LIWI 4:23 - OTSAO BAIBEL (BSI)

²³ chix ang ija ochax apuale fakya füi tomle, chixe chix tö hanpak ang ofwot chitüikya zwonpong tuita apüiüi.

LIWI 4:23 ပူးပေါင်းရင်းမြစ်များ

LIWI 4:14

chemtue chem ma hwom thaidaolaxpuix, ija awanle changkya zuma, ima wüi othome ochax tö hanpak ang huzanpong tuita tö koxüi. Ija a Jowanpa Ngwotnui Nyihom to apüilaxle koxüi.

ROM NOK HATO ZAKYA POL LAIZA 8:3

Khünak müi-hi-aji shonaikya khoma, wanlome chitsuakkya Zange mok ang tsuakle. Chix Hosa owa khünak müi-hi-aji tsün ningle achang ilaxle ochax hanpakma zom ang kox ang ajo puix, chixe khünak müi-hi-aji ma tüikya ochax münsule ajao.

HUAKE LAIPEX 29:16

Ilaxle zwonpong tuita chuwüi ochax tö hanpak ang laxkox. Ibu a nyixfokya to saxziak tö hia grepti-ju tö füi tomle zokle ashunkya tö obo ang laxkox.

HUAKE LAIPEX 29:11

Ilaxle zwonpong tuita ochax tö hanpak ang laxkox. Ija a khünaknu atsao angkya hanpakma koxkya zwon tamchu nyixfokya to koxkya zokle ashunkya tö hia saxziak tö ilaxle grepti-ju tö, ibu to obo ang laxkox.

HUAKE LAIPEX 29:5

Ilaxle zwonpong tuita ochax tö hanpak ang laxkox, ile khünaknu khongai angkya zomzingle laxkox.

HUAKE LAIPEX 28:30

Anaole zwonpong tuita chuwüi ochax tö hanpak ang laxkox, ija ningle hünzome khünaknu khongai ang zomzingle tsuakkox.

HUAKE LAIPEX 28:15

Nyixfokya to koxkya zokle ashunkya tö hia grepti-ju tö, ija nyito bole, zwonpong tuita chuwüi ochax tö hanpak ang kox angkya changle.

HUAKE LAIPEX 15:24

ilaxle noknue chitsingkya khoma ija thaikya jangchang, hwome zokle ashunkya tö ang maihupong tuita kox angkya changle, ifüi tomle Jowanpa zongto ongan müikya saxziak hia grepti-ju wanlom ma tüipupule tö kox angkya changle. Ija to bole ochax tö hanpak ang hwome zwonpong tuita kox angkya changle.

LIWI 23:19

Ikoxlechu ochax tö hanpak ang zwonpong tuita üntoxle notom-tusüi tö hanpak ang zanglao nguidaokya chunla anyi Jowanpa ang koxüi.

LIWI 9:3

Ilaxle Israel khünaknu füi nange ija kax akaxkox: Hünzome ochax tö hanpak ang zwonpong tuita koplax, ilaxle zokle ashunkya tö hanpak ang maihusa tuita üntoxle chun hosa tuita le koplax. Ibu pangwüi zanglao tuipong tsongdaokya müi laxlax.

LIWI 5:4

Nange jansuma tsaosaxle jangchang, tüta ningkya bama wüi chang koxlax, nange ija awanle hüikya füi tomle nang a thaikya ang changdaoa.

LIWI 4:28

ochax awanle lax ang kopkya füi tomle, nange nang hanpakma ofwot chitüikya zwonnu tuita apüi angkya changle.

LIWI 4:3

Nguakhoe ochax lyenlaxle khünaknu hato thaikya sikngün apüikya jangchang, chixe ofwot chizaikya maihupongsa tuita, ochax tö hanpak ang Jowanpa ang kox angkya changle.

LIWI 4:24

Chixe ija müi khangkho ma chix chak danüi ilaxle tö-tsap zongma shuakux chikao ma ija langüi, ija a zokle ashunkya tö kox angkya müibu langkya khama changüi. Ija a ochax hünle pao angkya hanpakma koxkya tö changle.

LIWI 1:3

Tö a müizyem kha angkya zokle kox angkya tö hanpak jangchang thüiningle, chixe ofwot chitüikya müi ola kox angkya changle. Jowanpa tunthoma ija ma khülüix ma pongle kop angkya hanpakma, chixe ija Jowanpa Ngwotnui Nyihom pomtho to apüiüi.

MÜNCHUAK-TSAI 90:8

Kwom huxsa ochaxbu nang ngün ang tsuakkya li ma, nange kwom ochaxbu nang pomtho ma dan.

EZEKEL 43:22

Ofüinyix nange ojao ofwot chitüikya zwonpong tuita kopüi ilaxle ija ochax tö ang kox angkya changpu. Maihupong aji füi chemle hwonpuix ija ningle ija zwonpong aji füi chuwüi tö-tsap atsao ang hwon kox.