LIWI 9:10 - OTSAO BAIBEL (BSI)

¹⁰ Ikoxlechu Jowanpae Mosa ang koxkya kaxtom ningle, ochax tö ang koxkya müizao, mongsa tamchu okhax to chwopkya, khaxwang, ibu bakle chixe tö-tsap ma zokle ashun.

LIWI 9:10 ပူးပေါင်းရင်းမြစ်များ

ISAIA 66:2

Zangfang a ku jaoe zingle alaikya changpu! Puinaikya füi tamchu künlop-monglüi laxle, opange ku thuaza tamchu kax ma laxle tüilaxpuix, ibu füi ku ang mongzom müikya tüile.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

WANWÜNKAX 23:26

Müile mongkoxle apalax, sasün, ilaxle ku tsün a nang hanpakma tuita apyen angkya ang naxchang.

MÜNCHUAK-TSAI 51:17

O Zang, puinaikya ku chasa a ku tö changpu; puinaikya hia mong alüixkya ku künmong nange pongle chikople müntüiüi.

LAIPAO 29:13

Owok khama oche-okhax to chwople tüikya ozao, ilaxle okhax angkya zukhax, ilaxlechu ima tüikya ozao füi mongsatom pangnyi wüi; ibu pangnu tö koxnui ma wünkhut ang achanglax.

LIWI 9:9

Sasün hwome chix hato aji apüile kox, ilaxle ija aji ma chix chak-khi som üntoxle tö-tsap ma tüikya müizongbu to lyet ilaxle ota tüikya ajibu a tö-tsap chitong ma thok.

LIWI 9:11

Ilaxle ohak hia okhwon; chixe hwom pom homtho to zok.