LIWI 8:35 - OTSAO BAIBEL (BSI)

³⁵ Ilaxle anyixning hia awünningle hünzom a nyihom mongto ngo angkya changle Hünzom zikmüt mangkho chitüi angkya hanpakmale Jowanpae kaxtom fakya ningle moklax; chemthüikoxle ku ang ile chang ang tomkya changle.”

LIWI 8:35 ပူးပေါင်းရင်းမြစ်များ

1 WANGHOMBU 2:3

ilaxle Jowanpa nang Zang-e chem mok angkya kaxtom koxpuix ija moklax. Mosa Wanlom ma zale tüikya ningle chix wanlombu hia chix kaxtombu pangwüi kax ma laxle tüilax, ile changkox tix nang apaopao khato nange chem mokpuix ibu pangwüi ma nang ahak-aluale tüiüi.

TSAITONG-KAXTONG 11:1

Jowanpa hünzom Zang to mongkünkox ilaxle othuithuima chix wanlombu kax ma laxle tüikox.

HUAKE LAIPEX 9:19

Chemtue zangfwom Nyihom tok ma okuilole ngopuix, hwome Jowanpa kax ma laxle ikha angkya chiachex homle ngo.

HUAKE LAIPEX 3:7

Hwome, ku ngwotnui Nyihom ma moksese mwot komle moküi ilaxle khünaknu hanpakma tö koxle ngua mwotchu moküi.

IBRI 7:28

Mosa Wanlom tokhange Nguakhobu ang nguiwangle chitüikya khünakbu zün; ikoxlechu Zang tsaosüt Tsaotsüt füi zing; ijae wanlom füima hüilaxle Hosa kamle kop. Chixe chix othuithuima nguiwangkya ang achang.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

1 TIMOTHI 6:13

Zang owae jamok ang khüzün koxpuix, ija Zang thüntho ma, ilaxle Jisu Khrista owae Pontias Pilat pomtho ma shingmongle chix mongong ngai, chix thüntho ma,

1 TIMOTHI 5:21

Zang üntoxle Jisu Khrista tamchu otsao kaxtaimixbu pomtho ma, nange mokkya mwot pangnu ma masüi mixlüikya chitüi homle ija adangle fakya kax ma laxle tüi angkya bama kue nang nyakpu.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

2 KORIN 7:1

Ku mongkün zuikhuibu, kaxtsao ibu pangnu kem hanpak ang zingkya changle. Idaile, tsangtsa chichangba chasa ma tsao ang chikoxkya oli pangnu tokhange malualua to atsai le ngolax, ilaxle Zang thuazale ozün ma ngokya tokhange kem komkaile otsao ang achangle ngohax.

EZEKEL 48:11

Ija otsao wankam a Zadok makhange hüikya zompu-zangpabu hanpak ang changle. Mama Liwi hwom lailaile chichang homtoxle hwome mongong füi ku thotha-manzaile ngo, ilaxle Israel khünaknu füi tomle ochax lyenkya khato chiwom.

EZEKEL 43:25

Nyixka chithaile nyix anüt mong ma nange tö ang zwon tuita, maihupong tuita, ilaxle chun ola tuita le ochax tö ang kox angkya changle. Müi ibu ojao ofwot chitüikya chang angkya oli.

HUAKE LAIPEX 19:12

Hwome ma alüile atsao angkya ti füi nyix azom lükya to hia nyix anüt lükya to atsaoüi, ifüima chix tsaokya ang achangüi. Ikoxle chixe nyix azom lükya to chix atsaole chichang thüiningle chix a tsaokya ang chichangüi.

LIWI 14:8

Ija mixsüne chix nyizabu sole changüi, chix khobu pangwüi ongüi ilaxle ti ajole changüi; ifüima chix a zanglom ma tsaokya ang changüi. Athax chix a thongnui to ngotsuaküi, ikoxle nyix anüt hanpakma chix ma nyihom homtho to ngo angkya changle.

LIWI 10:1

Arun sasün Nadap hia Abihu nyie jing-so zokkya khua makuxkux lax üntoxle ija ma wündix dan ilaxle ima ongan müikya so danlaxle Jowanpa mik-hu ma chitsaokya wün tö hokhie kox. Ija ningle mok angkya kaxtom chixe chifa.

LIWI 8:30

Ilaxle Mosa-e pa angkya münga hia tö-tsap ma tüikya aji apüi üntoxle Arun hia chix sasün hwom tamchu hwom nyiza to sakle kox. Ile Arun hia chix sasün hwom tamchu hwom füi tomle hwom nyizabu chuwüi atsaole thom.

LAIPAO 29:35

“Ile nang füi kue akax daokya ningle nange Arun hia chix sasün hwom to mokle koxüi. Nyix anüt mong ma nange hwom kamle atsaolax.

LIWI 8:34

Anyix mokkya lailaile hünzom ochax hünlit hünle paole khongai angkya bamachu zomzingle changlaxle danpu.

LIWI 8:36

Ikhoma Arun hia chix sasün hwome, Mosa makhange hwom ang Jowanpae kaxtom chemle fapuix ija ningle mok.