LIWI 7:2 - OTSAO BAIBEL (BSI)

² Ija tö hanpakma müi a, ojongkha ma zokle ashunkya tö langpuix, tö-tsap zongma shuakuxchi, ikhama lang angkya changpu. Ikha angkya aji füi tö-tsap akhople sak angkya changpu.

LIWI 7:2 ပူးပေါင်းရင်းမြစ်များ

LIWI 1:5

Ija maihupong a Jowanpa tunthoma lang angkya changle; ilaxle nguapa Arun sasün hwome Jowanpa ang koxüi ilaxle Chix Ngwotnui Nyihom fülom hama tüikya tö-tsap akhople ija aji saküi.

LIWI 6:25

ija a Arun hia chix sasün hwom ang ochax tö kox angkya bama ibibi wanlombu kox angkya hanpakma. Ochax tö hanpak ang kox angkya müi a tö-tsap zongma shuakuxchi ma langüi, ija kha a zokle ashunkya tö kox angkya müibu langkya nui changle. Ija a müimamakya otsao tuita changle.

LIWI 1:11

Hünzome ija tö-tsap zongma shuakuxchi kao ma langüi, ilaxle nguapabue ija aji tö-tsap akhople sak angkya changle.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

IBRI 12:24

Tsaotsüt achongkya Jisu, tamchu Abel aji füi ngaxchu sümüikya tsaosüt aji sakkya hato hünzom ngui.

IBRI 11:28

Lang angkya kaxtaimixe, Israel naosom tüichongpabu chilang angkya kuxma, mongong makhange, akaile lekya hia kahak khoma aji sakkya pongwang lükya zom chixe tan.

EZEKEL 40:39

Namnopkya nui ma anyi-nyi pong atale tsap ali tüikya. Tö ang kox angkya müibu, otom ma lanle zokle ashunle kox angkya tö wüi changlax, ochax tö hia tsangthom tö wüi changlax, ibu pangwüi hwome tö-tsap ibu ding ma lang.

EZEKEL 36:25

Kue hünzom to titsao füi saküi ilaxle kue hünzom pangwüi, chapabu mwot hia mama-mama hünzom chitsaokya ang achangle thomkya mwot pangwüi tokya atsaole danüi.

ISAIA 52:15

Ikoxlechu athax a chaxwannu nokbu chix ma abütüi, ilaxle wanghombu a khosamkyae zangwün chitüile changüi. Hwome ngünüi ilaxle tsingle laxüi amiba hwome matsingkya oli a.”

HUAKE LAIPEX 6:12

Ilaxle chix hanpak tuita Nazarait ang thomkya ningle tamchatle Jowanpa ang atsaole koxüi. Chixe atsaole thomkya kho chitsaokya ang achangkya khoma thochi angkya hanpak-zanghan chieüi. Otha thomkya tö ang chixe zanglao nguidaokya chun tuita apüiüi.

LIWI 5:9

ilaxle ija aji hidaole tö-tsap osyen to saküi. Aji mama a tö-tsap chitong ma ajenle awütüi. Ija a ochax pao angkya tö changüi.

LIWI 4:33

Nange ija müi khangkho ma nang chak danüi ilaxle zokle ashun angkya tö langkya nui ma, tö-tsap zongma shuakuxchi ma langüi.

LIWI 4:29

Nange ija müi okhang ma nang chak danüi ilaxle tö-tsap zongma shuakuxchi ma ija langüi. Ija a zokle ashunle kox angkya tö müibu langkya kha ma changüi.

LIWI 4:24

Chixe ija müi khangkho ma chix chak danüi ilaxle tö-tsap zongma shuakux chikao ma ija langüi, ija a zokle ashunkya tö kox angkya müibu langkya khama changüi. Ija a ochax hünle pao angkya hanpakma koxkya tö changle.

LIWI 3:8

nange ija müi okhang ma nang chak danüi ilaxle Nyihom fülom ma ija langüi. Nguapabue ija aji a tö-tsap akhople saküi

LIWI 3:2

Ija müi khangkho ma nange chak danüi ilaxle ija a Jowanpa Ngwotnui Nyihom fülom ma langüi. Nguapa Arun sasün hwome ija aji tö-tsap akhople saküi.

LIWI 1:3

Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.

LIWI 5:7

Nange ija chun chichangba zwon apüile kox ang chitho thüiningle, nange Jowanpa hato nang ochax tsangthom ang osu anyi chichangba jua-o anyi, tuita a ochax tö hanpak ang ilaxle tuita a zokle ashunkya tö hanpak angle apüile kox angkya oli changpu.

LIWI 5:16

Nange Zang süntswon chem kox angkya hex ija koxüi ilaxle ija to nüile othom tsa bole kox angkya changle. Nange ija nguapa chak to koxüi. Nguapa ija nang ochax hanpak ang tö koxüi, ilaxle nange ochax thailak ataküi.

LIWI 6:7

Nguapae ija nang hanpak ang tö koxüi ilaxle nang ochax thailak tüiüi.

LIWI 14:13

Chixe ija müi ochax tö hia zokle ashunkya tö ang koxkya müibu langkya onui ma langüi. Chixe ija mok angkya wüi changle chemthüikoxle ochax tö chuwüi ochax tö tuita ningle nguapa kux changpu tamchu ija a ataxkya otsao changpu.