LIWI 9:7 - OTSAO BAIBEL (BSI)

⁷ Ifüima Mosa-e Arun ang thüi: “Jowanpae kaxtom fakya ningle tö-tsap zuito hüilax ilaxle ikhama, khünaknu thaidaokya alak angkya hanpakma nange ochax tö laxkox, tamchu zokle ashunkya tö chuwüi laxkox. Ma hanpak angchu tamchu khünaknu hanpak ang chuwüi, ochax paole khongai angkya hanpak ija tö laxkox.”

LIWI 9:7 ပူးပေါင်းရင်းမြစ်များ

IBRI 5:3

Üntoxle chixchu wüi shonai le tüikya daile ochax khünakbu hanpakma tata le chichangle chix bamachu wüi tö kox angkya changle.

IBRI 5:1

Nguakhobu pangwüi hwom khakha angkya kampu ilaxle hwom a pangnu hanpakma Zang thotha ang tompu, ija a zangjang tö hia ochaxbu bama tö kox angkya hanpakma.

IBRI 9:7

ikoxle omong angkya Nyihom to Nguakho zanglao mong ma tam wüi nop. Chitsinglaxle khünaknue achaxkya bama tamchu chix hanpakmale Zang ang tö fakya aji koplaxle chix nop.

LIWI 4:3

Nguakhoe ochax lyenlaxle khünaknu hato thaikya sikngün apüikya jangchang, chixe ofwot chizaikya maihupongsa tuita, ochax tö hanpak ang Jowanpa ang kox angkya changle.

1 SAMUEL 3:14

Ikhoma kue Eli hwom homkha ang thüipu, tütaningkya töbu koxle changkoxchu hwome mokdaokya ochaxbu khoma hwome apong angkya thama achatle lax ang müntsuak.”

LIWI 9:2

Chixe Arun ang thüi: “Nange ochax tö hanpak ang maihupongsa tuita koplax, anaolechu wün to zokle ashunkya tö hanpak ang ofwot chitüikya chunla tuita; ibu a Jowanpa ang tö koxpongma koxkox.

LIWI 8:34

Anyix mokkya lailaile hünzom ochax hünlit hünle paole khongai angkya bamachu zomzingle changlaxle danpu.

LIWI 16:6

Chixe maihupong tuita, chix ilaxle hwom homkha ochax pao angkya hanpakma ochax tö ang koxüi.

LIWI 16:11

Chemtue Arun-e, chix tamchu homkha ochax tö hanpak ang maihupong koxle ochax tö koxpuix,

LIWI 16:24

Chixe otsao nui to ti-ajoüi ilaxle chixe zangjang nyiwun laxüi. Ifüima paolaxle hwome ma ochax hia khünaknu ochax hanpak ang zokle ashunkya tö koxüi.