LIWI 5:16 - OTSAO BAIBEL (BSI)

¹⁶ Nange Zang süntswon chem kox angkya hex ija koxüi ilaxle ija to nüile othom tsa bole kox angkya changle. Nange ija nguapa chak to koxüi. Nguapa ija nang ochax hanpak ang tö koxüi, ilaxle nange ochax thailak ataküi.

LIWI 5:16 ပူးပေါင်းရင်းမြစ်များ

HUAKE LAIPEX 5:7

chixe ma thaikya ochax ngai angkya wüi changpu ilaxle ija tha komkaile thom angkya wüi changpu, iboma onüi ang owa zongto chix thaidaolaxpuix, chix ang hota ma thomtsa obo ang kox angkya changle.

LIWI 22:14

“Nguapa homkha chichangkya owawae, sax angle chichang homtoxle le-le otsao tö kha angkya saxle jangchang thüiningle, chixe nguapa ang otha bakle thomüi ilaxle ito bole thomtsa onüi koxüi.

LIWI 27:31

Khünake ikha angkya tütapu shakle lax ang jangtsu, chixe onok thathop otha koxlaxle hota ma thomtsa onüi bole koxlaxle shak ang tsuak.

LIWI 27:27

Ikoxlechu chitsaokya müi oli chichangba otha boma hota ma thomtsa-e bole koxlaxle shakle chat ang tsuak. Ija shakle chichat thüiningle ija a onok thathop ma owawa ang hang ang tsuak.

LIWI 27:15

Ikoxle owae ija hom Jowanpae atsaole koxpuix, chixe wüi chatle laxse jangtsuba, chixe otha koxkya to bole hota ma thombün onüi kox angkya changle.

LIWI 27:13

Chixe ija sünle kopse mong jangtüi, chixe otha koxkya boma onüi hota ma thomtsae bole kox angkya oli changle.

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

KAXHO MÜIKYA LUK 19:8

Zakaria ajong üntoxle Jowanpa ang thüi: “Apalax Jowanpa, kue ku bwotba süifi chitüi-chinangkyabu ang koxüi, üntoxle kue owawa dyen-ngankya jangtüidaoba, kue chix ang othom alie nüile achat koxüi.”

MÜNCHUAK-TSAI 69:4

Opange amuamuale ku to tsak-khule ngolaxpuix hwom a ku khangmun füi ngaxchu lüile tüile. Ku zanpabue ku bama khualople zangwünle; hwom ma tsak-zong tüile ilaxle hwome ku mik-amüt-sele tsule. Kue chiahuxkya tuina hwome ku ma tsangle.

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

LIWI 5:6

ilaxle ija nang ochax tsangthomle tö kox ang, nange Jowanpa hato chun chichangba zwon zwonnu tuita apüile kox angkya oli changpu.

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LAIPAO 22:1

“Khünak tuitae maihu chichangba chun ahux üntoxle langle sax chichangba hangle awütkya jangtüi; chixe maihu tom tuita hanpak ang maihu tom aga ilaxle chun tuita hanpak ang chun tom ali tsangthomle kox angkya wüi changle.

LIWI 7:2

Ija tö hanpakma müi a, ojongkha ma zokle ashunkya tö langpuix, tö-tsap zongma shuakuxchi, ikhama lang angkya changpu. Ikha angkya aji füi tö-tsap akhople sak angkya changpu.

HUAKE LAIPEX 5:8

Ikoxle ija mixsün a zidaoa ilaxle tsangthom mün pong ang haxnu-homsa owachu chitüile jangchang thüiningle ija a nguapa hanpak ang koxüi. Ija otha thomkya a thaikya mix hanpakma zanglom ma atsaole zomzing angkya chun obo ang koxkya changpu.

1 SAMUEL 6:3

Hwome lan: “Hünzome Israel nok Zang Tsaotsüt Suak achatle jangchang, hünzome ma ochax hanpakma tö kox angkya hingho tütali füi achat angkya oli changle. Tsaotsüt Suak a hingho füi chichang homtoxle chiachatüi. Ija achatle tix hünzom kaklak müiüi tamchu chixe hünzom to büthüikoxle sikangünle changpuix, ija awan ang kopüi.”

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.