LIWI 5:13 - OTSAO BAIBEL (BSI)

¹³ Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

LIWI 5:13 ပူးပေါင်းရင်းမြစ်များ

LIWI 2:3

Ile saxziak tö koxkya füima ota toxkya a Arun hia chix sasün hwom hanpak ang changüi. Ija a wün ma zokle Jowanpa ang tö koxkya khama ataxkya otsao mwot changpu.

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

1 KORIN 9:13

Zangshwom-Hom ma thothakyabue zangshwom-hom angkya süt koppu, ilaxle tö koxkya khato mokkyabue tö ang koxkya kha angkya süntom koppu, ija hünzome matsing hexnyi?

HOSIA 4:8

Ku khünaknu ochax tokhange hünzom ahak-aluale tsong, ikhoma hwome ochax sisile naxlyen le hünzome thüt.

1 SAMUEL 2:28

Israel homjen pangnu khama kue chix kako-homkha khünakbu a ku zompu-zangpabu ang kamle kop. Tötsap ma ku thothale chang angkya sobu zokle ongan müikya angan angkya ilaxle ku füi zangwünle changüima nguapabue suakwex-nyi thole kop angkya ibu mwot kue hwom ang kox. Ilaxle kue tö-tsap ma zokle ashunle tö koxkya kha angkya hwom süntom süile tswonle kop ang tom.

LIWI 7:6

Nguapabu khama lükakae ija sax angkya changle. Ija a tuita otsao nui ma saxüi; ija a müimamakya otsao changle.

LIWI 5:6

ilaxle ija nang ochax tsangthomle tö kox ang, nange Jowanpa hato chun chichangba zwon zwonnu tuita apüile kox angkya oli changpu.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

LIWI 2:10

Ota tüikya tö a nguapabu hanpak changle; ija a ataxkya otsao, chemthüikoxle ija a Jowanpa hato apüikya süt tö kha angkya kopkya changle.

LIWI 5:4

Nange jansuma tsaosaxle jangchang, tüta ningkya bama wüi chang koxlax, nange ija awanle hüikya füi tomle nang a thaikya ang changdaoa.

LIWI 5:5

Chemtue nang thaikya ang changpuix, nange nang ochax ngai angkya wüi changpu,

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

LIWI 5:12

Nange ija nguapa hato apüiüi. Ija pangnu tsyen ang chakpuix tuita lax üntoxle nguapae Jowanpa ang süt tö hanpak ang tö-tsap ding ma zokle ashunle tö koxüi. Ija a ochax pao angkya tö ang changle.

LIWI 5:14

Jowanpae Mosa ang ibibi wanlom kox.

LIWI 5:16

Nange Zang süntswon chem kox angkya hex ija koxüi ilaxle ija to nüile othom tsa bole kox angkya changle. Nange ija nguapa chak to koxüi. Nguapa ija nang ochax hanpak ang tö koxüi, ilaxle nange ochax thailak ataküi.