LIWI 3:16 - OTSAO BAIBEL (BSI)

¹⁶ Jowanpa mongzom amüile nguapae ija süt tö tuita ang tö-tsap ding ma zokle ashunüi. Ozao a pangwüi Jowanpa hanpak.

LIWI 3:16 ပူးပေါင်းရင်းမြစ်များ

MATHI 22:37

Jisu-e lan: “Nange nang Zang to mong makhange abakle, chasa makhange abakle, tamchu tutex makhange abakle mongkünkox!

ISAIA 53:10

Jowanpae thüi: “Chix sikngün angkya a ku mongtex changkya; chix zikya a thailak atak angkya hanpakma tö tuita changkya. Ikhoma chixe chix sixlibu ngün ang kopüi; chix a tsünlo-khothole ngoüi, ilaxle chix makhange ku mwottho tsuakle changüi.

2 PUKAX-PANGAO 7:7

Solomon-e Zangshwom-Hom lopsha osungwa hia homtho atsaole Zang ang kox ilaxle ikhama otom ma lanle zokle ashunkya tö, tsaxjun tö hia notom-tusüi to, ibu hanpak ang müizaobu tö kox. Hwome zaile tüikya wi tö-tsap ibu pangwüi mwot alan ang huanuma hixkya khoma hwome ile mok.

LIWI 17:6

Nguapa-e aji a tö-tsap kaochi sam ma, Nyihom fülom ma awütüi üntoxle ozao a, Jowanpa zongto ongan müikya alaile zokle amiküi.

LIWI 9:24

Jowanpae allele wün alai, ilaxle zokle ashunkya tö üntoxle tö-tsap angkya müizao zokle ashun. Ibu ngünkya zuma khünaknu akhong ilaxle akhuxle thün khom.

LIWI 8:25

Ilaxle müizao, omüikua zao, howok-kha tokya ozao, okhax hia mongsa anyi, ibu to chwople tüikya müizao hia tsaxchi ochung zaple kop.

LIWI 4:31

Ifüima chixe ija angkya müizao komkaile alaiüi, Ija a notom-tusüi to hanpak ang langkya müizaobu alaikya ningle changüi, ilaxle chixe ija Jowanpa zongto ongan müikya tö tuita ang tö-tsap ding ma zokle ashunüi. Ile nguapae khünak tuita hanpakma tö koxüi ilaxle ija khünak ang chix ochax thailak tüiüi.

LIWI 4:26

Notom-tusüi hanpak ang koxkya tö müizao chemle zokle ashunpuix ilailaile chixe tö-tsap dingma ija müizao zokle ashunüi. Ile nguapae lompa tuita ochax hanpakma tö koxüi, ilaxle chix ang ija ochax thailakkya tüiüi.

LAIPAO 29:22

“Nange chun ola ozaochu, omüikua zao, oche-okhax to chwopkya ozao, okhax angkya zukhax, mongsatom anyi ozaobu füi tomle ilaxle tsaxchi chung (chemthüikoxle ija a owüiole koxkya müi changle),

LAIPAO 29:13

Owok khama oche-okhax to chwople tüikya ozao, ilaxle okhax angkya zukhax, ilaxlechu ima tüikya ozao füi mongsatom pangnyi wüi; ibu pangnu tö koxnui ma wünkhut ang achanglax.

2 PUKAX-PANGAO 29:35

Otom ma lanle zokle ashunle koxkya tö kox to obo ang, khünaknue omüi sax angkya hanpakma tö ang koxkya müizaobu zokle ashun angkya tamchu zokle ashunkya töbu füi tomle tö ang kox ang apüikya greptibu thokle chang angkyachu zompu-zangpa hwom hünlit wüi changkya.

EZEKEL 44:15

Jowanpa Khüthak Zang-e thüi: “Israel nok pangnusae ku hato tok ahole changpuix, ipongma Zadok makhange hüikya sixli hwome Zangshwom-Hom ma ngua-mwot komkaile mokle ku to mongong chiamütle le ngole hüipu, ikhoma athax ku ngwotnui to nguilaxle ku ang müizao hia aji töbu koxtsuak angkya a hwom tix changpu.

PONGWANG LAIPEX 4:4

Abel-e chuwüi chix manzai kha angkya chun oputwang anutkya tuita Jowanpa hato tö apüile kox. Jowanpae Abel hia chixe apüikya tö pongle kop,