LIWI 6:18 - OTSAO BAIBEL (BSI)

¹⁸ Athax füichi ma jento, Jowanpa ang süt tö koxkya kha angkya tuita hwom süntom ningle, Arun su-sa hwom lükakae ija ahanle sax ang tsuak. Owawae tö ang koxkya süt to twonle jangchang thüiningle ija otsao tsak-zonge chix to maklaxle changüi.

LIWI 6:18 ပူးပေါင်းရင်းမြစ်များ

HUAKE LAIPEX 18:10

Hünzome ibu otsao nui to sax angkya changle, ilaxle ibu a lükakae tix sax angkya changle; ibu a otsao changpule laxüi.

LIWI 6:29

Nguapa homkha angkya lüka pangnue ija tö sax ang tsuak; ija a müimamakya otsao changle.

1 PITAR 2:9

Ikoxlechu zangnaknu khatokya khompua atsikkya zangngai hato Zang ohünotün mwotbu apuk-apua angkya hanpakma kamle kopkya jat-li, chongwang nguapabu, otsao ting-nok, Zang zongto ma khünaknu a hünzom changle.

1 PITAR 1:16

Otsao Lai-e thüile: “Nang otsao ma ngolax chemthüikoxle ku a otsao changle.”

LIWI 6:27

Khünake chichangba tütalie wüi changkoxchu ija omüi to lyetle jangchangdao, ija otsao tsak-zonge ija to thomzünle changüi. Nyiza tütali to müi aji füi lyetle jangchangdao, ija a otsao nui ma so angkya changpu.

LIWI 3:17

Israel khünak owaechu ozao hia aji chisaxüi; Israel khünakbue hwom angongo khato ija wanlom a tsün tok to tsün le tole ngo angkya oli.

LAIPAO 29:37

Ija a nyixfole nyix anüt zinglax. Ifüima tö-tsap a komkaile otsao ang changüi, ilaxle owawae chichangba tütalie ija to lyetle jangchangba ija otsao tsak-zong makhange thamale changüi.

1 KORIN 9:13

Zangshwom-Hom ma thothakyabue zangshwom-hom angkya süt koppu, ilaxle tö koxkya khato mokkyabue tö ang koxkya kha angkya süntom koppu, ija hünzome matsing hexnyi?

LIWI 6:19

Jowanpae Mosa ang ibibi wanlombu kox,

LIWI 7:6

Nguapabu khama lükakae ija sax angkya changle. Ija a tuita otsao nui ma saxüi; ija a müimamakya otsao changle.

HUAKE LAIPEX 18:8

Jowanpae Arun ang thüi: “Hulax, nang hanpakma tö koxkya to humele chang angkya kue nang ang koxpu; Israel khünaknu otsao hingho pangwüi bama kue ibu nang süntom tamchu jento hünsu-hünsa hwom süntswon ang kopüi.

LIWI 4:3

Nguakhoe ochax lyenlaxle khünaknu hato thaikya sikngün apüikya jangchang, chixe ofwot chizaikya maihupongsa tuita, ochax tö hanpak ang Jowanpa ang kox angkya changle.

LIWI 4:24

Chixe ija müi khangkho ma chix chak danüi ilaxle tö-tsap zongma shuakux chikao ma ija langüi, ija a zokle ashunkya tö kox angkya müibu langkya khama changüi. Ija a ochax hünle pao angkya hanpakma koxkya tö changle.

LIWI 4:33

Nange ija müi khangkho ma nang chak danüi ilaxle zokle ashun angkya tö langkya nui ma, tö-tsap zongma shuakuxchi ma langüi.

LIWI 6:10

Ifüima nguapae chix jak-nyilo tholaxle tö-tsap ma tüikya labu hunlaxle tö-tsap zui ma toxüi.