LIWI 7:13 - OTSAO BAIBEL (BSI)

¹³ Mongmüi tö füi tomle twonkhax awonkya ankhao chuwüi chixe kox angkya changle.

LIWI 7:13 ပူးပေါင်းရင်းမြစ်များ

AMOS 4:5

Chizakle ile mokkox ilaxle Zang ang münchong fale hünzome an tö laxkox, ilaxle hünzome töbu onüi apüikya bama tsaichong-kaxbongle changkox! Hünzome moksele tsukya a ijaningkya changle.

LIWI 23:17

Otsao hingho tuita ningle pangnu homkha tokya wüi ankhao anyi pong apüile Jowanpa ang laxkox. Ankhao tuipong a ankhix tuak anyi, twonkhax füi awon zing angkya changle ilaxle ija a saxcha-wünkya ningle Jowanpa hato tö ang apüile koxüi.

1 TIMOTHI 4:4

Zange zingdaokya pangnu li omüimüi wüi; tuitachu awüt angkya müntüi, ikoxle pangnuli wüi münchong fale zangjopkya füi pongle kop angkya changle.

MATHI 13:33

Anaolechu kaxpan tuita chixe hwom füi akax: “Zang Wangting a, sheko tuitae nalao to fu laxle mamyet-mamyetle akhuple thomkya muaküsa twonkhax ningle changpu.”

LIWI 2:12

Nange ibu puatak mün ma Jowanpa hato tö koxle apüi ang tsuak; ikoxlechu ibu a ongan müile zokle ashunkya tö koxkya tö-tsap dingma chidanüi.

LIWI 23:18

Ija ankhao füi tomle noknue zanglao nguile tsongdaokya chun ola anüt, maihupong tuita, ilaxle chun hosa anyi, ile ofwot chitüikya müibu apüile koxüi. Ibu a saxziak hia grep-ti füi tomle, zokle ashunkya tö tuita ang Jowanpa hato apüile koxüi. Ibu tö ongan a Jowanpa zongto tüle müikya ongan changle.

JEREMIA 33:11

mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”