1 Jowanpae Mosa ang thüi:
Ibu nyi-za a hüntüi Arun hia chix sasün hwom ang awunle laxkox. Ile hwome nguapabu ningle ku thotha angkya hanpakma olip münga füi pale hwom kam üntoxle atsaole laxkox.
“Athaxpi, ija a, hwome nguapabu ningle ku thotha angkya hanpakma hwom süile atsaole chang angkya nange mok angkya mwot changle: Ofwot chitüikya maihu hupongsa tuita tamchu chun ola anyi le laxlax.
Hwom khyadax ma züpakbu apakle laxkox ilaxle hwom khang ma khüsünbu asünle laxkox. Ijaningle nange Arun hia chix sasün hwom atsaole süi angkya changpu. Hwome tamchu hwom sixlibue nguapabu ningle ku thotha angkya changle.
“Arun hia chix sasün hwom Nyihom fülom to apüikox, ilaxle hwom ang zomti ajo ang laxkox.
Ija a Israel khünaknu ang, Sinai faonu-lingnak khato tüipongma, chix hato tö apüi angkya hanpakma Mosa ang Sinai haxnukho tokya Jowanpa kaxtom changle.”
“Nang füi tomle Arun hia chix sasün hwom koplax, ilaxle nyi-za, pa angkya münga, ochax tö hanpak ang maihupong tuita, chunla anyi, üntoxle twonkhax chiawonkya ankhao khong tuita le koplax
Mosa hia Arun nyi a chix zompu-zangpa changkya, ilaxle Samuel a tuita chix to jopkya mix changkya; hwome Jowanpa to nyak ilaxle chixe hwom kax to lan.
“Hüntüi Arun hia chix sasün Nadap, Abihu, Eliazar, tamchu Ithamar hwom selax üntoxle zom-mwot mok angkya hanpakma Israel khünaknu kha angkya süile hwom nguapabu ang kamlax.
“Arun kux otsao nyilo a chix tokfüi ma sasün hwom ang achwotle koxle le angkya changpu; ipongma hwom kamle kopüi tamchu atsaole changüi.
Oshukma Jowanpa ngwotnui Nyihom angkya mwot tsuakle hüi. Israel khünakbue pangwüi Jowanpae Mosa ang kaxtom koxkya lailaile zingle alai.
Hwom a nguapabu ang münga füi lilaxle zünle dan.
Tötsap ma zokle ashunle koxkya tö a Arun hia chix sixli hwome tix koxle hüi. Ataxkya Otsao Nui ma zangshwomkya ilaxle Israel khünaknu ochax thailak tüi angkya hanpakma tö koxkya, ibu pangwüi hwom hünlit changkya. Hwome ibu mwot pangwüi, Zang dapa Mosa-e adangle fakya ningle mokle hüi.
