LIWI 9:9 - OTSAO BAIBEL (BSI)

⁹ Sasün hwome chix hato aji apüile kox, ilaxle ija aji ma chix chak-khi som üntoxle tö-tsap ma tüikya müizongbu to lyet ilaxle ota tüikya ajibu a tö-tsap chitong ma thok.

LIWI 9:9 ပူးပေါင်းရင်းမြစ်များ

LIWI 8:15

Mosa-e ija lang, ilaxle chixe ija aji apüilaxle tö-tsap akhople tüikya müizongbu to chix chak makhange pale tö-tsap atsao, ilaxle tö-tsap chitong ma aji thok ilaxle ochax pao angkya hanpakma ija atsaole chixe zomzing.

IBRI 2:10

Chix fuazang süntswon ma hak angkya chixsu chixsabu huanuma apüi angkya kuxmale, sikngün akaile lekya makhange Jisu a nguiwangkya ang achang angkya a, jamok zik üntoxle ibu sünle thomkya, Zang hanpakma, ile mok angkya tix sukya ang achang. Chemthüikoxle khosün hato hwom zunle apüi angkya a Jisu tix wüi changle.

LIWI 16:18

chix a tö-tsap hato nguilaxle zokle ashunkya tö koxle ija atsaoüi. Chixe maihu ji hidaole, zwonji hidaole le laxüi ilaxle tö-tsap ma tüikya ozong ali pangwüi to ibu füi paüi.

LIWI 9:18

Tamchu khünaknu hanpakma tumüi tö kox ang huzanpong hia chun ola chatle chu chixe lang ilaxle Arun sasün hwome chix ang aji apüile kox. Chixe ija aji füi tö-tsap akhople sak.

LIWI 9:12

Ilaxle chixe zokle ashunle tö kox angkya müi lang; ilaxle Arun sasün hwome chix ang aji kox; chixe ija tö-tsap akhople sak.

LIWI 4:30

Nguapae chix chakkhi ija müi aji to somüi, tö-tsap angkya müizongbu to ija füi hidaopong paüi, ilaxle aji mamabu a tö-tsap chitong ma thokle liüi.

LIWI 4:25

Nguapae ija müiji khato chix chakkhi somüi, ija füi tö-tsap angkya müizongbu to hidaopong lyetüi, ilaxle mama ajibu a tö-tsap chitong ma thokle liüi.

LIWI 9:10

Ikoxlechu Jowanpae Mosa ang koxkya kaxtom ningle, ochax tö ang koxkya müizao, mongsa tamchu okhax to chwopkya, khaxwang, ibu bakle chixe tö-tsap ma zokle ashun.

EZEKEL 43:15

Ija otok, ojongkha a töbu zokle changpuix, ikha chuwüi sok ali tsuale tüikya. Ozong ali ma müizong ningle ali onüi alaile tüikyabu a tö-tsap pangnukha to kaile tsuale tüikya.

EZEKEL 43:20

Ija müi aji hidaole koplaxle nange ija füi ozongchi ma tüikya müizongbu to, tö-tsap osung angkya müizongbu to, ija kaxkombu akhople lyet angkya changpu. Nange ile mokkya füi ija tö-tsap otsao ang achangle dan angkya changpu.