LIWI 6:20 - OTSAO BAIBEL (BSI)

²⁰ ija a Arun sasün hwom nguapabu ang kamle atsao angkya hanpakma. Chemtue chix kamle atsaoüihex, ija nyix, chixe Jowanpa ang tö tuita ningle ankhix paon anyi (ija a nyixfokya to koxkya saxziak tö ma thütle), süifi a anopningle ilaxle süifi a hansonge kox angkya changle.

LIWI 6:20 ပူးပေါင်းရင်းမြစ်များ

LAIPAO 29:2

Twonkhax chiawonkya an hia ankhao müngae palaxle koplax.

LAIPAO 16:36

(Ozan thütkya noknu thathop a ifah ma laxle).

IBRI 7:27

Chix a mama Nguakhobu ningle chichang; nyixfokya to chixe pongwang ma khünaknu ochaxbu hanpakma üntoxle ifüima chix hanpakmale tö koxngo angkya chix hanpakma chem mwot chitüi. Chixe ma alüile koxkya zuma, pangnu hanpakma tamfang ma wüi tö koxdaoa.

IBRI 5:1

Nguakhobu pangwüi hwom khakha angkya kampu ilaxle hwom a pangnu hanpakma Zang thotha ang tompu, ija a zangjang tö hia ochaxbu bama tö kox angkya hanpakma.

HUAKE LAIPEX 28:10

Zokle ashunkya tö Sabath foto, nyixfo to koxkya tö hia obo ang grepti-ju tö koxüi.

HUAKE LAIPEX 28:3

Ibu a Jowanpa hato apüile kox angkya sütling töbu changpu: nyixfokya to zokle ashunkya tö hanpak ang zanglao kho nguidaokya chun ola ofwot chemchu chitüikya anyi.

LIWI 5:11

Nange osu anyi chichangba jua-o anyi kox ang ngaxchu chithole jangchang, nange ankhix tuak anyi tukux ochax tö hanpak ang apüiüi. Nange ikhato olip münga chichangba ongam müikya oli chemchu chiawonüi, chemthüikoxle ija a ochax tö hanpak changle, saxziak to hanpak münchang.

LIWI 5:1

Ochax tö kox angkya a ibibi olom ma tüile. Nang a pünpa-chongwang hwome chemle pang changpuix ija kaxtik ang khwa to se ikoxlechu nange chem ngünpuix ija bama mikngün hia natat bama kax chemchu chingaile jangchang, ija bama nange sikngün apong angkya wüi changle.

LIWI 6:19

Jowanpae Mosa ang ibibi wanlombu kox,

LIWI 23:13

Ija füi tomle süt tö hanpak ang hünzome akhix tuak anyi olip münga füi awon laxkox. Ija tö koxkya ongan a Jowanpa zongto tüle zingle müikya changle. Ifüi tomle hünzome grepti-ju tsoxta wüi tö ang laxkox.

HUAKE LAIPEX 4:16

Arun sasün nguapa Eliazar a, Nyihom pangwüi ilaxle wüntik angkya münga, ongam müikya so, saxziak tö, kamle atsao ang likya münga, üntoxle Jowanpa ang atsaole koxdaokya Nyihom ma atüitüi, ibu pangwüi bama hünlit laxmix changpu.

1 PUKAX-PANGAO 23:29

Zang ang tö ang kox angkya ankhao to hu angkya, tö kox angkya ankhix, twonkhax chiawon homle zingkya ankhao, tö an atsankya; Zangshwom-Hom töbu koxkya othüt-ozing to hu angkya;

LIWI 6:11

Ifüima chixe nyizabu lüiüi ilaxle zanglom ma tsaole tüikya nui to ija labu awütüi.