7 Hünzom zanbu to hünzome wüi anaoüi;
“Kue hünzom haxtok ang mongsom koxüi, ilaxle hünzom owa thua zakya chitüile mikngüt müile jip ang kopüi. Hünzom haxtok angkya müima-nyaxshixbu pao ang tsanüi, tamchu tütue chu chaxpwon-zanlekya müntüiüi.
hünzom mixsün agae wüi hota to lüt ang thoüi, ilaxle hotae a hajat bün to lüt ang thoüi.
Tutae hajat to büthüikoxle lüt ang tho? Hajat bün to mixhuak anyie büthüikoxle lüt ang tho? Jowanpa, hwom Zang-e hwom dandao koxpu; hwom Khüthak Zang-e hwom chilaxle awütdaoa.
Mama angkya wangtsak ting tokya Judah khünakbue chuwüi asoxlaxle alüile ma khose. Hwom to tsak-khule ngokya hwom zanpabu hajat puzombün aga khünak langle awüt laxle zanthua zale ngokya zak ang tom. Ikoxlechu hwome ibu angkya tuina chemchu chilax.
“Hünzom opang mix chaxwan to samle ngolaxpuix, zangwin to pünchak azuakkya thoto ngaxchu zalaxle tüle-tüle abütle fütle pao ang tomüi. Zan owawae achuakya tukuxle hünzom fütle paoüi ilaxle hünzom zui ma zan owa ngaxchu chitüi khato hünzom nale nguaküi.
“Jowanpa hünzom Zang-e, zanpabue hünzom to single changpongma, chixe wüi hwom to lüt ang tomüi. Hwome hünzom to lomkua tuita makhange singüi, ikoxle hwom pangnu chito khange afale zikle paoüi.
Hünzom noknoke wüi hajat tuipong makhange mixhuakke afütle apao ang thopu, chemthüikoxle, Jowanpa hünzom Zang a, chixe tsaosax daokya lailaile hünzom hanpak ang azanle ngokoxpu.
Barak-e ibu man-kanlinbu hia Hagoim angkya Haresheth süpahibu, püntüi tingsho chito achuale apao, ilaxle Sisera süpahibu pangwüi lang. Tuita ngaxchu chilang homle danle chitox.
Ifüima Neptali, Ashar hia pangnyichi angkya Manasseh homjen khünaknu sele alai ilaxle hwome Midi nok achua.
Ifüima chix thoma chwonchwonle zikya mantsak okaxza tuita bang. Ija hato julaxle chixe ija tswonle kop, ilaxle ija füi hajat khünak langle awüt.
Chikux thongle chake shing laxle longnu akaile Jonathan dong, ilaxle ija mixsünchu chix füifüile azüi. Jonathan-e Filistia nok to single hwom hongle anguak, ilaxle ija naosüne ibu lang.
Siria noke hwom to Israel noke wüi lütdaoale awanle lax, ikhoma hwome hwom kat-thom komkaile sele asox.
Ku to miktsakle ngokyabu zalaxle ku chitong to akhuxse; hwom sikngün ma oshuk chitüile changse.
