LIWI 3:2 - OTSAO BAIBEL (BSI)

² Ija müi khangkho ma nange chak danüi ilaxle ija a Jowanpa Ngwotnui Nyihom fülom ma langüi. Nguapa Arun sasün hwome ija aji tö-tsap akhople saküi.

LIWI 3:2 ပူးပေါင်းရင်းမြစ်များ

LAIPAO 29:10

“Maihupong tuita ku Ngwotnui Nyihom to apüilax ilaxle Arun hia chix sasün hwom ang ija maihu khang ma hwom khang dan ang tomkox.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

WANGSHEMBU MWOT 3:26

Idaile hünzom pangnu wüi chisu chitangkya lom ma ngokya chat ang kox ilaxle mohiman angkya hanpakma, Zange Jisu zünle kop ilaxle pongwang ma hünzom hato ahüi.”

WANGSHEMBU MWOT 3:15

Athaxpi hünzome khünak khüzün lom to zunkya mix langle awüt. Ikoxlechu Zange chix zidaokya chatle azün, ilaxle kwome ija ma mikshoe jao ngünle.

ZEKARIA 12:10

“Dawid sixli hia Jerusalem ma ngokya khünaknu kue chingcha hia zangjop chasae awangle chang ang tomüi. Owa hwome tople langdaopuix, hwome chix to hu, ilaxle sasün tuita wüi zikya nao mangtsakya lailaile hwome chix mangtsale changüi. Somwang nao zile paokya kako to mangtsapupu le hwome mongmaxle mangtsaüi.

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

LIWI 8:22

Ifüima chixe ata chun ola apüi; ija a nguapabu atsao angkya hanpakma fünthole koxkya chunla tuita. Ija chun khangkho ma Arun hia chix sasün hwome hwom chak dan.

LIWI 1:11

Hünzome ija tö-tsap zongma shuakuxchi kao ma langüi, ilaxle nguapabue ija aji tö-tsap akhople sak angkya changle.

LAIPAO 29:11

Ku Ngwotnui Otsao Nyihom fülom ma ija müi lang kox.

LAIPAO 29:16

ilaxle nange ija chun ola langüi, ilaxle ija aji lax üntoxle tö-tsap akhople saküi.

LIWI 3:3

Ilaxle ibu a chixe Jowanpa ang süt tö hanpak ang tökya ma koxüi: Oshin-owok khato tüikya ozao pangwüi,

LIWI 3:8

nange ija müi okhang ma nang chak danüi ilaxle Nyihom fülom ma ija langüi. Nguapabue ija aji a tö-tsap akhople saküi

HUAKE LAIPEX 18:17

Ikoxlechu pongwang ma puxkya maihu, chun, zwon, ibu a shakle chat angkya oli münchang; ibu a komkaile ku kux jao, idaile ibu a ku ang tö koxpongma kox angkya oli changpu. Ibu aji a tö-tsap to sakle awütüi ilaxle ozao a süt tö kox angkya ang zokle ashunüi, ija ongan a ku zongto tüle müikya ongan changpu.

LAIPAO 29:15

“Ifüima nange chun ola tuita laxüi, ilaxle Arun hia chix sasün hwome ija okhang ma hwom chak danüi,

LAIPAO 29:19

“Nange chatle chu mama chun ola tülaxüi, ilaxle Arun hia chix sasün hwome ija chun ola khangkho ma hwom chak danüi.

LIWI 17:3

Israel khünakbue Jowanpa ang tö kox ang, Jowanpa Ngwotnui Nyihom fülom ma chichang homtoxle ojongjong to, maihu wüi changlax chichangba chun wüi changlax chichangba zwon wüi changlax, langle jangchangba ija khünake Wanlom pünkya ang changpu.