MALAKI 2:14 - OTSAO BAIBEL (BSI)

¹⁴ Athaxpi chixe ibu büthüikoxle pongle chikop puixle hünzome atüi. Ija a hünzom naosom tanto tuiju-nasomle changkya ma kakonu füikya tsaotsüt hünzome amale changdaoa. She a nang üitho changkya. Nange mongong füi ngoüihex-ole Zang pomtho ma tsaosaxle changdao koxchu, nange she füikya ija tsaotsüt ama.

MALAKI 2:14 ပူးပေါင်းရင်းမြစ်များ

MALAKI 2:15

Zang-e nang she füi chasa hia tsangtsa pangnyi ma müitom tuita ang münzingdai hia? Ija ma chix mongtex chem changkya dai? Ija a hünzom Zang khünaknu ma su-sabu tüile chang angkya hanpak changkya. Idaile hünzom khama owaechu ma kako füikya tsaotsüt münamapox-ole thüilax.

ISAIA 54:6

Israel, nang a tui to namjukya naochasa, she kakopae awütle toxkoxle künmax-mongshanle ngokya mix ningle changpu. Ikoxlechu Jowanpae chix hato sele chatlaxle thüi:

HWON-NWOT-JAONO 9:9

Ija chaxwannu ma nang naxli chitüikya tsün ozün ma ngokya tukma, nang tsün nange mongkünkya mixhuak tuita füi mongmüikya. Ija laxli chitüikya hanpak a nange mongmüile akailax, chemthüikoxle ipongpongle nang sikngünkya fux lüi ang nange koptsuak angkya a ija tix changle.

PONGWANG LAIPEX 31:50

Laban-e ile chuwüi thüi: “Nange kusanyi to chimüile hwon ilaxle mama sheko owawa tamlax le jangchang thüiningle, kue ibu awan ang chikop, ikoxlechu Zang-e kem to hule ngokya texle ataklax.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

JEREMIA 42:5

Ifüima hwome ku ang thüi: “Kwom hanpakma nang makhange fakya Jowanpa kaxtom pangwüi kax ma kwome chilaxle jangtüi, ija bama ngünmix hia zangwün changle thom angkya mix a Jowanpa naxngokox.

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

WANWÜNKAX 2:17

ija mixcha a ma kakopa to mongong chitükya tamchu chix füikya otsao kaxfün alakle asamdaokya mixcha changpu.

MIKA 1:2

Ija apalax, jat-li pangnu; ija to apalax, chaxwan ma ngokyabu pangnu! Jowanpa Khüthak Zang-e hünzom füi alünle kaxkhi koxüi. Apalax! Chixe zangkangting zangshwom-hom tokhange akaxle.

EZEKEL 16:8

“Anaole chu ku emakhange lekya zuma, nang a mongkün dong angkya hanpak nguile tsongdaoale kue ngün ang kop. Kue ohua ma ngokya nang tsawan to ku nyipongnu füi awunle kox ilaxle nang to mongkün angkya tsaosax. Changle, kue nang füi aju-asomkya tsaosax, ilaxle nang a ku kux ang achang.” Ija a Jowanpa Khüthak Zang-e chem akaxpuix ija changpu.

WANWÜNKAX 30:20

Mongong chalom chitüikya kakonu tuitae ile mokle: she mix füi ngangüi, tijo, ilaxle thüi: “Kue thaikya chemchu münmok!”

TSAITAX-NGAONÜI 1:15

Ku mowünnu, nangsün chemkuxma müipuix; hupu mik-husa ma mongkün nyanle!

1 SAMUEL 12:5

Samuel-e lan: “Anyix hünzome ku ma thaikya onox chemchu müntüile thüikya zangwün bama, chixe kamle thomkya wanghompa hia Jowanpa nyi a ngünmix changle.” Hwome lan: “Changle, Jowanpa a kem bama ngünmix changle.”

PONGWANG LAIPEX 2:18

Ifüima Jowanpae akax: “Khünak chix tata ile ngokya münmüi; kue chix juafong angkya hozui tuita zingle koxüi.”

ISAIA 58:3

Hwome atüile: “Jowanpae chingünangba keme omalax ang chisax-chilingle atsao ngoüi? Chixe kem to mongkoxkya chitüiba kem chisax-chilingle ngo angkya chem mwot tüi?” Jowanpae hwom ang thüi: “Kaxtsing tomtata a ija changle, hünzome chisax-chilingle atsaokya füi tomtomle hünzom ma mongtextex lomle ilaxle hünzom mwot mokle ngokyabu to zothuple.

KAXFÜNPA-HWOM 11:10

Hwome lan: “Kwom mongtsule. Ija bama Jowanpa a ngünmix changle.”

MALAKI 3:8

Kue hünzom ma atüifang, khünake Zang dyenla angkya olom changcha? ‘Chemle?’ hünzome atüi. Ija a bünfong hia töbu koxkya ma changle.

JEREMIA 9:2

Sak-hax to ku ang ngwotnui tuita namtüikoxba ku khünaknu füi atsaile ku ikhato ngose dai. Hwom pangwüi mongong chitüikya khünakbu, mixkho hang ang mwopkya othom.

WANWÜNKAX 5:20

Sasün, nange nang mongkün mama mixcha ang büthüikoxle kox angkya? Nange mix kakonu sünmüi-johang to chem ang osing tüi angkya?

JEREMIA 29:23

Ija a hwom shoma changüi chemthüikoxle hwom a za-adünkya ochaxbu lyenle thaidaoa: hwome chinunchakkai mwot mok tamchu Jowanpa mün lünlaxle kaxthai zangwünle changdaoa. Ija a Jowanpa mongtex füi opüi changle; hwome chem mokdaopuix ija chixe awan ngole, ilaxle hwom zongto mikngün kaxkhi a chixjao changle. Ija kax Jowanpae akaxdaoa.”