LIWI 7:26 - OTSAO BAIBEL (BSI)

²⁶ Tamchu hünzome ma ngwotnui to o-hi-jux chem ajichu chilingüi.

LIWI 7:26 ပူးပေါင်းရင်းမြစ်များ

PONGWANG LAIPEX 9:4

Ikoxle oli tuita hünzome chisax angkya a: ija angkya aji mapao tanto müi chisaxüi; aji ma khüzün tüikya khoma kue ija taxsaxle abaxpu.

WANGSHEMBU MWOT 15:20

Itülüi, chapabu ang tö koxkya chitsaokya süt taxsax; chinunchakkaikya füi atsaile ngolax; aji chiajen homle langkya müi hia aji chemchu taxsaxle apuale hwom hato lai wüi zahax.

LIWI 3:17

Israel khünak owaechu ozao hia aji chisaxüi; Israel khünakbue hwom angongo khato ija wanlom a tsün tok to tsün le tole ngo angkya oli.

1 TIMOTHI 4:4

Zange zingdaokya pangnu li omüimüi wüi; tuitachu awüt angkya müntüi, ikoxle pangnuli wüi münchong fale zangjopkya füi pongle kop angkya changle.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

WANGSHEMBU MWOT 15:29

Chapabu ang tö koxdaokya süt taxsax; aji taxsax; aji chiajen homle langkya müi taxsax; üntoxle chinunchakkai mwot füi atsaile ngolax; ile ibu chimok homle nang jangngo thüiba nang wan müiüi. Salam.”

JUHAN 6:53

Jisu-e hwom ang thüi: “Otsingtsingma kue hünzom ang thüipu, hünzome Khünak Hosa müi sax tamchu chix aji chiling jangthüiba, malualua to ozün ma ngo ang münthoüi.

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?

LIWI 7:25

Chemthüikoxle opange Jowanpa ang wün füi tö koxkya saxle changüihex, ija saxkya mix a Zang khünakbu tu angkya alaile changüi.

LIWI 7:27

Owawae hidaole thüingaxchu aji saxle jangchang, ija khünak a ma khünaknu tu angkya alaile changüi.

LIWI 19:26

“Aji tüingale müi taxsax. Hing füi khun-khekya mwot otuechu taxmok.

TSAITONG-KAXTONG 12:16

Ikoxlechu ibu aji hünzome süt ang chilaxüi; hünzome ija ti thokle awütkya ningle haxkha to thokle awüt angkya changle.

TSAITONG-KAXTONG 12:23

Ikoxle ija müi ma aji tüingale wüi taxsax, chemthüikoxle khüzün a aji ma tüile ngole, idaile hünzome khüzün a omüi füi tomle chisaxüi.

TSAITONG-KAXTONG 15:23

Ikoxle ibu aji a süt ang taxlax, itülüi hünzome ti thokpupule haxkha to thokle ajenle awütdao.

LAIPAO 22:30

“Hünzome maihu hia chun khama owangma puxkyabu ku ang koxhüi. Owang ma puxkya tüichongsa honu füi nyix anüt ngo ang tomkox, ilaxle nyix achyet lükya to ija ku ang tö koxhüi.