LIWI 4:26 - OTSAO BAIBEL (BSI)

²⁶ Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LIWI 4:26 ပူးပေါင်းရင်းမြစ်များ

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

HUAKE LAIPEX 15:28

Tötsap ma nguapae ija khünak chix ochax tokya atsao ang, zanglom ma tüikya khongai zomzingle koxüi, ifüima chix ang thailak tüiüi.

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

LIWI 4:35

Ilaxle chixe, notom-tusüi tö hanpak ang langkya müi ozao alaile awütkya ningle ija müi ozao pangwüi alaiüi, Chixe ija Jowanpa ang koxkya süt tö füi tomle tö-tsap dingma zokle ashunüi. Ile nguapae hünzom ochax hanpakma tö koxüi, ilaxle hünzome ochax thailak ataküi.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LIWI 3:5

Ija pangwüi nguapae zokle ashunkya tö füi tomle tö-tsap ma zokle ashunüi.

LIWI 6:7

Nguapae ija nang hanpak ang tö koxüi ilaxle nang ochax thailak tüiüi.

LIWI 5:18

Nange ija tsangthom hanpak ang nguapa hato ofwot chitüikya chun chichangba zwon ola tuita apüile kox angkya changpu. Ija otha a onok ziathop ma thütle chang angkya oli. Nange chitex-chile le thaidaokya ochax tsangthom ang nguapae ija tö koxüi, ilaxle nang ochax thailak tüiüi.

LIWI 5:16

Nange Zang süntswon chem kox angkya hex ija koxüi ilaxle ija to nüile othom tsa bole kox angkya changle. Nange ija nguapa chak to koxüi. Nguapa ija nang ochax hanpak ang tö koxüi, ilaxle nange ochax thailak ataküi.

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

LIWI 1:4

Zokle koxkya tö khangkho ma chixe ma chak danüi, ija a chix ochax hanpak ang chix khülüix ma pongle laxüi.

LIWI 4:19

Ifüima chixe ija angkya müizao pangwüi alaile laxüi ilaxle tö-tsap dingma ija komkaile zokle ashunüi.

LIWI 12:8

Ilaxle she-e chun hosa kox ang chitho thüikoxle, she-e jua-o anyi chichangba osu anyi apüi angkya changle; tuita a zokle ashunkya tö hanpak ang ilaxle tuita a ochax tö hanpak ang; ilaxle nguapae she hanpak ochax tokya khongai angkya zom zingüi ilaxle she a otsao ma ngoüi.

LIWI 14:18

Chix chakfa ma ota tüikya münga füi chixe ija mixsün khang to pale koxüi. Ile chix otsao ang achangle kox angkya zanglom zomzingle koxüi.

2 PUKAX-PANGAO 29:24

Israel khünaknu pangnusa hanpakma zokle ashunkya tö hia ochax tö kox angkya hanpakma wanghompa-e kaxtom koxle changkya ningle, zompu-zangpabue zwon ibu lang ilaxle khünaknu ochax pao angkya tö tuita hanpak ang ibu aji a tö-tsap ding ma thok.

LIWI 15:15

Ikha angkya nguapae tuita ochax tö hanpak ang koxüi ilaxle ata a zokle ashunkya tö ang koxüi. Ile ija mixsün hanpakma khongaile tsao angkya zom zingle koxüi.

LIWI 17:11

Zünmok pangnu ang wüi khüzün a aji ma tüipu; idaile aji pangwüi khünaknu ochax pao angkya kuxma tö-tsap chitong ma thokkoxle thüipu.

LIWI 19:22

ilaxle ija mixsün ochax atsao angkya hanpakma nguapae zomzingle khongai koxüi, ilaxle Zang-e chix thaikya alakle awütüi.

HUAKE LAIPEX 15:25

Nguapae noknu hanpakma zanglom ma tüikya zomzingle atsao koxle hwom khongai ang tomüi, ifüima hwom ang thailak tüiüi, chemthüikoxle thaikya a chaktung chichang ilaxle hwome ochax tö hia süt tö Jowanpa hato apüile koxdaoa.

EZEKEL 43:22

Ofüinyix nange ojao ofwot chitüikya zwonpong tuita kopüi ilaxle ija ochax tö ang kox angkya changpu. Maihupong aji füi chemle hwonpuix ija ningle ija zwonpong aji füi chuwüi tö-tsap atsao ang hwon kox.