MALAKI 1:9 - OTSAO BAIBEL (BSI)

⁹ Athax, zompu-zangpabu, Zang ang kem füi müile tüihüi-ole thüiwanhu. Chixe nang zangjop to otuechu münlax, ilaxle ija a nang thaikya changüi.

MALAKI 1:9 ပူးပေါင်းရင်းမြစ်များ

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

JEREMIA 27:18

Khünak ibu a ku ajebu tsingtsing jangchang tamchu hwom ma ku kaxho tüile jangchang, Zangshwom-Hom angkya tuina hia wanghom homlo angkya thanu-juapabu Babilon nok to chipaole onui ma wüi ngo ang tom angkya bama hwome ku füi zangwün ang laxkox.” (

LAIPAO 32:11

Ikoxlechu Mosa-e Jowanpa chix Zang ma chingcha jule akax: “Jowanpa, nang khünaknu füi nang mong itukuxle chemthüikoxle ma angkya? Ibu a nangtsak nang zong chongkya füi nang Ijip nok tokya alaile apüikya münchangdai hia?

ROM NOK HATO ZAKYA POL LAIZA 2:11

Chemthüikoxle Zange pangnusa ang wüi chifün tuita ma kaxfün fale.

JUHAN 9:31

Zange ochax khünakbu kax ma münlaxle keme awan ngopu; ikoxle owae Zang chathua zale chix kax ma laxle mokpuix, ija khünak kax chixe apale.

JEREMIA 26:19

Wanghompa Hezekiah hia Judah angkya khünaknue Mika a langle chiawüt. Itülüi, Hezekiah-e Jowanpa achuak-achen ilaxle chix chingcha kop ang azong. Ilaxle hwom hato ahüi angkya thama bama Jowanpa ang mong alüix. Athax kem a kem hato alüile khomtsikya thama-thomshix ahüiüi khakha.” (

JOEL 2:17

Tötsap hia Zangshwom-Hom nyi bama Jowanpa thothale ngokya nguapabue, “Jowanpa, nang khünaknu to chingchahüi. ‘Hünzom Zang oja?’ le adix-adakya kax füi mixnokbue kwom thajao ang taxtom” le hwome sople zangjop angkya wüi changpu.

MANGSOP 2:19

Chatwüichatle Jowanpa to nyak ang zangngaile zokox; Nang mong thokle laxkox ilaxle chix ang nang naosom to chingcha angkya chingcha jukox— Tingjang lomnu pangkha towüi woknuak ma zile ngokya naosombu to a!

2 PUKAX-PANGAO 30:27

Zompu-zangpabu hia Liwi hwome khünak hanpakma mohiman ju. Zangkangting chix hom tokhange Zang-e hwom zangjop atat ilaxle hwom pongle kop.

JOEL 2:12

“Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.

AMOS 5:22

Chemtue hünzome ku hato zokle ashunkya to hia saxziak tö, ibu apüile changpuix, kue ibu pongle münkopüi; ku hato apüi angkya hanpakmale hünzome tuxle anutkya müibu kue pongle münkop.