LIWI 4:31 - OTSAO BAIBEL (BSI)

³¹ Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LIWI 4:31 ပူးပေါင်းရင်းမြစ်များ

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LIWI 4:35

Ilaxle chixe, notom-tusüi tö hanpak ang langkya müi ozao alaile awütkya ningle ija müi ozao pangwüi alaiüi, Chixe ija Jowanpa ang koxkya süt tö füi tomle tö-tsap dingma zokle ashunüi. Ile nguapae hünzom ochax hanpakma tö koxüi, ilaxle hünzome ochax thailak ataküi.

LIWI 1:9

Hünzome müi oche-oshin hia ocha-ochakbu müile so angkya changle, ilaxle ima mok ang atsyenle tüikya nguapae ibu tö pangwüi tö-tsap dingma danüi. Ija süt tö koxkya ongan-ozang a Jowanpa zongto amüikya changle.

LIWI 1:13

Hünzome ija oche-okhax hia chisok-chaksokbu ti füi müile so angkya changpu, ilaxle nguapae ibu tö-tsap angkya wünkha to wünkhut ang ajangle zokle ashunle tö koxüi. Ija zokle tö koxkya ongan a Jowanpa zongto zinglongle müikya changle.

LAIPAO 29:18

Ija chun ola komkaile tö-tsap ma wünkhut ang achangüi; ija a Jowanpa ang zokle ashunle koxkya tö changpu. Ija a ongan müikya füi wün makhange Jowanpa to tö koxkya changpu.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

IBRI 10:14

Chemthüikoxle tö tam wüi koxkya makhange otsao ang achang daokyabu othuithuima nguiwangkya ang achangle fadaoa.

IBRI 10:12

Ibachu Khrista-e othuithuima mwot to thapkya tö, ochaxbu hanpakma tö tam wüi kox, üntoxle ifüima chix Zang tsaxchi ma thung.

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

MATHI 3:17

Ifüima zangding tokya kaxzing tuitae ile akax: “Ija a kue mongkünkya Ku Sasün changle; chix füi ku mongzom müipu.”

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

ISAIA 42:21

Jowanpa a khosünle kopsele mongtsukya Zang changpu, ikhoma chixe chix wanlombu hia chix hwon-nwot ding to nwonle, ilaxle chix khünaknue chix achuak-achenle namchangbae le texle.

JOB LAIPEX 42:8

Athax hünzome maihupong anüt üntoxle chunla anüt Job hato apüilax ilaxle hünzom hanpak ang tö tuita ningle laxkox. Job-e hünzom hanpak ang zangjopüi. Kue chix zangjop to lanüi ilaxle hünzome kop ang asule tüikya ningle kue hünzom thajao wünhaile chang ang müntom. Wünhax thüikoxle hünzome chix lailaile ku bama kaxtsing chiakax.”

IZRA 6:10

Ku hia kusa hwom hato chix mohiman tüi angkya hanpakma, chixe pongle koptsuak tangle hwome töbu kox angkya tamchu chix to zangjop angkya changle. Ikhoma ija mwot a tsuak ang tom angkya changpu.

LIWI 4:19

Ifüima chixe ija angkya müizao pangwüi alaile laxüi ilaxle tö-tsap dingma ija komkaile zokle ashunüi.

LIWI 1:17

Chixe ija ocha ma koplaxle ija tsangtsa afiüi, ikoxle ozang a chiapun-khaiüi, ilaxle ija a komkaile tö-tsap ding ma zokle ashunüi. Ija süt tö koxkya ongam a Jowanpa zongto zinglongle müikya changle.

LIWI 2:2

Nguapabu, Arun sasün hwom hato ija apüiüi. Ikha angkya chakpuix tuita an hia olip münga tamchu ima tüikya otex-tsyapi pangwüi laxle chang füima, nguapae ija chakpuix an tö-tsap ma wünkhut ang achangle zokle ashunüi. Ija a Jowanpa zongto zinglongle ongan müikya to tuita changle.

LIWI 2:9

Ibibi komkaile Jowanpa a tö koxkya ang laxle nguapae ikha angkya hidaole laxüi, ilaxle chixe ija tö-tsap ma zokle ashunüi. Ija ongan a Jowanpa zongto zinglongle müikya ongan changle.

LIWI 5:6

ilaxle ija nang ochax tsangthomle tö kox ang, nange Jowanpa hato chun chichangba zwon zwonnu tuita apüile kox angkya oli changpu.

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

LIWI 14:18

Chix chakfa ma ota tüikya münga füi chixe ija mixsün khang to pale koxüi. Ile chix otsao ang achangle kox angkya zanglom zomzingle koxüi.

LIWI 15:15

Ikha angkya nguapae tuita ochax tö hanpak ang koxüi ilaxle ata a zokle ashunkya tö ang koxüi. Ile ija mixsün hanpakma khongaile tsao angkya zom zingle koxüi.

LIWI 19:22

ilaxle ija mixsün ochax atsao angkya hanpakma nguapae zomzingle khongai koxüi, ilaxle Zang-e chix thaikya alakle awütüi.

HUAKE LAIPEX 15:25

Nguapae noknu hanpakma zanglom ma tüikya zomzingle atsao koxle hwom khongai ang tomüi, ifüima hwom ang thailak tüiüi, chemthüikoxle thaikya a chaktung chichang ilaxle hwome ochax tö hia süt tö Jowanpa hato apüile koxdaoa.