MALAKI 1:13 - OTSAO BAIBEL (BSI)

¹³ ‘Ibu mokle ngokyae kem müimamale na-juale max ang tomle!’ le hünzome thüitüi ilaxle ku füi mongtsik-mongmale changtüi, ikoxle nange ku hato tö ang kox ang ahuxkya müi hia ocha faikya müi apüitüi. Ija kue nang chak angkya pongle kopüile nange thütpia?

MALAKI 1:13 ပူးပေါင်းရင်းမြစ်များ

MIKA 6:3

Jowanpae thüi: “Ku khünaknu, kue hünzom to chem oma mokdaopu? Ku kax to lanhüi.

MATHI 6:16

“Tamchu otue hünzome chisax-chilingle atsaole zangjopkya hanpak laxüi hex, künkux-mongkwombu ningle thün ma mongma ahole taxchang. Hwome chisax-chilingle atsao alangle zangjop hanpak laxkya mixe naxngünle, ibue ma thün ma zamak tüikya pak chitik le ahole. Kue hünzom hama otsingtsing akaxpu: hwome ma hinghoho kopdaoa.

MATHI 6:5

“Hünzome zangjop pongma, künkux mongkwombu ningle taxchang; chemthüikoxle hwome khünak noknue naxngün ang sinagok hia lompongbu to jopse tsule. Kue hünzom füi otsingtsing akaxpu; hwome otha okhongui le kopdaoa.

MALAKI 2:13

Ija hünzome mokkya mama mwot. Hünzome chix hato apüikya tö otuechu chixe pongle chikop. Ikhoma Jowanpa tö-tsap a sopkya hia mongmakya mikfi füi sing ang tomdaoa.

AMOS 8:5

Hünzome ma füi alüile ile akaxlax: “Kwom saxziak hangle tsuak angkya hanpakma kwome atsaole nuikya nyix atsangpa le tanle nui ang thoüi. Kwome saxziakbu hangle chang angkya kuxma Sabath a chemtue ashuküi? Ofüima kwome otha achen ang tamchu othüt ma thaile shakmixbu dyenle chang ang thoüi.

EZEKEL 44:31

Nguapabue o-jux hia faomüibu hwom zikzik to zikya hia mama hozui müie langkya chemchu chisaxüi.”

EZEKEL 4:14

Ikoxle kue lan: “Jowanpa Khüthak Zang, ile münchang! Kue ku otuechu tsaolyenle chang ang matom. Naosom tanto khange wüi kue otuechu owüi zikya müimang hia faomüie langle changkya müimang masax. Zanglom ma otsao münchangle atsaokya sütli chemchu masax.”

ISAIA 57:6

Ikhatokya longtom müikyabu tswonle koplaxle ibu to baozang changpule shwom. Ibu chitong to shwomle hünzome jubu thok tamchu ibu hato saxziakbu apüile töbu kox. Hünzome ibu mokkya füi ku ang mongmüile le hünzome texpia?

ISAIA 1:12

Ku to shwom ang nguipongma ibu ku hato apüi angkya changle le owae thüi? Ku Zangshwom-Hom ma hünzom ang chilaxle mwot ibu moklaxle owae thüi?

1 SAMUEL 2:29

Jangchangba büthüikoxle hünzome ku khünaknue kue lomkya töbu ku hato apüile koxkya to nüfux dongpu? Eli, nange büthüikoxle ku füi ngaxchu hünsa hwom wüi achuak-achenle, ku khünaknue ku hato apüikya töbu kha angkya amüimüikha zünle koplax ilaxle ibu saxlinglaxle amo-amaile ngo ang tompu?

TSAITONG-KAXTONG 15:21

Ikoxle ibu müi to chemchemle jangchang, ibu faishokle, omik aduakle, chichangba chisu-chimüikya tütali janman tüile jangchang thüiningle, hünzome ibu a Jowanpa hünzom Zang ang tö kox ang taxlax.

LIWI 22:8

Chixe müimang, owüi zikya wüi changlax, fao zan-e langkya wüi changlax, chisax angkya oli; ijae chix chitsaokya ang achangüi. Ku a Jowanpa changle.

LIWI 6:4

Nange ibu olom ma tüta ningkya ochax lyenle jangchangdao, nange chichang-chizangle kopkya bama tsangthom angkya wüi changpu. Oja nyix nang thaikya atakle changpuix, ija nyix wüi, nange hopupa ang anguile achat akox angkya changpu. Ija to obo ang thomtsa onüi kox angkya changpu.

2 SAMUEL 24:24

Ikoxle wanghompa-e lan: “Athax, kue ija omün nang ang koxüi. Kue otha koxle shakkya chichang homkya chemlichu kue Jowanpa ku Zang ang kue tö koxle münchangüi.” Ilaxle chixe ija tsaxnaknui hia maihupongbu khop ngunkhix punyi-bün koxle shak.

ISAIA 61:8

Jowanpae thüi: “Kue sukya kaxfün to mongkünle ilaxle mix to afang thomkya hia mütkopkya thua anule. Kue ku khünaknu to mong athokya chitüile hingho koxüi Ilaxle oshuk chitüikya Tsaotsüt hwom füi thomüi.

HOSIA 13:9

“Kue hünzom amütüi, hünzom Israel khünaknu! Ile chang füima hünzom to owae asunthoüi?

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

MALAKI 2:12

Iningle mokkyabu Jowanpae Israel onok kha angkya atsaile naxpaokox. Hwome chemtuechu, kem khünaknue kem Jowanpa Khüthak Zang to shwomle tö koxkya ma hwom tütue chu chihakle naxchang.