LIWI 6:7 - OTSAO BAIBEL (BSI)

⁷ Nguapae ija nang hanpak ang tö koxüi ilaxle nang ochax thailak tüiüi.

LIWI 6:7 ပူးပေါင်းရင်းမြစ်များ

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

1 JUHAN 1:9

Ikoxlechu keme ma ochax Zang pomtho ma jangngaiba, chixe chix kaxtsao thomüi ilaxle chem supuix ija moküi: Chixe kem ochaxbu thailak faüi üntoxle thaikya mwot pangnu tokhange kem tsaotha ang tomüi.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

MATHI 12:31

Ijadaile kue hünzom ang thüipu, khünak ang hwom ochax hia kaxma pangnu thailakkya tüiüi; ikoxlechu owae Otsao Chasa ang kaxma thüilaxüi hex, chix ang thailak müntüi.

MIKA 7:18

O Jowanpa, nang lailaikya Zang mama owachu müntüi; atale tüikya nang khünaknu thaikyabu nange alak-hüi. Nang othuithuima mongtsik-mongmale taxngo, ikoxle kwom hato chizakkya mongkün ahokya ma nang ang mongmüi.

EZEKEL 33:19

Chemtue ochax khünak owawae ochax lyenle ngokya zak laxle sukya hia müikya mwot mokle changpuix, chixe chix kho sündaoa.

ISAIA 1:18

Jowanpae thüi: “Athaxpi zangwün tsuakle kop-hax. Nang a ochax füi lyetle akhik thomle, ikoxlechu kue nang paiput ningle sole atsyetüi.

LIWI 5:18

Nange ija tsangthom hanpak ang nguapa hato ofwot chitüikya chun chichangba zwon ola tuita apüile kox angkya changpu. Ija otha a onok ziathop ma thütle chang angkya oli. Nange chitex-chile le thaidaokya ochax tsangthom ang nguapae ija tö koxüi, ilaxle nang ochax thailak tüiüi.

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

LAIPAO 34:7

Kue ku kaxtsao tsünthom-tsünthom to kople thomle ilaxle chichang-chizangkya hia ochax mwotbu thailakkya tüile; ikoxlechu hopu-hopa hwom ochax khoma kue hwom sutai-sulai tsün kople sikngün chifa homtoxle müntox.”

LIWI 6:8

Jowanpae Mosa ang

LIWI 7:2

Ija tö hanpakma müi a, ojongkha ma zokle ashunkya tö langpuix, tö-tsap zongma shuakuxchi, ikhama lang angkya changpu. Ikha angkya aji füi tö-tsap akhople sak angkya changpu.

LIWI 2:1

Owawae Jowanpa ang saxziak tö koxle changpongma, ija hünzome an ang achangle müile thule kopüi. Nguapabue ija to olip münga füi liüi ilaxle ongan amüi ang otex-tsyapi awutüi.