LIWI 4:35 - OTSAO BAIBEL (BSI)

³⁵ Ilaxle chixe, notom-tusüi tö hanpak ang langkya müi ozao alaile awütkya ningle ija müi ozao pangwüi alaiüi, Chixe ija Jowanpa ang koxkya süt tö füi tomle tö-tsap dingma zokle ashunüi. Ile nguapae hünzom ochax hanpakma tö koxüi, ilaxle hünzome ochax thailak ataküi.

LIWI 4:35 ပူးပေါင်းရင်းမြစ်များ

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

LIWI 14:18

Chix chakfa ma ota tüikya münga füi chixe ija mixsün khang to pale koxüi. Ile chix otsao ang achangle kox angkya zanglom zomzingle koxüi.

LIWI 6:7

Nguapae ija nang hanpak ang tö koxüi ilaxle nang ochax thailak tüiüi.

1 JUHAN 2:2

Kem ochaxbu thailak atak angkya olom Khrista tata wüi, kem ochaxbu tata le münchang, ikoxle zangfang nok ochax hanpakchu changle.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

1 PITAR 2:22

“Chixe ochax chemchu chimok, chichangba chix tunpün makhange, kaxthai zang wünkya, owaechu chiatat.”

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

IBRI 7:26

Ikhoma Jisu a kem laxli pangwüi anguile fa angkya Nguakho changle. Chix a otsao; chix ma thaikya chichangba ochax chemchu müntüi, chix a ochaxbu füi atsaile süi thomkya tamchu zangkho thak to nwonle thomkya changle.

IBRI 4:14

Athaxpi kem ang zangkangting akai daokya Nguakho tuita, Jisu Khrista, Zang Hosa tüikya daile, keme ngaile tsaokya mongong ma shingmongle ngohax.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

KOLOSI 1:14

chix a kem dan-pankya mix, thüikoxle kem ochaxbu thailak koxkya mix changpu.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ROM NOK HATO ZAKYA POL LAIZA 10:4

Chix to ongkyabu pangnu wüi Zang füi muamüi angkya hanpakma Khrista-e wanlom oli thudaoa.

ROM NOK HATO ZAKYA POL LAIZA 8:1

Idaile athax a Khrista ma ngokyabu hanpakma thaile le thüi angkya müntüi.

ROM NOK HATO ZAKYA POL LAIZA 4:25

Kem ochaxbu khoma chix zi ang kox, üntoxle Zang füi kem mua amüi ang chix chatle azün.

HUAKE LAIPEX 15:25

Nguapae noknu hanpakma zanglom ma tüikya zomzingle atsao koxle hwom khongai ang tomüi, ifüima hwom ang thailak tüiüi, chemthüikoxle thaikya a chaktung chichang ilaxle hwome ochax tö hia süt tö Jowanpa hato apüile koxdaoa.

LIWI 14:53

Ifüima chixe ozün ma tüikya osa a pantua to paolaxle danle apaoüi. Ile chixe wanlom ma hom atsao angkya zomzingle changüi ilaxle ija hom a otsao ang changüi.

LIWI 12:8

Ilaxle she-e chun hosa kox ang chitho thüikoxle, she-e jua-o anyi chichangba osu anyi apüi angkya changle; tuita a zokle ashunkya tö hanpak ang ilaxle tuita a ochax tö hanpak ang; ilaxle nguapae she hanpak ochax tokya khongai angkya zom zingüi ilaxle she a otsao ma ngoüi.

LIWI 9:7

Ifüima Mosa-e Arun ang thüi: “Jowanpae kaxtom fakya ningle tö-tsap zuito hüilax ilaxle ikhama, khünaknu thaidaokya alak angkya hanpakma nange ochax tö laxkox, tamchu zokle ashunkya tö chuwüi laxkox. Ma hanpak angchu tamchu khünaknu hanpak ang chuwüi, ochax paole khongai angkya hanpak ija tö laxkox.”

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

LIWI 5:6

ilaxle ija nang ochax tsangthomle tö kox ang, nange Jowanpa hato chun chichangba zwon zwonnu tuita apüile kox angkya oli changpu.

HUAKE LAIPEX 15:28

Tötsap ma nguapae ija khünak chix ochax tokya atsao ang, zanglom ma tüikya khongai zomzingle koxüi, ifüima chix ang thailak tüiüi.

LIWI 15:15

Ikha angkya nguapae tuita ochax tö hanpak ang koxüi ilaxle ata a zokle ashunkya tö ang koxüi. Ile ija mixsün hanpakma khongaile tsao angkya zom zingle koxüi.

LIWI 19:22

ilaxle ija mixsün ochax atsao angkya hanpakma nguapae zomzingle khongai koxüi, ilaxle Zang-e chix thaikya alakle awütüi.