MALAKI 1:11 - OTSAO BAIBEL (BSI)

¹¹ Zangfang tüchikao makhange ata-chikao kople khünaknue ku achuakle. Pangnu chito wüi hwome ku ang ongan müikya sobu zokle kue pongle koptsuak tangkya töbu koxle. Hwom pangnusae ku chathua zale.

MALAKI 1:11 ပူးပေါင်းရင်းမြစ်များ

ISAIA 54:5

Nang Zingpupa a nang zongto kakopa tuita ningle changüi — Jowanpa Khüthak Zang a chix mün changle. Israel nok otsao Zang-e hünzom khosünle kopüi — chix a zangfang pangwüi apünkya mix changle.

ISAIA 45:6

Chaxwannu tüchikao makhange atakao alople nang a Jowanpa changle ilaxle mama baozang owachu müntüile pangnusae tsingle naxkoplax ang kue ija mokpu.

MIKNGÜN-OHÜN 5:8

Ile chang pongma ozün ma tüikya müi ali üntoxle tsa ali tüichong mixmüi hwom Chun Hosa chitong ma akhux. Hwom pangwüi ma waxmai tupong üntoxle ongan müikya soe amünkya hun pe le tüikya. Ibu a otsao khünakbu zangjop changkya.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

ZEKARIA 8:7

Hwom kople paothomkya nok tokya kue ku khünakbu kue sünle kop angkya changle.

MÜNCHUAK-TSAI 50:1

Khüthak Zang, Jowanpa akaxle; handün hia hannop tokya zangfang pangnu chixe nyakle.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

MÜNCHUAK-TSAI 141:2

Ku zangjop a ongan Müikya zo ningle pongle kop-hüi, nwonle thomkya ku chak a tö tuita ningle pongle kop-hüi.

MÜNCHUAK-TSAI 67:2

zangfang pangnue nang mongtex tsingle lax angkya hanpakma; ile jat-libu pangnue nang khosün tsingle naxlax.

MIKNGÜN-OHÜN 15:4

Jowanpa, nang thua chiza tamchu, fuazang chiachuak le owa tüi? Otsao nang tata wüi. Pangting jahax nguilaxle, nang tong shwomüi; sukya nang chak-mwot, pangnusae ngün ang kopkoxle.”

1 TIMOTHI 2:8

Zangshwom tusox pangnu khato wüi lüka mixmüibue ochax, mongtsik hia kax ma alankya chemchu chitüi homle, otsao chak Zang hato nwonle zangjop koxle müisele kue texpu.

FILIPI 4:18

Ipongkhae ku ma kue alomlom komle tüile: ingaxchu onüi tüile! Epafrodita nguikya zuma hünzome ku ang koxkya hinghobu kopkya tokhange ku okhonguile tüile. Ibu a Zang zongma müikya ongan müile ngankya tö tuita ang achangle.

ROM NOK HATO ZAKYA POL LAIZA 15:16

Ija a Jisu Khrista da tuita ningle mixnokbu khato mok angkya hanpakma changle. Otsao Chasa makhange, mixnokbu a Zange pongle koptsuak angkya kuxma tö tuita ang naxchang, Zang tokhange hüikya Kaxho Müikya apuk-apua angkya kue nguapa tuita ningle mokpu.

ROM NOK HATO ZAKYA POL LAIZA 12:1

Idaile, kutüi-kunaohom, Zang chingcha chongkya khoma, kue hünzom zongsaipu: Chix mwottho ma atsaole hia chix mongzom müikya lima, ma alüile ozün ma tö laxkox. Nange fase lükya otsingtsing zangshwom a ija changle.

KAXHO MÜIKYA LUK 1:10

Ile chixe ongan müikya so zokle zangshwom ngotan ma khünaknu othome homtho to zangjople tan ngo.

MALAKI 1:14

Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”

ZEFANIA 3:9

“Ifüima kue jat-li angkya khünaknu mong alop ang tomüi, ilaxle hwome ku to jopkya boma mama baozangbu owa tochu chijop chitoüi. Hwome pangnusae ku kax ma laxle changüi.

ZEFANIA 2:11

Jowanpae hwom chabüt-lasünle chang ang tomüi. Chixe ija chaxwannu angkya baozangbu chem angchu chichangle ahikle awütdaoüi, ifüima jat-li pangnusae, ma chaxwan khokho to chix to shwom-töle changüi.

MIKA 5:4

Chemtue chix nguiüihex, chix ma khünaknu thakma Jowanpa tokhange hüikya janzüi hia Jowan Zang chix chongwang tsak-zong füi apün-awangle changüi. Chix khünaknu a chaza-angkya chemchu chitüile ngoüi chemthüikoxle zangfang angkya khünaknu pangnusae chix zaxzangkya to changkox-ale ngoüi,

AMOS 9:12

Ikhoma Edom noke danle toxkya tamchu amipongma ku onokbu ang ngole tüikya pangwüi to Israel noke lütle chang angkya kax, ibu pangwüi ile tsuak ang tom angkya Jowanpa, kue akaxpu.”

ISAIA 59:19

Handün hia hannop pangnu chitokhange noknusae chix hia chix tsak-zong bama atat ang kopüi. Chix a tichap ningle tamchu zongkya zangchei tuita ningle nguiüi.

MÜNCHUAK-TSAI 113:3

Handün makhange hannop kople Jowanpa mün achuakle changkox!

MATHI 8:11

Ilaxle kue hünzom füi akaxpu, handün hia hannop chito khange khünakbu huanuma nguilaxle, Abraham, Isak, hia Jakop hwom füi tomle zangkangting fongsüt ma womüi.

2 THESALONIKA 1:12

Ija ningle kem Jowanpa Jisu Khrista münechu hünzom tokhange fuazangkya ataküi üntoxle kem Zang tamchu Jowanpa Jisu Khrista chingcha tokhange kemechu chix angkya fuazang ataküi.

MÜNCHUAK-TSAI 45:17

Ku tsaie nang mün jento fuazangle ngo ang tomüi, üntoxle pangnusae athax füichima jento nang achuaküi.

MÜNCHUAK-TSAI 48:10

Khünaknue pangnu khato nang achuakle, ilaxle nange zangzing zangfangja pangnu khato atatle. Nange sukya wanlom füi apünle;

MÜNCHUAK-TSAI 111:9

Chixe chix khünaknu khangkho angaile dan ilaxle hwom füi oshuk chitüikya longzüt-kax füi zing. Chix a otsao tamchu taitax changle!

ISAIA 12:4

Khünaknue tsaingao angkya hanpak tunu nguile ngole, “Jowanpa ang münchong fakox! Hünzom to asun angkya chix se-kox! Chixe mokdaokyabu pangnu jat-li hato apuale laxkox! Hwom hama chix chemtukux chongpuix ija apua laxkox!

ISAIA 12:5

Chixe chongkya mwotbu mokle changdaokya khoma Jowanpa achuakle tsai ngaokox. Kaxho a zangfang noke atat ang laxkox.

ISAIA 66:18

Kue hwom mongtex hia hwom mwotbu tsingle Ku nguile ngole chaxwannu nok pangwüi tomle. Chemtue hwom tomle nguiüihex, hwome ku tsak-zonge chem mokle tsuak puix ija ngünle laxüi

JEREMIA 10:6

Jowanpa, nang lailaikya mix owa müntüi; nang a chitho-jalün, ilaxle nang mün a chongle tamchu tsak-zongle tüile.

JEREMIA 10:7

Nang pangnu jat-li wanghompa, nang chiachuakkya mix owa tüi? Nang a achuak koxle asule tüile. Nang lailaikya owachu müntüi jat-li angkya je-hwon füikya khünakbu khama chichangba wanghombu khama opupuchu.

DANEL 2:45

Owaechu ponole chichang khato haxkho tokya longnu hele dütle akhix paokyachu nange ngünle laxpu ilaxle ija longe, jan, long komhax, khop hia hun, ibu füi zingle tüikya chapa to thuple changkyachu nange ngünpu. Wanghompa, achongkya Zang-e athax füichi ma chemle chang angkya hex ibu nang füi zangwünkya kax changpu. Nange ngünkya wünmang chemle ngünpuix ija kue nang hama wünle koxdaoa, ilaxle ija chem hanpak-hex ijachu otsingtsing wünle fadaoa.”

1 PUKAX-PANGAO 16:25

Jowanpa a achongkya le achuak angkya wüi, baozang pangnu thakma chix thua za angkya wüi.

MÜNCHUAK-TSAI 48:11

Zaion tingnu angkya khünaknu ang mongmüi ang tomkox! Nange sukya kaxfün fakoxle; Judah angkya tingnubu ma mongmüi naxtüikox!

MÜNCHUAK-TSAI 65:9

Nange zangwat ajokya makhange nange haxtok to mongkünkya aho; nange ija ahak-aluale tamchu haxzaoe awangle tüi ang tom. Nange shuasabu tümik fuakle tijenkyae awangle chang ang tom; nange chaxwannu ang saxziak awangle fa. Nange ija ile mok:

MÜNCHUAK-TSAI 86:9

Nange zingle alaikya jat-li pangnusae wüi nang tong to nguilaxle akhuxüi; nang chongkya hwome achuak-achenüi.

MÜNCHUAK-TSAI 96:8

Fuazangkya Jowanpa mün achuak kox; chix Zangshwom-Hom to tö koplaxle nguikox.

MÜNCHUAK-TSAI 138:5

Nange chem mokdaolaxpuix ija bama anaolechu nang fuazang bama hwome tsai ngaoüi.

ISAIA 19:21

Jowanpa chix jaoe chix a Ijip hato ngaile ahoüi, ilaxle hwome chix changkox-ale ngailaxle chemtue chix to shwomle changüihex, ipongma hwome chix hato töbu apüile koxüi. Hwome chix tunthoma tsaotsütle changüi ilaxle hwom chem tsaodaopuix ija otsingtsing ma moküi.

ISAIA 30:27

Jowanpa tsak-zong hia fuazangkya a tsailo tokhange ngün ang tsuaküi. Wün hia wünkhute chix mongtsik ahole. Chixe zangwünle, ilaxle chix kaxe wüne zokkya ningle zokle.

JEREMIA 4:2

ku mün lünlaxle kaxlan fa angkya hünzom hanpakma sukya ang changüi. Ifüima pangnu jat-lie ku ang hwom to mohiman angkya akaxüi, ilaxle hwome ku achuakle changüi.”

MALAKI 3:3

Chix a, khop achuk üntoxle atsaole changkya ningle kaxfün fa ang nguiüi. Hun-hi-khop jaokyabue ibu atsaokya lailaile Jowanpa mwot-tsan mixe zompu-zangpabu atsaoüi, ikoxle tix hwome Jowanpa hato chem koxse hex ibu tö apüi ang thoüi.