LIWI 7:21 - OTSAO BAIBEL (BSI)

²¹ Ilaxle owawae chitsaokya jali to, khünak chitsaokya mix towüi changlax chichangba chitsaokya müi towüi changlax tamchu chitsaokya zünmok towüi changlax lyetle jangchang thüiningle, ilaxle Jowanpa ang koxkya tumüi tö saxle jangchang thüiningle, ija khünak a ma othom kha angkya alai angkya changle.

LIWI 7:21 ပူးပေါင်းရင်းမြစ်များ

EZEKEL 4:14

Ikoxle kue lan: “Jowanpa Khüthak Zang, ile münchang! Kue ku otuechu tsaolyenle chang ang matom. Naosom tanto khange wüi kue otuechu owüi zikya müimang hia faomüie langle changkya müimang masax. Zanglom ma otsao münchangle atsaokya sütli chemchu masax.”

LIWI 12:1

Jowanpae Mosa makhange wanlom ibibi

LIWI 11:20

Hozang füikya kuksa-waisa chemchu otsao münchang;

TSAITONG-KAXTONG 14:10

ikoxle tima ngokya tütalichu okuiza hia okhwonza chitüikya nyax a sax angkya oli münchang, ibu a chitsaokya ang lax angkya changpu.

TSAITONG-KAXTONG 14:3

“Jowanpa chitsaokya oli changpule ngaidaokya oli tütachu taxsax.

LIWI 22:4

“Arun sixli owaechu, zanglom-ma ma otsao ang machang tanto, tsangtsa khwon mak füikya mixe tamchu oti-jenle paole ngokya mixe otsao tö sax angkya münchang, chitsaokya müimang to twonkya chichangba oti jenle lai ngo pongma,

LIWI 18:29

Iningle chisumüikya mwot mokle ngokya khünak opupuchu Jowanpae chix khünak ang münlaxle hünzome awan ngopu.

LIWI 17:14

Zünmok ang khüzün a aji ma tüipu, ikhoma Israel khünaknu füi, Jowanpa-e, aji füi afomle müi chemchu chisax angkya, ilaxle owawae ija saxle jangchangba ija khünak ang chemtuechu chix khünak ang chilax angkya akax.

LIWI 17:10

Israel khünak wüi changlax chichangba mixnok wüi changlax, onok füi ngokya khünak tuitae, aji füi afomle müi saxle jangchangdao, Jowanpa-e chix chito tok ahoüi ilaxle chemtuechu ija khünak a chix khünak changpule chieüi.

LIWI 7:27

Owawae hidaole thüingaxchu aji saxle jangchang, ija khünak a ma khünaknu tu angkya alaile changüi.

LIWI 7:25

Chemthüikoxle opange Jowanpa ang wün füi tö koxkya saxle changüihex, ija saxkya mix a Zang khünakbu tu angkya alaile changüi.

LIWI 7:20

Owae ma ma chitsaokya tüingale Jowanpa ang tumüi tö koxkya saxle changüihex, ija khünak a ma khünak tu angkya alaile changüi.

LAIPAO 12:19

Nyix anüt mong ma hünzom opupu homkha tochu twonkhax chibang angkya oli changle; chemthüikoxle owawae, ikhato puxkya mixwüi changlax chichangba mixnok chaxwan to puxkya mixwüi changlax, twonkhax awonkya an saxle jangchang thüiningle, chix a ku khünak kha angkya kiakle awütüi.”

LAIPAO 12:15

Jowanpae thüi: “Nyix anüt mong ma hünzome twonkhax awonkya an chisax angkya changle ikoxle twonkhax chiawonkya an tata saxüi. Owang nyix tokhange wüi hünzom ma homkha ma tüikya twonkhax füi atsai angkya changle; chemthüikoxle nyix anüt mong ma owawae twonkhax awonkya an saxle jangchang, kue chix a ku khünak tuita ang münlaxüi.

PONGWANG LAIPEX 17:14

Lüka owawa Khwonzüt-Zom chizingkya mix a ku khünak changpule münlaxüi, chemthüikoxle chixe ku füikya Tsaotsüt münthom.”

LIWI 7:22

Anaole chu Jowanpae Mosa ang wanlombu koxle

LIWI 22:3

Nang sixli owawae, chix zanglom ma chitsaole ngopongma, Israel khünaknue ku ang koxkya otsao tö hato soxle jangchang, chixe tamchatle tö-tsap ma ku thothale chang ang müntho. Ija a füichi hanpakma ojento ile changüi. Ku a Jowanpa changle.

HUAKE LAIPEX 19:22

Chitsaokya khünake atwontwon pangwüi chitsaokya ang achangpu.

1 SAMUEL 20:26

Ikoxlechu ija nyix a Sol-e chemle chu chithüi: chemthüikoxle chixe ajang: “Chix to tütalile changdaotong, ikhoma chix a zanglom ma chitsaokya ang ngotüitong.”

LIWI 19:8

Owae ija saxlaxpuix, ku ang fakya ija chixe zangjang süt ang laxkya bama chix thaikya ang achangüi, ilaxle chix ku khünak tuita ang müneüi.

LIWI 20:3

Owawae masu-masa Molek baozang ang koxlaxle ku otsao Nyihom chitsaokya ang achang tamchu ku otsao nui amale jangchang, kue chix chito tok ahoüi ilaxle ija khünak a ku khünak changle le münlax.

LIWI 23:29

Ija nyix owawae tütali saxlaxle jangchang thüiningle chix a Zang khünak tuita changpule chemtuechu münlaxüi.

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?