LIWI 7:12 - OTSAO BAIBEL (BSI)

¹² Ija chixe mongmüi hanpak ang koxkya tö jangchang thüiningle, ija ma chixe mongmüi hanpak tö füi twonkhax chiawonkya an odwon tuita münga füi awon, anaolechu twonkhax füi chiawonkya ankhao to müngae lyetlaxle tamchu ankhix münga füi awon kox angkya changle.

LIWI 7:12 ပူးပေါင်းရင်းမြစ်များ

HUAKE LAIPEX 6:15

Chixe twonkhax chilax homtoxle zingkya an khong tuita ma awangle tö koxüi; an a olip-münga füi awon zingkya, olip-münga füi atswomle zingkya, tamchu ibibi laxüile tüikya to bole saxziak hia grepti-ju tö kox angkya changle.

LIWI 2:4

Ikoxle tö a wün ma atsankya an jangchang, ija a twonkhax chiawonle zing angkya oli changpu. Ija an a olip münga füi awon tütle chichangba pakdaxle zingkya chang ang tsuak.

1 PITAR 2:5

Ozün ma tüikya longbu ningle hünzom chix hato hüilaxle, Jisu Khrista makhange Zange pongle koptsuakkya lima chasa tö koxkya khato otsao nguapabu ang achang ang tamchu chasa zangshwom-hom zing angkya to hünzom twon ang laxkox.

IBRI 13:15

Jangchangba keme othuithuima chix makhange Zang ang münchong fakya tö oja tun füi chix ngaikya oziak hex, ija tö koxhax.

EFISIA 5:20

Kem Jowanpa Jisu Khrista mün ma, Hopa Zang ang pangnu li towüi jento mongmüikya münchong fakox.

ROM NOK HATO ZAKYA POL LAIZA 1:21

Hwome Zang awan, ikoxlechu chix achuak afua le chichang, ilaxle münchongchu tamchifa. Itülüi mongjang samsamsüi le pao ilaxle chem ngax chitüikya hwom khangka zangnake awang.

KAXHO MÜIKYA LUK 17:18

Ija mixnoksün boma Zang ang münchong fa ang chatkya owachu müntüi tsuak hexnyi?”

KAXHO MÜIKYA LUK 17:16

Üntoxle Jisu chitongma akhuxlaxle chix ang münchong kox; ija mixsün a Samaria khünak changkya.

HOSIA 14:2

Jowanpa hato chat-hüi, ilaxle ija zangjop a chix hato apüile koxkya tö ang achang kox: “Kwom ochaxbu thailak tüihüi ilaxle kwom zangjop pongle kop-hüi, ilaxle kwome tsaosax daokya ningle kwome nang achuaküi.

MÜNCHUAK-TSAI 116:17

Kue nang ang münchong fakya tö tuita koxüi ilaxle ku zangjop tö nang ang koxüi.

MÜNCHUAK-TSAI 107:8

Tamchizakkya chix mongkün hanpakma hwome Jowanpa ang münchong fa angkya wüi changpu, chemthüikoxle chixe hwom hanpak ang ohünotün mwotbu huanuma mokdaoa.

JEREMIA 33:11

mongmüile akhongkya hia tuiju-nasomle puakya ozingbu a. Khünaknue Zangshwom-Hom to töbu apüile changpongma tsai ngole changkya zing hünzome atat ang kopüi; Hwome thüile: ‘Khüthak Jowanpa Zang ang münchong fakox, chemthüikoxle chix a müile ilaxle chix mongkün ma oshuk müntüi.’ Kue ija haxtok a amipongkya lailaile ahak-aluale chang ang tomüi. Ku, Jowanpae ija akaxdaoa.”

MÜNCHUAK-TSAI 50:23

Münchong fakya a ku achuakle tö koxkya changpu, ku kax ma laxle tüikya pangnusa kho kue sünüi.”

NEHEMIA 12:43

Ija nyix töbu huanuma kox, ilaxle Zang-e hwom mong amüikya khoma khünaknu a huanuma mongmüi atungle tüikya. Shekobu hia naosombu ija atu-ajakya ma wom, ilaxle hwome pukya ozing a ochu-ochu tokhange atat.

2 PUKAX-PANGAO 33:16

Chixe Jowanpa to shwomkya kha angkya tö-tsap zingle amüi, ilaxle chixe ija ding ma notom-tusüi tö hia münchong fakya tö, ibu kox. Chixe Judah khünaknu ang Jowanpa, Israel nok Zang to noknusae shwom angkya kaxtom kox.

2 PUKAX-PANGAO 29:31

Hezekiah-e khünaknu ang thüi: “Athax a zanglom ma hünzom otsao ang changüna, idaile Jowanpa hato töbu apüile mongmüi töbu laxkox.” Hwome ija kax ma lax ilaxle züizüie tomning ma küntsu monglua to müibu apüile zokle ashunkya töbu kox.

LIWI 22:29

Chemtue hünzome Jowanpa ang münchong fakya tö koxle changüihex, wanlombu tolax, ile chang koxle nang tö a pongle kopüi.

LIWI 7:15

Ilaxle chixe tumüi tö koxkya müi a chixe tö koxkya nyix saxüi; ofüinop kople chixe funtachu chitoxüi.

LIWI 6:16

Ota tüikya a nguapabue saxüi. Ija a twonkhax chiawon homle an lum ang zingüi ilaxle otsao nui ma saxüi, ija a Jowanpa ngwotnui Nyihom nya-o ma changüi, Ija a Jowanpae nguapabu ang süt tö koxkya kha angkya hwom süntom ang koxkya changpu. Ija a ataxkya otsao. Ija chuwüi ochax tö hia Zang süntom töbu ningle otsao changpu.

LIWI 2:5

Ija tö a tikkhe ma mokkya an jangchang thüiningle, ija a ankhix olip münga füi awonkya ikoxlechu twonkhax chiawonkya an chang angkya oli.

AMOS 4:5

Chizakle ile mokkox ilaxle Zang ang münchong fale hünzome an tö laxkox, ilaxle hünzome töbu onüi apüikya bama tsaichong-kaxbongle changkox! Hünzome moksele tsukya a ijaningkya changle.