LIWI 5:2 - OTSAO BAIBEL (BSI)

² Nange chitex-chile le zanglom ma chitsaokya oli to twonle jangchang, thütba: Müimang ningkya to, nange chichang fang changle hüidaoa ma thaikya awanle hüikya füi tomle nang a chitsaokya ang changüna.

LIWI 5:2 ပူးပေါင်းရင်းမြစ်များ

LIWI 5:17

Hünzom kha angkya owawae chitex-chile le Jowanpa kaxtombu amale jangchang, nang thaidaoa idaile ija tsang thom angkya wüi changpu.

TSAITONG-KAXTONG 14:8

Wak müichu taxsax. Ibu a chitsaokya ang laxüi; ibu ang osok afile ikoxlechu ibue osüt shaole münsax. Iningkyabu müi chemchu taxsax chichangba ibu müi omang to ngaxchu taxtwon

HAGAI 2:13

Ifüima Hagai-e atüi: “Thütba owawa a müimang to twonkya makhange chitsaokya ang achang, ilaxle chixe ibu sütli-lingli tütali to lyetle jangchang thüiningle, ija khünakchu chitsaokya ang achang pia?” Zompu-zangpabue lan: “Changle.”

LIWI 11:11

Iningkya zünmokbu a chitsaokya ang eüi. Hünzome ibu taxsax tamchu ibu omang to ngaxchu taxtwon

2 KORIN 6:17

Idaile Jowanpa-e akax, “Hünzome hwom danle tox angkya wüi ilaxle hünzom hwom füi atsaiün; chitsaokya to ojao taxlyet, ikoxtix kue hünzom pongle kopüi.

KAXHO MÜIKYA LUK 11:44

Hünzom maxsax! Chemthüikoxle hünzom a oding ma khünak ahamle ngokya, otam chitüikya zuktingbu ningle changle.”

ISAIA 52:11

Hünzome Babilon dantox angkya münthaile tsingkoplax, zangshwom-hom tuina kople tüikyabu hünzom pange wüi! Taxtwonle atsaokya oli to taxtwon; ibu füi hünzom atsailax ilaxle otsao ma ngolax.

MÜNCHUAK-TSAI 19:12

Kem owaechu ma thaikyabu mae alüile ngün ang müntho; Jowanpa, thaikya khomle thomkyabu chak tokya ku azünhüi!

LIWI 7:21

Ilaxle owawae chitsaokya jali to, khünak chitsaokya mix towüi changlax chichangba chitsaokya müi towüi changlax tamchu chitsaokya zünmok towüi changlax lyetle jangchang thüiningle, ilaxle Jowanpa ang koxkya tumüi tö saxle jangchang thüiningle, ija khünak a ma othom kha angkya alai angkya changle.

LIWI 5:4

Nange jansuma tsaosaxle jangchang, tüta ningkya bama wüi chang koxlax, nange ija awanle hüikya füi tomle nang a thaikya ang changdaoa.

LIWI 4:13

Anaole chitsing laxle Israel khünaknu othomthome ochax lyen, ikoxle ija noknu miksho ma pyenle thom, ilaxle Jowanpae taxmokle abaxkya tütali thaile moklaxle ochax kople jangtüiba;

LIWI 5:3

Nange chitex-chile le khünak makhange hüikya chitsaokya oli to twonle jangchangdao, ija tüta ningkya wüi chang koxlax, ma thaikya awanle hüikya füi tomle nang a chitsaokya ang changpu.

LIWI 11:8

Müi ibu omüi taxsax chichangba ibu müimang to lyetle taxchang; ibu a chitsaokya müibu changle.

HUAKE LAIPEX 19:22

Chitsaokya khünake atwontwon pangwüi chitsaokya ang achangpu.