LIWI 4:20 - OTSAO BAIBEL (BSI)

²⁰ Ochax tö kox angkya maihupong to chemle changpuix ilailaile chixe ija müi to chuwüi changüi. Ile chixe khünaknu hanpak ang tö koxüi ilaxle khünaknu ang thailakkya tüiüi.

LIWI 4:20 ပူးပေါင်းရင်းမြစ်များ

HUAKE LAIPEX 15:25

Nguapae noknu hanpakma zanglom ma tüikya zomzingle atsao koxle hwom khongai ang tomüi, ifüima hwom ang thailak tüiüi, chemthüikoxle thaikya a chaktung chichang ilaxle hwome ochax tö hia süt tö Jowanpa hato apüile koxdaoa.

LIWI 12:8

Ilaxle she-e chun hosa kox ang chitho thüikoxle, she-e jua-o anyi chichangba osu anyi apüi angkya changle; tuita a zokle ashunkya tö hanpak ang ilaxle tuita a ochax tö hanpak ang; ilaxle nguapae she hanpak ochax tokya khongai angkya zom zingüi ilaxle she a otsao ma ngoüi.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

1 JUHAN 2:2

Kem ochaxbu thailak atak angkya olom Khrista tata wüi, kem ochaxbu tata le münchang, ikoxle zangfang nok ochax hanpakchu changle.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

IBRI 2:17

Ile thüikoxle Zang mwottho thakya ma hwom zong to mongong tüikya hia chingchae awangkya Nguakho ang achang angkya kuxma, pangnu lom ma wüi chix a chixtüi chix-nao hwom lailaile achang angkya changle, ikoxle tix khünaknue ochax thailak ataküi.

IBRI 1:3

Zang fuazangle fakya chix makhange aho üntoxle chix kax makhange Zange ding hia hax ozün ma thomkya chix a Zang jaojao changpu le aho. Khünaknüsae ochax thailak atak ang kop füima, chix zangkangting to Zang, thüikoxle pangnu thak angkya Zang tsaxchi ma thungle tüile.

GALATIA 3:13

Ikoxle kem khoma othuak ozom ang achang laxle wanlom tokhange apüikya thuakzom chak tokya Khrista-e kem azündaoa; chemthüikoxle Otsao Lai-e thüile: “Owa pün ma ashaüihex chix a Zang thuakzom fangma tüile.”

ROM NOK HATO ZAKYA POL LAIZA 5:11

Chatlechu ibu to bole; kem Zang füi zuikhui ang achangkya Jowanpa Jisu Khrista ma Zange kem ang mong amüile.

DANEL 9:24

“Anüt anütle othom anüt zanglao a Zang-e hünzom khünakbu hia otsao tingnu ochax hia chichang-chizangkya chak tokya danpan angkya Zang hanpak zanghan changpu. Thaikyabu pangwüi thailak tüiüi ilaxle oshuk chitüile sukya zingle dan, ikoxtix mikngün-ohün hia jekax otsingtsing ang achangle laiüi, ilaxle ija otsao Zangshwom-Hom a jople atsaoüi.

HUAKE LAIPEX 15:28

Tötsap ma nguapae ija khünak chix ochax tokya atsao ang, zanglom ma tüikya khongai zomzingle koxüi, ifüima chix ang thailak tüiüi.

LIWI 14:18

Chix chakfa ma ota tüikya münga füi chixe ija mixsün khang to pale koxüi. Ile chix otsao ang achangle kox angkya zanglom zomzingle koxüi.

LIWI 6:7

Nguapae ija nang hanpak ang tö koxüi ilaxle nang ochax thailak tüiüi.

LIWI 5:6

ilaxle ija nang ochax tsangthomle tö kox ang, nange Jowanpa hato chun chichangba zwon zwonnu tuita apüile kox angkya oli changpu.

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LIWI 1:4

Zokle koxkya tö khangkho ma chixe ma chak danüi, ija a chix ochax hanpak ang chix khülüix ma pongle laxüi.

LAIPAO 32:30

Ofüinyix Mosa-e khünaknu füi akax: “Hünzome wün ang chimüikya ochax lyendaoa. Ikoxlechu athax ku haxnukho to Jowanpa hato dongüi; jangtsuak thüiningle hünzom ochabu thailak tüitsuak ang-ole azongüi.”

LIWI 4:8

Ija müi angkya ozao pangwüi, oshin-howok ma tüikya ozaobu,

LIWI 4:21

Ifüima chixe maihupong pom kotho to alaiüi ilaxle ija zokle ashunüi. Ija a chixe chix ochax hanpak ang koxkya maihupong zokle ashunkya lailaile changüi. Khünaknu ochax hünle pao angkya ochax tö koxkya a ija changle.

LIWI 4:35

Ilaxle chixe, notom-tusüi tö hanpak ang langkya müi ozao alaile awütkya ningle ija müi ozao pangwüi alaiüi, Chixe ija Jowanpa ang koxkya süt tö füi tomle tö-tsap dingma zokle ashunüi. Ile nguapae hünzom ochax hanpakma tö koxüi, ilaxle hünzome ochax thailak ataküi.

LIWI 5:10

Ifüima chixe mama osa a, zanglom ma tüikya ningle zokle ashunkya tö ang koxüi. Ile nguapae nang ochax hanpakma tö koxüi, ilaxle nang ang ochax thailak tüiüi.

LIWI 5:13

Ija ningle nguapae nang ochax hanpakma tö koxüi, ilaxle nang ang ochax thailak tüiüi. Ota tüikya ankhix a, saxziak hanpak tö koxpongkya ningle nguapa kux ang changüi.

LIWI 5:16

Nange Zang süntswon chem kox angkya hex ija koxüi ilaxle ija to nüile othom tsa bole kox angkya changle. Nange ija nguapa chak to koxüi. Nguapa ija nang ochax hanpak ang tö koxüi, ilaxle nange ochax thailak ataküi.

LIWI 5:18

Nange ija tsangthom hanpak ang nguapa hato ofwot chitüikya chun chichangba zwon ola tuita apüile kox angkya changpu. Ija otha a onok ziathop ma thütle chang angkya oli. Nange chitex-chile le thaidaokya ochax tsangthom ang nguapae ija tö koxüi, ilaxle nang ochax thailak tüiüi.

LIWI 15:15

Ikha angkya nguapae tuita ochax tö hanpak ang koxüi ilaxle ata a zokle ashunkya tö ang koxüi. Ile ija mixsün hanpakma khongaile tsao angkya zom zingle koxüi.

LIWI 19:22

ilaxle ija mixsün ochax atsao angkya hanpakma nguapae zomzingle khongai koxüi, ilaxle Zang-e chix thaikya alakle awütüi.