MALAKI 2:10 - OTSAO BAIBEL (BSI)

¹⁰ Kem ang hopa tuita wüi tüikya münchangdaimi? Kem pangwüi, Zang tuitae wüi zingkya münchang hexmi? Jangchangba keme tata füikya kaxtsao chem ang ama? Kem putong hwom füi Zang zingkya Tsaotsüt tha büthüi ang ajao?

MALAKI 2:10 ပူးပေါင်းရင်းမြစ်များ

MÜNCHUAK-TSAI 100:3

Jowanpa a Zang changpule awan ang laxkox. Chixe kem zingpu, ilaxle kem chix kux changpu; kem a chix khünaknu, kem a chix chunzyem changpu. B

MALAKI 2:11

Judah angkya khünaknue Zang füikya hwom kaxtsao amadaoa. Hwome Jerusalem ma tamchu chaxwan pangnu khato za-adünkya mwot mokdaoa. Jowanpae mongkünle tüikya Zangshwom-Hom hwome chitsaokya ang achangdaoa. Khünakbue mixnok baozangbu to shwomle ngokya shekobu füi kako tanle changdaoa.

1 KORIN 8:6

kem hanpakma Zang, chix a Hopa, owae zünmok zingle alaipuix, ilaxle owa hanpakma kem ozün ma ngolaxpuix, chix tuita wüi; üntoxle zünmok zingkya mix owa makhange kem ozün ma ngopuix, ija Jisu Khrista Jowanpa chix tata wüi.

EFISIA 4:6

pangnu hopupa, pangnu makhange mwot mokkya, ilaxle nok ma wüi ngokya Zang üntoxle Hopa tuita wüi changle.

ISAIA 63:16

Nang a kwom hopa changle. Kwom putong Abraham hia Jakop hwome kwom mün chichangle, owae jento kwom khosünle koppuix, ija Jowanpa, kwom hopa, nang mün tata fuale tox wüi.

ISAIA 64:8

Ikoxlechu Jowanpa, nang a kwom hopa changpu. Kwom komhax thatha, ilaxle nang a tikjaomix changpu. Kwom a nang chakzing,

WANGSHEMBU MWOT 7:26

Ofüinyix chixe Israel khünak mixsün anyi ahele ngokya ngün, ijama chixe hokhi hyet abaxle tu amüi ang azong. Chixe thüi: ‘Hünkhie tam apahüi; hünkhi a hotüi-honao changle; büthüikoxle tata füi ahepu?’

MATHI 3:9

Tamchu Abraham kwom hopa changpule hünzome akaxkya khoma hüiüi tüikya Zang mongtsik chak tokya hünzom azang ang tho angkya oli münchang. Zange ibu longdwon makhangechu Abraham susabu alai ang tho angkya changle.

JUHAN 8:41

Hünzome hünzom hopa mwot mokpu.” Hwome chix ang thüi: “Kwom Hopa ang Zang tata wüi ilaxle kwom a chixsu chixsabu changpu.”

MATHI 22:16

Ofüima hwome hwom wangshembu tamchu Herod othom kha angkya khünakbu züita Jisu hato tsanle apao. Hwom nguilaxle thüi: “Nwotmix, kwome nang a mixmüi changpule awanle; khünaknue tütale wüi thütkoxlax tamchu owa thuachu chizale, nange khünaknu hama Jowanpa bama otsingtsing anwot-anole le kwome awan ngopu; chemthüikoxle nange khünak chifün to chihu.

MATHI 10:21

“Hotüie honao, hopae sasün lang angkya hanpakma owüiole koxüi; tamchu sasün hwome honu hia hopa hwom füi alünle ajong laxle hwom lang ang owüiole kox angkya changle.

MALAKI 2:8

“‘Ikoxle athax hünzom zompu-zangpabu a sukya lomtang angkya cheile paopu. Hünzom hwon-nwot tokhange khünaknue huanuma ochax mok ang tompu. Kue hünzom füi Tsaotsüt laxkya hünzome amadaoa.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

EZEKEL 33:24

Chixe thüi: “Ziün angkya khünak, Israel nok ma pünle amadaokya tingnubu ma ngokya khünakbue thüile: ‘Abraham a khünak tuita wüi changkya, ikoxle chix ang ibibi haxtok komkaile koxpu. Kem a khünak ibibile tüipu, idaile haxtok a kem kux changpu.’

ISAIA 51:2

Hünpu, Abraham ajangle koplax, tamchu Sarah, owa makhange hünzom pu-tsale hüipuix. Kue chemtue Abraham nyakkya hex, chix ma naosom matüikya, ikoxle kue chix to mohiman ilaxle su-sa hwom kox; kue chix su-sa hwom huanuma pu-tsale chang ang tom.

ISAIA 44:2

Ku a Jowanpa hünzom zingkya mix changle; hünzom puxkya tokhange wüi, kue hünzom to fongle hüipu. Taxza; hünzom a dabu changle, ku khünaknu, kue mongkünkyabu a.

ISAIA 43:15

Ku a Jowanpa, hünzom otsao Zang changpu. Kue hünzom zingle alaipu, Israel, ilaxle kua hünzom wanghom changpu.”

ISAIA 43:7

Hwom a ku khünakbu changpu, ilaxle kue hwom a ku hato fuazangkya nax-apüi lele zingle alaikya changpu.”

ISAIA 43:1

Israel, Jowanpa owae hünzom zingle alaipuix chixe thüile: “Ojao taxza — kue hünzom sünle kopüi. Kue hünzom a mün makhange nyakle koppu — hünzom a ku kux.

JOB LAIPEX 31:15

Zang owae ku zingle alaipuix; ku dapa chuwüi chixe zingle alaipu.

NEHEMIA 13:29

Texle atak-hüi, Zang, ibu khünakbue wanghom khualo ilaxle nguapabu hia Liwi hwom füikya nange kaxfün hwome chemle amapuix, ibu taxalak.

JIHUSUA 24:3

Ifüima hünpu Abraham Eufrat shuanu tachi haxtok tokya kue zünle lax üntoxle Kanan haxtok bakle faole aham ang tom. Kue chix ang osix-oli müimamale kox. Kue chix ang Isak kox.

LAIPAO 19:5

Athax, hünzome ku kax ma laxle ku Tsaotsüt otya ma jangthom, hünzom a ku khünakbu ang changüi. Chaxwannu komle ku kux changpu; hünzom a kue zünle kopkya,

IBRI 12:9

Tamtailechu kem ang müi-hi-aji ma honu hopa hwom tüipu, hwome kem to zünsaipu ilaxle keme hwom chathua zapu. Ija thakto chasa ma kem Hopa chak to kem tsün koxlaxle ozün ma ngo angkya otukux achongkya hex!

1 THESALONIKA 4:6

Ija olom ma khünak owaechu ma üitho khristan füi thaile chimoküi chichangba dyen-nganle chichangüi. Kwome ija hünzom hama thotochu akaxdaoa, athaxchu kaxkhün koxle akaxpu, iningle mokkya khünak to Jowanpa-e sikngün faüi.

EFISIA 4:25

Ifüima atsekya taxtüi! Pangnusae tomzi füi kaxtsing akax angkya changpu, chemthüikoxle kem a noknusa wüi Khrista tompo ma womkyabu changle.

ROM NOK HATO ZAKYA POL LAIZA 9:10

Ilaxle itata le münchang, chemthüikoxle kem putong Isak a Rebika sasün nyi hanpakmachu hopa changle.

ROM NOK HATO ZAKYA POL LAIZA 4:1

Müi-hi-aji ma kem putong Abraham bama keme chemle akaxüi? Chixe chem apongle hüidaopu?

WANGSHEMBU MWOT 17:25

Chix hanpakma moklaxle khünake chix ang koxkya lax angkya chix hanpakma mwotjao müntüi; chemthüikoxle khünak mixsa hia zünmoknüsa ang ozün hia zaksyet ang koxkya a chix tix changle.

WANGSHEMBU MWOT 7:2

Stefen-e lan: “Achong alihom ilaxle apu-apahom! Kem putong Abraham Haran to kaüi thoto, chix Mesopotamia ma ngotanto, chix hato fuazangkya Zang lai,

JUHAN 8:56

Hünzom hopa Abrahame ku nguikya din ngünse le tüle thütkya; tamchu chixe ija ngünlaxle chix ang tüle mongmüi.”

JUHAN 8:53

Kwom apa Abraham a zidaoa; chix füi nang wüi achongkya le texpia? Ajebuchu wüi zibakdaoa, ikoxle nang a nange owa le texpu?”

JUHAN 8:39

Hwome chix kax to lanle thüi: “Abraham a kwom Hopa changpu.” Jisu-e hwom ang thüi: “Hünzom Abraham susabu hex thüikoxle Abrahame chem mokpuix ija mokse.

KAXHO MÜIKYA LUK 3:8

Hünzome ochax tokya mong chatdaoa le ahoküli mwot mokkox. Üntoxle hünzom khama: ‘Abraham kwom putong changpu’ le akax ang taxsüt ngo. Kue thüipu, Zange idu long tswonlaxle chu Abraham sixli alai ang tsuaküi.

KAXHO MÜIKYA LUK 1:73

Münthaipuo lekya tsaosüt ma, Kem putong Abraham füi, zanbu chak tokya kem khosünüi, ilaxle chaza kya chitüi le, keme chix mwot mok ang koxüile tsao.

WANGSHEMBU MWOT 17:24

Zang, owae chaxwannu tamchu ikhama atüitüi komle zingle alai laxpuix, chix a ding hia hax ma hopupa changle, ilaxle chix a khünake zingkya zangshwom-hom ma münngo.

WANGSHEMBU MWOT 17:26

Mixhuak tuita makhange chixe khünaknu jat-hi-li pangwüi zing, ilaxle chaxwan tok pangnu khato wüi hwom ngo ang dan. Amiba wüi achale chixe hanpak hia hwom ngo angkya ziakam textya le othüt chixe kox.

LAIPAO 19:4

“Jowanpa kue Ijip nok to chempangle mok ilaxle olae hosa a ozangtok ma danle nwonle ahamkya ningle kue hünzom chemle nwonle paopuix üntoxle ikhato ku hato chemle apüipuix ibu pangnu hünzome ngünle hüipu.

LAIPAO 24:3

Mosa nguilaxle khünaknu hama Jowanpa kaxtombu hia chixe akaxkyabu pangwüi wün; ilaxle khünaknu noke motomle thüi: “Jowanpae akaxkya kax pangwüi ma kwome laxüi.”

LAIPAO 24:7

Ifüima chixe Tsaotsüt laipex lax; ija ma Jowanpa kaxtombu zale tüikya. Ija chixe khünaknu noke atatle ele kox. Hwome lan: “Kwome Jowanpa kax ma laxüi ilaxle chix kaxtombu pangwüi moküi.”

JEREMIA 31:9

Ku khünaknu a mikfi-tunjile nguiüi, kue hwom zunle changpongma zangjopngale nguiüi. Kue hwom a ti jenle tüikya shuasa hato apüiüi, hwom chikho sua angkya chitüikya lom fünmüi to a. Ku a Israel nok zongto tuita hopa ningle, ilaxle Efraim a ku sasün tüichongsa ningle.”

ISAIA 64:7

Zangjop makhange nang hato owachu chichat; nang hato fonghüiole owachu chihüi. Kwom thoto nang a thün khom ang süt ilaxle kwom a kwom ochaxbu khoma danle tox