LIWI 7:20 - OTSAO BAIBEL (BSI)

²⁰ Owae ma ma chitsaokya tüingale Jowanpa ang tumüi tö koxkya saxle changüihex, ija khünak a ma khünak tu angkya alaile changüi.

LIWI 7:20 ပူးပေါင်းရင်းမြစ်များ

1 KORIN 11:28

Idaile noke wüi pongwangma ma thwon shongtsing koplax, ilaxletix an sax ilaxle wansa angkya linglax.

PONGWANG LAIPEX 17:14

Lüka owawa Khwonzüt-Zom chizingkya mix a ku khünak changpule münlaxüi, chemthüikoxle chixe ku füikya Tsaotsüt münthom.”

LAIPAO 30:33

Owawae ijaningle zingle jangchang tamchu nguapa chichangkya khünak owawa hanpakma ile jangtwon thüiningle ija a ku khünak le chieüi.’”

LIWI 7:19

Chitsaokya jali to lyetdaokya müi chemchu chisax angkya changle, ija a wün füi zokle ashunüi. Tsaothale tüikya müi pangwüi sax ang tsuak.

LIWI 7:25

Chemthüikoxle opange Jowanpa ang wün füi tö koxkya saxle changüihex, ija saxkya mix a Zang khünakbu tu angkya alaile changüi.

HUAKE LAIPEX 19:13

Owae müimang-mixmang to twonle laxpuix üntoxle ma alüile atsaole chichangpuix, chix a chitsaokya ang ngoüi, chemthüikoxle atsao angkya tie chix to mali. Chixe Jowanpa Nyihom chitsaokya ang achangpu, ilaxle chix a chemtuechu Jowanpa khünak tuita ang e-ma chilaxüi.

1 SAMUEL 20:26

Ikoxlechu ija nyix a Sol-e chemle chu chithüi: chemthüikoxle chixe ajang: “Chix to tütalile changdaotong, ikhoma chix a zanglom ma chitsaokya ang ngotüitong.”

LAIPAO 30:38

Ongan müikya münga ang twon ang owawae ilailaile jangzing, chix a ku khünak changle le münlax.”

LIWI 7:27

Owawae hidaole thüingaxchu aji saxle jangchang, ija khünak a ma khünaknu tu angkya alaile changüi.

LIWI 18:29

Iningle chisumüikya mwot mokle ngokya khünak opupuchu Jowanpae chix khünak ang münlaxle hünzome awan ngopu.

LIWI 19:8

Owae ija saxlaxpuix, ku ang fakya ija chixe zangjang süt ang laxkya bama chix thaikya ang achangüi, ilaxle chix ku khünak tuita ang müneüi.

LIWI 20:3

Owawae masu-masa Molek baozang ang koxlaxle ku otsao Nyihom chitsaokya ang achang tamchu ku otsao nui amale jangchang, kue chix chito tok ahoüi ilaxle ija khünak a ku khünak changle le münlax.

LIWI 23:29

Ija nyix owawae tütali saxlaxle jangchang thüiningle chix a Zang khünak tuita changpule chemtuechu münlaxüi.

EZEKEL 33:25

“Ku, Jowanpa Khüthak Zang-e akaxkya ija kax hwom hama wünkox: Hünzome müi a ija ma aji tüikya füi afomle saxtüi. Hünzome chapabu to shwomtüi. Hünzom mix mik amütüi. Jangchangba ija haxtok a hünzom kux changpule hünzom mongto chem makhange ajangle laxlaxpu?