MALAKI 2:12 - OTSAO BAIBEL (BSI)

¹² Iningle mokkyabu Jowanpae Israel onok kha angkya atsaile naxpaokox. Hwome chemtuechu, kem khünaknue kem Jowanpa Khüthak Zang to shwomle tö koxkya ma hwom tütue chu chihakle naxchang.

MALAKI 2:12 ပူးပေါင်းရင်းမြစ်များ

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

2 TIMOTHI 3:13

üntoxle chisu chimüikya khünakbu tamchu othai hwon anokyabu zia süma sümale maüi; ile hwome mixdyen-mixnganle tamchu ma alüile dyenle changüi.

MATHI 15:14

Hwom bama taxaban ngo; hwom a miksut lomzun mix miksutbu changle; otue miksut tuitae ata miksut mix lomzunle changüihex, hokhi pangnyi wüi tswomkha to dütüi.”

MALAKI 2:10

Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

ZEKARIA 12:7

“Jowanpa, kue pongwang ma Judah angkya süpahibu ang zan to lüt ang tomüi, ile chang koxle Dawid sixli hia Jerusalem angkya khünaknue kop angkya münchong a mama Judah angkya khünakbue kopkya füi chongkya ang münchangüi.

AMOS 5:22

Chemtue hünzome ku hato zokle ashunkya to hia saxziak tö, ibu apüile changpuix, kue ibu pongle münkopüi; ku hato apüi angkya hanpakmale hünzome tuxle anutkya müibu kue pongle münkop.

EZEKEL 24:21

Israel khünaknu hato ija kaxho fa angkya akaxle: Hünzom a Zangshwom-Hom tsak-zong bama mongngamle. Hünzome ija to huse tamchu ikhato nguisele tsule, ikoxle Jowanpae ija chitsaokya ang achang angkya changle. Hünzom homkha angkya khünak Jerusalem ma ngole tüikya füichi-naolibu a azankya ma zi ang tomüi.

EZEKEL 14:10

Ajebu hia hwom ma tsaitik-kaxshole changkyabu pangwüie sikngün tomwüi apongüi.

ISAIA 66:3

“Khünaknue hwom zongma chemle müipuix ija ningle mok. Tö ang kox angkya hanpakma maihupong tuita langpuix chichangba khünak tuita langpuix hwom zongto tuitata wüi changle; hwome chun hosa tuita to koxle wüi changlax hisa tuita ngom azople wüi changlax; hwome saxziak tö koxpuix chichangba wak aji koxpuix, hwom zongto tuitata wüi; ongan müikya zo zokle changpuix chichangba chapa tuita to shwomle changpuix, hwom zongto tuitata wüi. Hwome ile dyenlale shwom-tole changkya olom hwom zongto müihule.

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

1 PUKAX-PANGAO 25:8

Hwome ma mwot-mwot zünle lax angkya hanpakma, hwom mixmüi wüi changlax, naosa wüi changlax, mandaokya mix wüi changlax, mamankya mix wüi changlax, pangnusae chizing tswonle tix ma mwot zünle lax angkya lai.

1 SAMUEL 3:14

Ikhoma kue Eli hwom homkha ang thüipu, tütaningkya töbu koxle changkoxchu hwome mokdaokya ochaxbu khoma hwome apong angkya thama achatle lax ang müntsuak.”

HUAKE LAIPEX 24:5

Israel nok nyihombu osün tüle müi,

LIWI 20:3

Owawae masu-masa Molek baozang ang koxlaxle ku otsao Nyihom chitsaokya ang achang tamchu ku otsao nui amale jangchang, kue chix chito tok ahoüi ilaxle ija khünak a ku khünak changle le münlax.

LIWI 18:29

Iningle chisumüikya mwot mokle ngokya khünak opupuchu Jowanpae chix khünak ang münlaxle hünzome awan ngopu.

HOSIA 9:12

Hwome naosom tux-tsomle changbachu, ibu kue paoüi, tuita chu ozün ma müntoxüi. Chemtue kue ibu khünakbu chilaxle dantoxüihex, tüle khompua-atsikkya mwot hwom ma laiüi.”

MALAKI 1:13

‘Ibu mokle ngokyae kem müimamale na-juale max ang tomle!’ le hünzome thüitüi ilaxle ku füi mongtsik-mongmale changtüi, ikoxle nange ku hato tö ang kox ang ahuxkya müi hia ocha faikya müi apüitüi. Ija kue nang chak angkya pongle kopüile nange thütpia?