LIWI 4:21 - OTSAO BAIBEL (BSI)

²¹ Ifüima chixe maihupong pom kotho to alaiüi ilaxle ija zokle ashunüi. Ija a chixe chix ochax hanpak ang koxkya maihupong zokle ashunkya lailaile changüi. Khünaknu ochax hünle pao angkya ochax tö koxkya a ija changle.

LIWI 4:21 ပူးပေါင်းရင်းမြစ်များ

LIWI 16:15

Ifüima chixe khünaknu ochax hanpakma ochax tö kox ang zwon langüi, ija aji a Ataxkya Otsao Nui to dünüi ilaxle ija füi Chingcha Ngwotnui to saküi üntoxle chu Tsaotsüt Suak tunthoma, chixe maihupong aji füi mokdaokya ningle moküi.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

IZRA 8:35

Zanda ang ngokya chatkyabu pangwüie Israel nok Zang ang zokle ashunle kox angkya töbu apüi. Hwome Israel khünak noknu bama maihupong 12, chun olabu 96, ilaxle chun hosabu 77 kox; ilaxle hwome ochaxbu tokya ma alüile atsao ang zwonpong 12 chuwüi kox. Müi ibu pangwüi Jowanpa ang töbu ang koxle zokle ashun.

LIWI 16:21

Chixe chix pangnyi chak ija zwon khangkho ma danüi ilaxle ochax lili pangwüi tamchu Israel khünaknu alünle ajongle thaikya pangwüi ngaiüi ilaxle ibu ochax pangwüi zwon ma ataile koxüi. Ifüima kamle thomkya mixsüne ija zwon a faokha to jwonle apaoüi.

IBRI 13:11

Ochaxbu hanpakma tö kox ang Jehudi nok zongma Nguakhoe ataxkya Otsao Nui to müi aji apüile; ikoxlechu müi tompo a homtho to huakle.

LIWI 4:13

Anaole chitsing laxle Israel khünaknu othomthome ochax lyen, ikoxle ija noknu miksho ma pyenle thom, ilaxle Jowanpae taxmokle abaxkya tütali thaile moklaxle ochax kople jangtüiba;

LIWI 4:20

Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

HUAKE LAIPEX 15:24

ilaxle noknue chitsingkya khoma ija thaikya jangchang, hwome zokle ashunkya tö ang maihupong tuita kox angkya changle, ifüi tomle Jowanpa zongto ongan müikya saxziak hia grepti-ju wanlom ma tüipupule tö kox angkya changle. Ija to bole ochax tö hanpak ang hwome zwonpong tuita kox angkya changle.

LAIPAO 29:14

Ikoxle maihupong omüi hia okhax tamchu odix, ibu a nange homtho to wünkha to zokle ashunüi; ija a ochax tö koxkya changpu.

LIWI 6:11

Ifüima chixe nyizabu lüiüi ilaxle zanglom ma tsaole tüikya nui to ija labu awütüi.

LIWI 6:23

Nguapae koxkya saxziak tö kha angkya fun tuita sax ang müntsuak; ibu pangwüi zokle ashun angkya oli changle.

LIWI 8:17

Ikoxlechu Jowanpae Mosa ang kaxtom fakya ningle, maihupong tamchu ija okhwon, ija omüi hia odix, chix thongnui homtho to wün füi zokle ashun.

LIWI 16:27

Maihupong hia zwon oja ochax tö kox ang laxpuix; ochax pao angkya hanpakma oja aji Ataxkya Otsao Nui to apüipuix, ija a thongnui homtho to alailaxle zokle ashunüi. Okhwon, omüi, ilaxle okhax-omong pangwüi zokle ashunüi.

EZEKEL 45:22

Ija Pangpwon pongwang nyix apünkya wanghome chix ochax tamchu noknusa ochax thailak tüi angkya hanpakma maihupong langle tö kox angkya changpu.