LIWI 3:3 - OTSAO BAIBEL (BSI)

³ Ilaxle ibu a chixe Jowanpa ang süt tö hanpak ang tökya ma koxüi: Oshin-owok khato tüikya ozao pangwüi,

LIWI 3:3 ပူးပေါင်းရင်းမြစ်များ

LAIPAO 29:13

Owok khama oche-okhax to chwople tüikya ozao, ilaxle okhax angkya zukhax, ilaxlechu ima tüikya ozao füi mongsatom pangnyi wüi; ibu pangnu tö koxnui ma wünkhut ang achanglax.

MATHI 15:8

“‘Ibu khünak tun zaza ma, ku hato hüile; hwome le füi ku achuakle; ikoxle hwom mongtsang a, ku füi ochu towüi.

LAIPAO 29:22

“Nange chun ola ozaochu, omüikua zao, oche-okhax to chwopkya ozao, okhax angkya zukhax, mongsatom anyi ozaobu füi tomle ilaxle tsaxchi chung (chemthüikoxle ija a owüiole koxkya müi changle),

ROM NOK HATO ZAKYA POL LAIZA 6:6

Ilaxle ija keme awanle: Kem ochax da ang achangle chingo angkya hanpakma, tsangtsa ma tüikya ochax zong amüt ang, kem tsün-zang Khrista füi tomle chix pünsak ma langdaoa.

ROM NOK HATO ZAKYA POL LAIZA 5:5

Ija monghome kem ang mong münatho, chemthüikoxle Zange chix hingho Otsao Chasa makhange chix mongkün kem kün-mong ma thokle koxdaoa.

MATHI 13:16

“Ikoxle hünzom a mohiman! Chemthüikoxle hünzom mike ngünle ilaxle hünzom nae atatle.

EZEKEL 36:26

Kue hünzom ang tutex mongtsang hozün faüi. Kue hünzom ma tüile ngokya kax ma chilaxle künkhüi-mongdüi alaile awütüi ilaxle kax ma laxle tüi angkya künno-mongnaikya koxüi.

ISAIA 6:10

Ifüima chixe ku ang akax: “Ija khünaknu kün-mong oba ang achang kox, hwom nabu ba ang tomkox, hwom mikbu apwom ang tomkox, ikoxtix hwome ngün ang chithoüi, atat ang münthoüi, ilaxle tsingle lax ang münthoüi. Hwome ile tsuakle jangchang, hwom ku hato mong lüile hüiüi ilaxle kakmüi angkya ataküi.”

WANWÜNKAX 23:26

Müile mongkoxle apalax, sasün, ilaxle ku tsün a nang hanpakma tuita apyen angkya ang naxchang.

MÜNCHUAK-TSAI 119:70

Hwom ma tsing-wankya chemchu müntüi, ikoxlechu nang wanlom ma ku mongmüipu.

TSAITONG-KAXTONG 30:6

Hünzome chix to mongpak-fünthole mongkünkya tüi angkya hanpakma tamchu ija haxtok ma hünzom othuithuima ngole tsuak angkya hanpakma, Jowanpae hünzom tamchu hünzom sixlibu ang kax ma laxle tüi angkya kün-mong koxüi.

LIWI 3:16

Jowanpa mongzom amüile nguapae ija süt tö tuita ang tö-tsap ding ma zokle ashunüi. Ozao a pangwüi Jowanpa hanpak.

LIWI 1:8

Hwome ija müi kha angkya othom-othom, okhang hia ozaochu womle ija wün ding ma zoküi.

LIWI 1:12

Ija texle akhixle chang füima, ikhama asukya nguapae müi othom, okhang hia ozao chuwüi womle, wünkha to danüi.

LIWI 3:2

Ija müi khangkho ma nange chak danüi ilaxle ija a Jowanpa Ngwotnui Nyihom fülom ma langüi. Nguapa Arun sasün hwome ija aji tö-tsap akhople saküi.

LIWI 3:4

mongsa otom pangnyi wüi ilaxlechu okhax sümüikya kha.

1 SAMUEL 2:15

Ito bole, ozao süile koplaxle zokle machangba, nguapa dapa nguilaxle tö koxle ngokya mixsün ang thüiüi: “Nguapa ang atsanlaxle kox ang ku ang müi hidaole laxhüi, ikoxle lumdaokya müi münlaxüi, müihing-hing wüi laxüi.”

LIWI 4:10

Nguapae ija ozao laxüi ilaxle ija a zokle ashunkya tö koxkya tö-tsap ma zokle ashunüi. Chixe ija a notom-tusüi tö koxpongma koxkya müizao füi mokpupule moküi.

LIWI 7:5

Ilaxle ija to Jowanpa ang wün füi zokle ashunkya tö kox angkya hanpakma nguapae tö-tsap dingma zokle ashun angkya changle. Ija a thaikya-tsangthom tö changle.

LIWI 7:30

Chixe ma chak makhange Jowanpa hato süt tö apüile kox angkya changle. Chixe müi tsomti otsom füi apüilaxle amüikya hingho tuita ang Jowanpa ang kox angkya changle.

LIWI 9:10

Ikoxlechu Jowanpae Mosa ang koxkya kaxtom ningle, ochax tö ang koxkya müizao, mongsa tamchu okhax to chwopkya, khaxwang, ibu bakle chixe tö-tsap ma zokle ashun.

LIWI 16:25

Chixe ochax tö hanpak ang langkya müi ozao chixe tö-tsap ma zokle ashunüi.

EZEKEL 44:15

Jowanpa Khüthak Zang-e thüi: “Israel nok pangnusae ku hato tok ahole changpuix, ipongma Zadok makhange hüikya sixli hwome Zangshwom-Hom ma ngua-mwot komkaile mokle ku to mongong chiamütle le ngole hüipu, ikhoma athax ku ngwotnui to nguilaxle ku ang müizao hia aji töbu koxtsuak angkya a hwom tix changpu.