MALAKI 1:2 - OTSAO BAIBEL (BSI)

² Jowanpae chix khünaknu füi akax: “Kue hünzom to othuithuima mongkün daoa.” Ikoxle hwome lan: “Nange kwom tokya nang mongkün chemle aho daopu?” Jowanpae lan: “Esau hia Jakop nyi a tüi-hi-nao nyi changkya, ikoxlechu kue Jakop hia chix sixli hwom to mongkünpu,

MALAKI 1:2 ပူးပေါင်းရင်းမြစ်များ

JEREMIA 31:3

tsailo tokya ku hwom hato ngaipu. Israel khünaknu, kue jento hünzom to mongkünpu, ikhoma chizakle kue hünzom hato ku mongkün aho ngopu.

TSAITONG-KAXTONG 10:15

Ikoxle hünzom putong hwom tokya Jowanpa mongkün tüle chongkya tüikya khoma mama owawa chichang homtoxle chixe hünzom zünle koppu, ilaxle hünzom athax kople chixe zünle kopdaokya chix khünaknu changle.

TSAITONG-KAXTONG 4:37

Chixe hünzom putong hwom to mongkünkya khoma chixe hünzom zünle kop, ilaxle chix tsak-zong chongkya makhange chixe hünzom Ijip nok tokya alaile apüi.

MALAKI 2:17

Hünzome hünzom zangwün füi Jowanpa ang mongngwom ang tom. Ikoxlechu hünzome atüi: “Kwome chemle chix mongngwom ang tomle? Jowanpae ochax mwot mokle tüikya khünakbu pangwüi mixmüi changle chichangba chixe hwom to mongkünle le thüikya ma hia chichangba sukya mwot moksepa Zang omaün le atüikya ma?”

JEREMIA 2:31

Israel khünaknu, kue akaxle ngokya to apa koplax. Ku a hünzom zongto sak-hax tuita ningle, zangnaktukle tamchu khompua-zadünle tüidao pia? Ile chichangba, chemkhoma hünzom a hünzom küntsu monglua ma mok-mole ngoüihex, ku hato münchatpule angam?

JEREMIA 2:5

Jowanpae akaxle: “Hünzom putong hwome ku zongto tsaitox-kaxfe angkya chempang apüipuix? Hwome chem khoma ku hato tok ahopuix? Hwome laxli chitüikya chapabu to shwom ilaxle hwom alüile chilaxle ang achangle pao.

ISAIA 43:4

Kue chaxwannu nok pangwüi hünzom khosün ang dantoxüi, chemthüikoxle hünzom a ku zongto thalix changle tamchu ikhoma kue hünzom to kue mongkünle tamchu e-sele.

PONGWANG LAIPEX 48:4

Chixe ku ang thüi: “Kue nang ang sixli huanuma faüi ilaxle hwom jat-li obiobi ang achangle tsa ang tomüi. Kue ija haxtok nangsix-nanglibu ang jento hwom haxtok ang naxngo ang koxüi.”

PONGWANG LAIPEX 27:33

Isak a anyonle abün ang süt, ilaxle chixe atüi: “Ami ku hato müisong laxle apüile koxkya a owa hexsi? Athax ile nang nguiüi thothoma kue ija süt saxle kopdaoa. Kue ku oshuk mohiman chix ang koxle apaodaoa; athax jento ija a chix kux ang ngoüi.”

PONGWANG LAIPEX 25:23

Ilaxle Jowanpae she ang thüi: “Nang ma jat-li anyi tüile; nange zanpa anyi puxle alaiüi. Tuita a ata mix füi tsak-zongle tüiüi; Hotüie honao thothale changüi.”

KAXHO MÜIKYA LUK 10:29

Ikoxlechu Wanlom tsingpae chix lualua to chix supu le aho ang Jisu ma chatle ile atüi: “Ikoxle ku zongma tomzi owa?”

JUHAN 15:12

“Kue hünzom to chemle mongkün, ija ningle hünzomchu zuikhui hia zuikhui bama mongkün ma ngolax; ija a ku kaxtom changpu.

TSAITONG-KAXTONG 23:5

Ikoxlechu Jowanpa hünzom Zang-e Balam kax to chiapa, itülüi chixe ija othuak-ozom tuita mohiman ang achangle awüt, ija a chixe hünzom to mongkünkya khoma changpu.

TSAITONG-KAXTONG 33:3

Jowanpae chix khünaknu to mongkün ilaxle chix kux ang ngokyabu kho-awa. Ikhoma kwom chix chitong ma akhux ilaxle chix kaxtombu kax ma lax.

ISAIA 63:1

“Edom nok tokya Bozrah tokhange nguile ngokya mix ija owa? Ija khidak-khisumle aza-apua laxle, zikle nguingokya tsak-zong hia janzüi ma?” “Khosün angkya tsak-zong füi, zan to lütkya apuk ang nguile ngokya a Jowanpa changle.”

AMOS 1:11

Jowanpae thüile: “Edom noke chatchatnaole ochax lyenle hüidaoa, ikhokho ma kue hwom to sikangün angkya changle. Hwome ma haxnu homsabu Israel nok to müihap nyaxlom pupu le to-zile changdaoa, ilaxle hwom hato oja chingcha ahokya chitüi. Hwom mongtsik ma chem thathüt chitüi, ilaxle hwome ija dangle pao ang chitom.

PONGWANG LAIPEX 25:25

Pongwang angkya khikhile, tsangtsa ma mune awangle chwoplaxle lai; ikhoma hwome chix ang Esau le amün.

PONGWANG LAIPEX 25:26

Ifüima honao lai. Chix a hotüi Esau cha ma koplaxle lai, ikhoma hwome chix ang Jakop le amün. Ipongma Isak a zanglao 60 nguidaokya.

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

2 WANGHOMBU 3:8

Keme ojaja lomkua makhange singüi?” Joram-e lan: “Edom nok sak-hax lomnu makhange.”