MALAKI 1:4 - OTSAO BAIBEL (BSI)

⁴ “Kwom tingnubu a amadaokya changpu, ikoxlechu ibu kwome zingle laxüi”, le Esau sixli Edom noke jang akax, Jowanpae hwom kax to lanüi: “Hwome ibu tamchatlechu naxzingkox--kue ibu anaole chuwüi pünle ama angkya changle. Khünaknue hwom ang ‘Othuithuima hwom füi Jowanpa ang mongtsikle ngokya ochax chaxwan’ le nyaküi.”

MALAKI 1:4 ပူးပေါင်းရင်းမြစ်များ

EZEKEL 25:14

Ku hanpak ang, ku khünaknu Israel noke Edom nok to jannong alüiüi, ilaxle hwome Edom nok ang tüle shixkya ku mongtsik awanle lax ang tomüi. Kue jannong alüikya thama chem hex, ija Edom noke awan ang kopüi.” Jowanpa Khüthak Zang-e ija akaxdaoa.

EZEKEL 35:9

Kue nang a othuithui hanpak ang chilaxli haxtok ang achangle awütüi, ilaxle nang tingnubu ma tamchatle owachu münngoüi. Ipongma nange ku a Jowanpa changpule awanüi.

JEREMIA 31:17

Hünzom füichi hanpak ang monghom tüile; hünzom su-sa hwom chatle chat angkya changle. Ku, Jowanpae ija akaxdaoa.

ISAIA 34:10

Ija a zangnak zangngaile chuale ngoüi, ilaxle ija makhange jento wünkhut laile ngoüi. Tsün-tsün to ija haxtok a awütle thomkya haxtok ang ngoüi, ilaxle imakhange athax owachu chiahamüi.

ISAIA 34:5

Jowanpae chix changlo zangkangting to achwonle tüile, athax ijae Edom to thupüi; ibu khünakbu a amüt angkya wüile ahaidaokyabu changle.

ISAIA 11:14

Okhi athütlaxle hannop chikao ma Filistia nok to singüi ilaxle handün chikao ma ngokya khünakbu tingtakle amütüi. Hwome Edom hia Moab nok hwom chak to hwople kopüi, ilaxle Amon noke hwom kax ma laxle tüiüi.

MALAKI 1:3

ikoxle Esau hia chix sixli hwom to a miktsakpu. Esau haxtok haxhuabu a kue chemchu chitüikya haxtok ang achang laxle shwonbu ngwotnui ang toxpu.”

AMOS 6:2

Kalneh tingnu to paolaxle ito hulax.; Ifüima achongkya Hamath tingnu hato paolax; ilaxle Filistia nok angkya Gath tingnu to julax. Wangting ibu füi hwom wüi amüikya le hia? Wangting ibu Judah hia Israel nok füi müikya tamchu chongkya le hia?

EZEKEL 11:10

ilaxle hünzom nok ma nang a zanhok ma langüi. Ilaxle ku a Jowanpa changle le noknusae awan ang kopüi.

MANGSOP 3:37

Jowanpa mongtex jento mokle alyetpu.

ISAIA 10:4

Hünzom a zanhok ma lang ang tomüi chichangba zandabu ang linle pao ang tomüi. Ile changkox-ngaxchu Jowanpa mongtsik a münbaktox; sikngün fa angkya hanpakma chix chak a ajong lüwüi ngoüi.

WANWÜNKAX 21:30

Jowanpa nang füi apüile jangtüidao thüiningle, khünak je-hwon, khüzi anaxkya, mongtex zukya: ibu chem mwot angchu münchang.

MÜNCHUAK-TSAI 137:7

Jerusalem kopkya nyix Edom noke chemle mokpuix, ija texle ataklax, O Jowanpa. “Ija pünle atsundao!”, le hwome akax ngokya texle ataklax.

MÜNCHUAK-TSAI 127:1

Jowanpa hom chizing thüikoxle, homzai mixbu mwot a oba to; tingnu a Jowanpa nyele chingo thüikoxle, ikhama nyetmixbue ziakople thomkya a oba to.

JOB LAIPEX 34:29

Chixe chemchu münmokngo le Zang-e jangtex daoba, owaechu chix ang chichang khato le thüi ang müntho. Zang-e chix thün jangkhomba, khünak a maxsax.

JOB LAIPEX 12:14

Chemtue Zang-e pünle amaüihex, owaechu chatle zing ang müntho; Zang-e kun ma shokya khünak owaechu dan ang tho!

JOB LAIPEX 9:4

Zang je hia tsak-zong füikya changpu; chix füi alünle ajong ang owaechu münthopu.

MATHI 12:30

“Ku füito chitüikya mix a ku zongto zan changle; ija ningle afox ang ku to chiasunkya mixe ija chiakle.

JEREMIA 5:17

Ibue nang sax-tua hia sütling jokle joküi; hwome hünzom sasün hia sacha hwom langüi. Hwome hünzom chun hia maihu zyembu langüi ilaxle hünzom grep zu hia fupsa pünbu amale awütüi. Hünzom chalomle ngokya ziakople thomkya tingnubu a hwom süpahibue pünle amaüi.

JEREMIA 49:8

Dedan angkya khünaknu, aküilax ilaxle ziklax! Azwonlax! Kue Esau su-sa hwom amüt angkya changle chemthüikoxle kue hwom to sikangün angkya tunu nguile hüidaoa.

JEREMIA 49:20

Idaile Edom nok zongto kue mok angkya mwottho zingle thomkya to apalax, ilaxlechu Teman tingnu angkya khünaknu to kue mok ang mongzangwünle achwonle ngokya to a. Hwom naosombu ngaxchu wüi linle paoüi, ilaxle pangnusa wüi abütle changüi.

EZEKEL 25:13

Athax kue ngaipu, kue Edom nok to zothupüi ilaxle ikhato tüikya khünak hia müi pangwüi langüi. Kue ija haxtok a, Teman tingnu makhange Dedan tingnu alople chilaxli haxtok ang achangüi, ilaxle khünakbu a zanhok ma max ang tomüi.

EZEKEL 26:14

Nyaxlwot mixbue hwom shabu lomle azua angkya longtok boma chemchu chitoxle changüi. Ija tingnu a otuechu chatle münzingüi. Jowanpa Khüthak Zang, kue ija akaxdaoa.”

EZEKEL 35:4

Kue nang tingnubu pünle ama toxüi Ilaxle nang haxtok awütkya nui ang achangüi; Ifüima nange ku a Jowanpa changpule awan ang kopüi.

AMOS 3:15

Kue zangwa hom hia tsonu hombu amaüi. Luakzongbu füi aza-apuale tüikya hom-haxbu a pünle amaüi; homnu-pungnunu komkaile amaüi, le Khüthak Jowanpae thüile.”

AMOS 5:11

Hünzome zasabu to afangle thom ilaxle hwom saxziak zongzukle lax. Ikhoma ipong müile hünzome zaile alaikya longhombu ma hünzom münngoüi chichangba ipong müile hünzome küile alaikya grep haxtok angkya grepti-ju hünzome münlingüi.

AMOS 6:11

Chemtue Jowanpae kaxtom koxpuix, chongkya hom pangwüi atsunüi, ilaxle hixkya hombu ofun-ofo ang achangüi.

OBADIA 1:1

Ija a, Jowanpa Khüthak Zang-e Edom nok hanpakma akaxkya kax bama Obadiah-e ajekya changpu. Chaxwannu onokbu hato Jowanpae kaxhomix apaodaoa, ilaxle kwome chix kaxho ile atatle: “Achwonlax! Kempi Edom nok zan to kahax!”

OBADIA 1:10

“Hünzome papalo le tüikya tamchu hünzome ma haxnu-homsa, Jakop susün hwom mik amütkya khoma, hünzom a amütüi ilaxle chemtuechu e-sele tüi ang müntom.

MÜNCHUAK-TSAI 33:10

Jowanpa ang chaxwannu nok mongtexbu füi mongzom chimüi; chixe hwom katzuabu mokle le ang chitom.

JEREMIA 49:7

Ija a Jowanpa Khüthak Zang-e Edom nok bama akaxkya kax changle: “Edom noke hwom sukya kaxfün asamdao pia? Adangpabue hwom hama chemle mok angkya hex akax ang müntho hia? Hwom je-hwon pangwüi amuale samdao pia?

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.