LIWI 7:24 - OTSAO BAIBEL (BSI)

²⁴ Tamchu malualua to zile paokya müi oza, müie tsütle langkya müi oza mama mwot to lax ang tsuak; tüta lüwüi chang koxlechu ija sax angkya oli münchangle apua.

LIWI 7:24 ပူးပေါင်းရင်းမြစ်များ

LAIPAO 22:31

“Hünzom a ku khünaknu, idaile faomüie langkya müimang chemchu hünzome chisaxüi; itülüi ija hibu ang laxkox.

LIWI 22:8

Chixe müimang, owüi zikya wüi changlax, fao zan-e langkya wüi changlax, chisax angkya oli; ijae chix chitsaokya ang achangüi. Ku a Jowanpa changle.

LIWI 17:15

Khünak tuita, Israel nok wüi changlax chichangba mixnok wüi changlax, owawae ngat-to zikya chichangba ochax-ozan to maxkya müimang saxle jangchang, chixe ma nyi-za solaxle ti-ajoüi üntoxle hansong alople chitsaokya ang ngoüi.

EZEKEL 44:31

Nguapabue o-jux hia faomüibu hwom zikzik to zikya hia mama hozui müie langkya chemchu chisaxüi.”

EZEKEL 4:14

Ikoxle kue lan: “Jowanpa Khüthak Zang, ile münchang! Kue ku otuechu tsaolyenle chang ang matom. Naosom tanto khange wüi kue otuechu owüi zikya müimang hia faomüie langle changkya müimang masax. Zanglom ma otsao münchangle atsaokya sütli chemchu masax.”

TSAITONG-KAXTONG 14:21

“Hwom zikzik to zikya müi chemchu taxsax. Hünzom füi tomle ngokya püntüibu ang ibu sax ang koxtsuak, chichangba ija owawa mama mixnok ang hangle koxtsuak. Ikoxle hünzom a Jowanpa hünzom Zang kux changle; hünzom a otsao khünakbu changle. “Honu tsomsiple ngokya chun hosa chichangba zwonsa taxhuak.

LIWI 7:25

Chemthüikoxle opange Jowanpa ang wün füi tö koxkya saxle changüihex, ija saxkya mix a Zang khünakbu tu angkya alaile changüi.

LAIPAO 22:30

“Hünzome maihu hia chun khama owangma puxkyabu ku ang koxhüi. Owang ma puxkya tüichongsa honu füi nyix anüt ngo ang tomkox, ilaxle nyix achyet lükya to ija ku ang tö koxhüi.