange Zange tsaokya kax hünzom hanpak changle, üntoxle hünzom putong Abraham füi: ‘Nang sixli makhange chaxwannu angkya khünaknüsa nok towüi mohimanüi’, lükya Zang Tsaotsüt bama Abraham sixli a hünzom changpu.

JUHAN 20:22

Chixe ija kax akax füima, hwom to zak füi mütle thüi: “Otsao Chasa koplax;

HWON-NWOT-JAONO 12:7

Kem tsangtsa a chaxwan angkya haxbu ang achangle chatdaoüi, ilaxle khüzün zakdün a kem ang ija koxkya Zang hato chatdaoüi.

WANWÜNKAX 4:23

Nang mongjang bama khünkhilax; nang khüzün a nang tutexbu makhange tix zingle.

NEHEMIA 13:24

Süifi tukux hwom naosombue Ashdod nok kax ma chichangba mama mixnok zangwün ma wün ilaxle hwome kwom kax ma zangwün ang chitho.

IZRA 9:4

Ku ikhama mongmaxle tsomfüi tö kox angkya hanpak nguikya kople thungle ngo, ilaxle khünaknu ku akhople asox ang süt. Ibu a, zanda ang ngokya chatkya Israel khünakbu hanpakma Israel nok Zang-e, hwom ochax thama bama akaxkya atatlaxle abüt-abanle tüikya khünakbu changkya.

PONGWANG LAIPEX 27:46

Rebika-e Isak ang thüi: “Ku kakle tamchu Esau sheko mixnokcha-e ngwomle. Jakop-e chu ikhatokya naocha laxle jangchang thüiningle ku zichu-zitüi.”

PONGWANG LAIPEX 24:44

She-e ku ang ti kox ilaxle ku utbu ang chuwüi khole aling le jangchang, she a ku hopa sasün kakonu hanpak ang nange zünle thomkya naocha ang changfa.’

PONGWANG LAIPEX 2:7

Ifüima Jowanpae hax ilaxle ija makhange khünak tuita zingle alai; chixe ija to nakua ma khüzün zakdün mütle kox sheme ija khünak ozün ang achang.

LAIPAO 20:14

“Chinunchakkai-le taxchang.

LIWI 20:10

Mixsün tuitae, Israel khünak tomtom mix kakonu füi chinunchakkaile jangchang, ija mixsün hia mixcha pangnyi wüi mik max ang tom angkya changle.

RUT LAIPEX 4:12

Jowanpae ija mixcha makhange pux-paile chang ang tomkya naosom hwom makhange nang homkha a, Judah hia Tamar nyi sasün Perez homkha ningle naxachang kox.”

1 SAMUEL 2:20

Ipongma Eli-e Elkanah hia chix kakonu hokhi to mohiman, ilaxle Elkanah ang thüi: “Jowanpae ija mixcha makhange ija naosa hünkhie Jowanpa ang atsaole koxdaokya lüi ma lax ang naosom mohimanle naxchang kox.” Ile chang füima hwom a hom to chatle chat.

WANWÜNKAX 2:17

ija mixcha a ma kakopa to mongong chitükya tamchu chix füikya otsao kaxfün alakle asamdaokya mixcha changpu.