LIWI 9:3 - OTSAO BAIBEL (BSI)

³ Ilaxle Israel khünaknu füi nange ija kax akaxkox: Hünzome ochax tö hanpak ang zwonpong tuita koplax, ilaxle zokle ashunkya tö hanpak ang maihusa tuita üntoxle chun hosa tuita le koplax. Ibu pangwüi zanglao tuipong tsongdaokya müi laxlax.

LIWI 9:3 ပူးပေါင်းရင်းမြစ်များ

IZRA 6:17

Jople atsao angkya hanpakma hwome huzanpongbu 100, chun 200, chun hosa 400 ibibi a tö ang, ilaxle zwonpong 12 a ochax töbu hanpak ang, Israel nok homjen foto tuipong kox.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

LIWI 4:23

chix ang ija ochax apuale fakya füi tomle, chixe chix tö hanpak ang ofwot chitüikya zwonpong tuita apüiüi.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

IZRA 10:19

Hwome ma kakobu apao angkya tsaosax, ilaxle hwome ma ochaxbu hanpak ang chunla tuita tö ang kox.

LIWI 23:12

Hünzome saxziak tö koxkya nyix wüi, zanglao tuita tsongdaokya, ofwot chizaikya chun ola tuita zokle ashunkya tö hanpak ang laxkox.

LIWI 16:15

Ifüima chixe khünaknu ochax hanpakma ochax tö kox ang zwon langüi, ija aji a Ataxkya Otsao Nui to dünüi ilaxle ija füi Chingcha Ngwotnui to saküi üntoxle chu Tsaotsüt Suak tunthoma, chixe maihupong aji füi mokdaokya ningle moküi.

LIWI 16:5

Israel khünakbue noknu mün ma Arun ang, ochax tö hanpak ang zwonpong anyi ilaxle zokle ashunkya to hanpak ang chun ola tuita le apüile kox angkya changpu.

LIWI 14:10

Nyix achyet lükya to chixe zanglao nguidaokya ofwot chizaikya chunla anyi, chuncha tuita, olip münga füi awon an tuak azom ilaxle olip münga pe tuita le apüiüi.

LIWI 12:6

Ilaxle chemtue lüka naosa hanpakma wüi changlax chichangba sheko naosa hanpakma wüi changlax, she atsao-alangle ngokya hanpak tsuakle hüikya zuma, khünaknu asoxkya Nyihom tunthoma, nguapa hato zokle ashunkya tö hanpak ang she-e zanglao nguidaokya chun hosa tuita, osu chichangba jua-o hosa tuita le ochax tö hanpak ang apüi angkya oli changle.

LAIPAO 12:5

Hünzome chun hia zwon nyi tütapu lang ang tsuak, ikoxlechu ija a zanglao tuita nguilankya tamchu ofwot chemchu chitüikya chang angkya oli.

PONGWANG LAIPEX 37:31

Ifüima hwome chun tuita lang ilaxle Jusep nyipong a ija aji khato som.

LIWI 9:2

Chixe Arun ang thüi: “Nange ochax tö hanpak ang maihupongsa tuita koplax, anaolechu wün to zokle ashunkya tö hanpak ang ofwot chitüikya chunla tuita; ibu a Jowanpa ang tö koxpongma koxkox.

LIWI 9:4

Anaole chu Jowanpa ang tumüi tö kox angkya maihupong tuita hia chun ola tuita le koplax; tamchu münga füi awon sütli tö tuita laxlax-toxlax; chemthüikoxle anyix Jowanpa hünzom hato ngai angkya changle.”

LIWI 10:16

Ilaxle ochax tö hanpak ang Mosa-e zwon khütkhile lom, ikoxle ija a zokle ashundao le bang. Ikhoma ozün ma tüikya Arun sasün Eliazar hia Ithamar nyi füi chix ang mong huanuma ma.

LIWI 4:3

Nguakhoe ochax lyenlaxle khünaknu hato thaikya sikngün apüikya jangchang, chixe ofwot chizaikya maihupongsa tuita, ochax tö hanpak ang Jowanpa ang kox angkya changle.