MALAKI 2:13 - OTSAO BAIBEL (BSI)

¹³ Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

MALAKI 2:13 ပူးပေါင်းရင်းမြစ်များ

JEREMIA 14:12

Hwome chisax-chilingle atsaole zangjop koxle ngaxchu, hwome asun hüile sopkya zing to kue na müntha; ilaxle hwome ku ang zokle ashunkya to hia saxziak to, ibu koxle changkoxchu, ku ang hwom füi otuechu mong münmüi. Itülüi, kue zanhok ma tamchu woknuak hia kak-lak ma hwom mik max ang tomüi.”

JEREMIA 6:20

Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.

HWON-NWOT-JAONO 4:1

Ifüima kue ija chaxwannu ma chisukya mwot mokle ngokyabu to hule anopu. Mix fangto ngokyabu a sople ngo, ilaxle hwom to owaechu chifong tsuak. Hwom to owaechu chifong tsuak, chemthüikoxle hwom to afangle thomkya khünakbu ma tsak-zong tüile ngo.

WANWÜNKAX 15:8

Müikya khünakbue zangjop pongma Jowanpa ang mongmüile, ikoxle chichang-chizangkya khünakbue chix hato tö apüikyabu thua chix anule.

TSAITONG-KAXTONG 26:14

Kue ku mongmaxle sople ngopongma ngaxchu ikha angkya tuita münsax. Ku zanglom ma chitsaole asu pongma, ku homkha angkya kue ija tuita chu chialai. Kue ikha angkya tuita chu chapabu to jop-tole chikox. O Jowanpa! Nange ku füi bünfong bama adangle fakya pangwüi mokle changdaoa.

TSAITONG-KAXTONG 15:9

Hünzome thashe münlaxngole dantox angkya hanpak nguile hüikya ngünlaxle, chix ang tütali kox angkya to taxakhüix. Iningkya haxshix tutex hünzom khangka ma wang ang taxtom. Ija thashe kox ang nang mong chitsule jangchang, chixe nang to mongma kopüi. Ija mongma a Jowanpa hato nguiüi ilaxle nang a thaikya mix ang laxüi.

WANWÜNKAX 21:27

Chichangchizangkya khünakbue chix tö apüile koxpongma Jowanpa ang mong münmüi, tamnüile chu tutex oma füi hwome tö apüile changpongma chix a ija thua anule.

JEREMIA 11:14

Jeremia, ibu khünaknu hanpakma ku to jop-tole taxchangzi. Chemtue hwom thama ma tüiüihex ilaxle hwom to fong angkya bama ku nyakle changüihex, kue hwom kax to ojao na münthapu.”

NEHEMIA 5:1

Alüile chingo homtoxle, sheko hia lükya pangwüie mama Jehudi khünakbu to kaxthup-ngaotünle chang ang süt.

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.