LIWI 5:12 - OTSAO BAIBEL (BSI)

¹² Nange ija nguapa hato apüiüi. Ija pangnu tsyen ang chakpuix tuita lax üntoxle nguapae Jowanpa ang süt tö hanpak ang tö-tsap ding ma zokle ashunle tö koxüi. Ija a ochax pao angkya tö ang changle.

LIWI 5:12 ပူးပေါင်းရင်းမြစ်များ

LIWI 4:35

Ilaxle chixe, notom-tusüi tö hanpak ang langkya müi ozao alaile awütkya ningle ija müi ozao pangwüi alaiüi, Chixe ija Jowanpa ang koxkya süt tö füi tomle tö-tsap dingma zokle ashunüi. Ile nguapae hünzom ochax hanpakma tö koxüi, ilaxle hünzome ochax thailak ataküi.

LIWI 2:9

Ibibi komkaile Jowanpa a tö koxkya ang laxle nguapae ikha angkya hidaole laxüi, ilaxle chixe ija tö-tsap ma zokle ashunüi. Ija ongan a Jowanpa zongto zinglongle müikya ongan changle.

LIWI 2:2

Nguapabu, Arun sasün hwom hato ija apüiüi. Ikha angkya chakpuix tuita an hia olip münga tamchu ima tüikya otex-tsyapi pangwüi laxle chang füima, nguapae ija chakpuix an tö-tsap ma wünkhut ang achangle zokle ashunüi. Ija a Jowanpa zongto zinglongle ongan müikya to tuita changle.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

WANGSHEMBU MWOT 10:4

Chix a Zang kaxtaimix thua za ang süt ilaxle thüi: “Alixachong, Ija a chempang?” Kaxtaimixe lan: “Zange nang zangjop atatdaoa üntoxle nang mwot müikya ngünle laxdaoa, ilaxle ibu khoma nang füi Jowanpa ang mongmüikya tüile.

HUAKE LAIPEX 5:26

Ilaxle ija tsaotsüt mün ma chixe ikha angkya an chakpuix tuita kopüi ilaxle ija tö-tsap ding ma zokle ashunüi. Oshukma chixe ija mixcha ang ija ti ling ang tsanüi.

LIWI 6:15

Chixe chak-khui ma awangle ankhix hia münga laxüi, ilaxle ija ma ongan amüi angkya so laxüi, ilaxle ibu pangwüi tuita Jowanpa ang koxkya mongmüi ahole tö-tsap ding ma zokle tö koxüi. Ija tö ongan müikya Jowanpa zongto zinglongle müikya tuita changle.

LIWI 3:11

Ikhama ngole asukya nguapae ija pangwüi tö-tsap ding ma Jowanpa ang süt tö tuita ang koxle zokle ashunüi.

LIWI 3:4

mongsa otom pangnyi wüi ilaxlechu okhax sümüikya kha.

LIWI 2:16

Ikha angkya sax hia münga tamchu hidaole tamchu otex-tsyapi komkaile koplaxle nguapae ija zokle ashunkya tö koxüi.

LIWI 1:17

Chixe ija ocha ma koplaxle ija tsangtsa afiüi, ikoxle ozang a chiapun-khaiüi, ilaxle ija a komkaile tö-tsap ding ma zokle ashunüi. Ija süt tö koxkya ongam a Jowanpa zongto zinglongle müikya changle.

LIWI 1:13

Hünzome ija oche-okhax hia chisok-chaksokbu ti füi müile so angkya changpu, ilaxle nguapae ibu tö-tsap angkya wünkha to wünkhut ang ajangle zokle ashunle tö koxüi. Ija zokle tö koxkya ongan a Jowanpa zongto zinglongle müikya changle.

LIWI 1:9

Hünzome müi oche-oshin hia ocha-ochakbu müile so angkya changle, ilaxle ima mok ang atsyenle tüikya nguapae ibu tö pangwüi tö-tsap dingma danüi. Ija süt tö koxkya ongan-ozang a Jowanpa zongto amüikya changle.

LIWI 5:11

Nange osu anyi chichangba jua-o anyi kox ang ngaxchu chithole jangchang, nange ankhix tuak anyi tukux ochax tö hanpak ang apüiüi. Nange ikhato olip münga chichangba ongam müikya oli chemchu chiawonüi, chemthüikoxle ija a ochax tö hanpak changle, saxziak to hanpak münchang.

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.