LIWI 7:5 - OTSAO BAIBEL (BSI)

⁵ Ilaxle ija to Jowanpa ang wün füi zokle ashunkya tö kox angkya hanpakma nguapae tö-tsap dingma zokle ashun angkya changle. Ija a thaikya-tsangthom tö changle.

LIWI 7:5 ပူးပေါင်းရင်းမြစ်များ

GALATIA 5:24

Ilaxle opang Khrista Jisu ma tüilaxpuix, hwome khünak jaopo a ma müi-hi-aji mwot füi tomle takle langdaoa.

GALATIA 2:20

Ikhoma athax ku ozün ma ngokya a ku münchang, ikoxle kuma khüzün tüikya a Khrista changle. Ija tsün ku ozün ma ngokya a, owae ku to mongkün ilaxle ku bama chix tsün koxlaxpuix, ija Zang Hosa tokya mongonge ku ozün ma ngopu.

LIWI 3:16

Jowanpa mongzom amüile nguapae ija süt tö tuita ang tö-tsap ding ma zokle ashunüi. Ozao a pangwüi Jowanpa hanpak.

LIWI 2:16

Ikha angkya sax hia münga tamchu hidaole tamchu otex-tsyapi komkaile koplaxle nguapae ija zokle ashunkya tö koxüi.

LIWI 2:9

Ibibi komkaile Jowanpa a tö koxkya ang laxle nguapae ikha angkya hidaole laxüi, ilaxle chixe ija tö-tsap ma zokle ashunüi. Ija ongan a Jowanpa zongto zinglongle müikya ongan changle.

LIWI 2:2

Nguapabu, Arun sasün hwom hato ija apüiüi. Ikha angkya chakpuix tuita an hia olip münga tamchu ima tüikya otex-tsyapi pangwüi laxle chang füima, nguapae ija chakpuix an tö-tsap ma wünkhut ang achangle zokle ashunüi. Ija a Jowanpa zongto zinglongle ongan müikya to tuita changle.

LIWI 1:13

Hünzome ija oche-okhax hia chisok-chaksokbu ti füi müile so angkya changpu, ilaxle nguapae ibu tö-tsap angkya wünkha to wünkhut ang ajangle zokle ashunle tö koxüi. Ija zokle tö koxkya ongan a Jowanpa zongto zinglongle müikya changle.

LIWI 1:9

Hünzome müi oche-oshin hia ocha-ochakbu müile so angkya changle, ilaxle ima mok ang atsyenle tüikya nguapae ibu tö pangwüi tö-tsap dingma danüi. Ija süt tö koxkya ongan-ozang a Jowanpa zongto amüikya changle.

LIWI 5:7

Nange ija chun chichangba zwon apüile kox ang chitho thüiningle, nange Jowanpa hato nang ochax tsangthom ang osu anyi chichangba jua-o anyi, tuita a ochax tö hanpak ang ilaxle tuita a zokle ashunkya tö hanpak angle apüile kox angkya oli changpu.

LIWI 7:4

anaolechu mongsa anyi hia ija samtua angkya than tamchu okhax to chwopkya, khaxwang füi tomle chixe alaile lax angkya changle.

LIWI 7:6

Nguapabu khama lükakae ija sax angkya changle. Ija a tuita otsao nui ma saxüi; ija a müimamakya otsao changle.

LIWI 3:3

Ilaxle ibu a chixe Jowanpa ang süt tö hanpak ang tökya ma koxüi: Oshin-owok khato tüikya ozao pangwüi,