LIWI 26:6 - OTSAO BAIBEL (BSI)

⁶ “Kue hünzom haxtok ang mongsom koxüi, ilaxle hünzom owa thua zakya chitüile mikngüt müile jip ang kopüi. Hünzom haxtok angkya müima-nyaxshixbu pao ang tsanüi, tamchu tütue chu chaxpwon-zanlekya müntüiüi.

LIWI 26:6 ပူးပေါင်းရင်းမြစ်များ

ISAIA 35:9

Ikhato mailang münngoüi; ija makhange müima-nyaxshix chemchu münleüi. Jowanpae opang khosünle thompuix ibu ma hom to ija lom makhange nguiüi.

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”

MÜNCHUAK-TSAI 147:14

Chixe nang longzipong kho-awale thomle üntoxle sümüikya wonglai tsax füi nang ang mongzom amüile.

JEREMIA 30:10

“Ku khünaknu, hünzom taxza; Israel khünaknu, hünzom abütkya taxtüi. Ija tsailo nok tokya hünzom kue sünüi, athax hünzom zanda ang ngole tüikya nok tokya a. Hünzom a ma hom to chatüi ilaxle mongsom ma ngoüi; hünzom to chem münthüi: ilaxle owaechu hünzom aza-anale chang ang müntom.

HAGAI 2:9

Zangshwom-Hom hozün a hozang füi ataitoxle osün müile tüiüi. Ikhato kue ku khünaknu ang ahak-aluakya hia tumüi-lomkhaole ngo ang tomüi.” Jowanpa khüthak Zang-e akaxdaoa.

HOSIA 2:18

Ipongma kue faomüi janyax pangwüi füi tsaotsütle changüi, ikhoma hwome ku khünaknu to thomzün maklax ang müntomüi. Kue hwom haxtok angkya zankat chang-pax pangwüi awüt faüi, changlo hia hapnu, ibu pangwüi, ilaxle ku khünaknu a tumüi ma chaza angkya chitüile ngo ang tomüi.

EZEKEL 34:25

Kue hwom füi tumüi-lomkhaole ngo angkya tsaotsütkya tüiüi. Ija haxtok ma tüikya müima-nyaxshixbu pangwüi max ang tomüi, ile changkox tix wüi ku chunbu wunsa khato tamchu faonu mongto chaza angkya chemchu chitüile jip-pom ang thoüi.

MÜNCHUAK-TSAI 29:11

Jowanpae chix khünaknu ang janzüi kox üntoxle mongsom füi hwom to mohiman.

EZEKEL 14:15

“Chichangba haxtok ma khünak tuita aham angkya thama apüile khünaknu mik amüt ang kue faomüibu ahüi ang tsuak.

JOB LAIPEX 11:19

Nang a zanpabu thua za-ngo angkya chemchu müntüiüi; Khünakbue nang ang hwom to fonghüile thüiüi.

LAIPAO 23:29

Kue hwom zanglao tuita mong ma jwonle münapao; kue ile jangmok thüikoxle chaxwan a khünak chingokya shonak-lingnu ang achangle paoüi, ikhoma hünzom tuto faomüi a huanu ang changüi.

JUHAN 14:27

“Kue hünzom füi mongsom toxpu; ku mongsom tuita kue hünzom ang koxpu; kue ija hünzom ang chaxwannue koxkya ningle koxkya chichang. Hünzom ang mong male tamchu abanle taxngo, tamchu taxza.

ZEKARIA 9:10

Jowanpae thüile, “Israel angkya zankat man-kanlinbu kue awütüi ilaxle Jerusalem angkya manbu laxlaxtoxüi; azan pongma twonkya hapnubu amale awütüi. Hünzom wanghompa-e jat-libu füi tumüi lomzingüi; chixe tinu makhange tinu to o-le apünüi, Eufrat shuanu makhange haxtua-zangnam alople.”

MIKA 4:4

Pangnusa wüi tumüi-lomkhaole ngoüi ma grep haxtok hia fupsa pünham khato a, ilaxle owaechu hwom aza-anale chichangüi. Ija kax Jowanpa Khüthak Zang-e tsaodaoa.

EZEKEL 14:17

“Chichangba kue ija onok hato ochax-ozan hia thama adün angkya chang-paxbu ahüiüi ilaxle khünak-mixsa hia müi tomwüi olithu ang tomüi.

EZEKEL 5:17

Kue hünzom naosombu lang ang woknuak hia faomüibu hüi ang tomüi, ilaxle hünzom lang ang a okak-olak, tuma-wanshix hia ochax-ozan, ibu ahüiüi. Ija a Jowanpa kue akaxdaoa.”

MÜNCHUAK-TSAI 85:8

Kue Jowanpa Zang-e chem akaxpuix ija to apa ngopu; kem amikya ongat lomtang to chatle chichat jangthüiba chix khünaknu kem ang mongsom kox ang tsaole.

MÜNCHUAK-TSAI 4:8

Chemtue ku shuipuix, ku mongsomjale jippu; Jowanpa nang tataetix chem chabüt-lasün chitüile ku kho-awa thompu.

1 PUKAX-PANGAO 22:9

Ikoxlechu chixe ku füi tsaotsütle akaxle, ‘Tumüi lomkhaole apün angkya nang ang sasün tuita tüiüi, chemthüikoxle pangnu ochax-ozan chak tokya chix ang tumüi-wanmale ngokya koxüi. Chix mün a Solomon, changüi, chemthüikoxle chixe apünkya tuk ma kue Israel nok ang mongsom hia ojik-naja tüi ang tomüi.

2 WANGHOMBU 2:24

Chixe aküile hukoxle ibu ngün, ilaxle Jowanpa mün a hwom to thuakzomle chang. Ifüima faokha tokya chepnu anyi laile hüi, ilaxle naosom hwom 42 ashikle awüt.

ROM NOK HATO ZAKYA POL LAIZA 5:1

Athax a mongong makhange kem Zang füi muamüikyae, Jowanpa Jisu Khrista makhange kem ang Zang füi mongsom tüile.

WANGSHEMBU MWOT 12:6

Ngainyix ningle Herod-e chix noknu thüntho ma alaiüi le, ija ja Pitar a nyetmix mixsün anyi obama jiple ngokya. Chix a janbüi anyi füi: tuita a nyetmix tuita ma ilaxle ata janbüi a tuita nyetmix male adüile kha thomkya üntoxle kun fülom machu nyetmixbu tüihukya.

EZEKEL 14:21

Jowanpa Khüthak Zang-e akax ngokya kax a ija changle: “Kue khünak hia müibu mik tomwüi amüt ang, Jerusalem hato ku thama akhokya ali ahüiüi: ochax-ozan, otui-onuak, faomüi, ilaxle kaklak, ibu a.

JEREMIA 31:26

Ifüima khünaknue thüiüi: ‘Ku mikngün müile jip laxle puakalongle zole.’

ISAIA 45:7

Zangnak hia zangngai pangnyi wüi kue zingpu; mohiman hia thama pangnyi wüi kue apüipu. Ku, Jowanpae, ibu pangwüi mokpu.

ISAIA 9:7

Chix chongwang janzüi a chong ang chong ang sütüi; chix wangting a jento tumüi-mongsom ma ngoüi. Chixe Wanghompa Dawid mantswon chongwang ningle apünüi, changkya hia sukya a chix tsak-zong chifün ang laxüi, athax makhange oshuk hanpak alople. Jowanpa Khüthak Zang-e ibu pangwüi mok angkya mongzang wündaoa.

MÜNCHUAK-TSAI 3:5

Ku shui üntoxle jip, üntoxle zang angaile Jowanpae ku kho awale thom.

WANWÜNKAX 6:22

Ibu hwon-nwote aham pongma nang lomzunüi, zangnak ma kho-awaüi, ilaxle anyixningle nang to zünsaile changüi.

WANWÜNKAX 3:24

Lyading to dongüima nang chazakya chemchu müntüiüi, ilaxle zang angaile mikngüt müile jip ang thoüi.

JOB LAIPEX 5:23

Nange manzaikya haxtok ma long müntüiüi; faomüie nang to otuechu münshingüi.

LIWI 26:22

Kue za-adünkya müima-nyaxshixbu hünzom hato ahüiüi, ilaxle ibue hünzom su-sabu langüi, hünzom tsom-pombu thomjoüi, ilaxle hünzom a hidaole wüi atale dantoxüi ikhoma hünzom lomtangbu a owachu chiahamle limüi.

LIWI 26:7

Hünzom zanbu to hünzome wüi anaoüi;

LIWI 26:25

Ku füikya Tsaotsüt amakya khoma kue hünzom hato zan lailaxle hünzom to sikngün kox ang tomüi, ilaxle hünzom azangsele tingnubu ma süile jangchang, kue chimüitox angkya kaklak hünzom hato ahüiüi ilaxle ma chak ajongle hünzom a zanpabu chak to kox ang tomüi.

LIWI 25:18

Jowanpa wanlom hia kaxtombu pangwüi kax ma laxle tüilax, ikoxle tix hünzom a ma chaxwan ma chazakya chemchu chitüile ngo ang tsuaküi.

LIWI 25:19

Haxtoke ma angkya oziak-owang alaile koxüi, ilaxle hünzome alomlom komle ataküi üntoxle azangle ngo ang tsuaküi.

2 PUKAX-PANGAO 20:30

ikhoma Jehusafat-e tumüi-lomkhaole apün-awang, ilaxle pangnu lomkua towüi Zang-e chix kho awale thom.

MÜNCHUAK-TSAI 144:14

Kwom tsom-pombue ojao ashix-akhaxkya chitüile okhonguile pu-tsa ang tomkox. Kwom tingjang lomnu to mangsople nuzaokya tüi ang taxtom.

ISAIA 35:8

Ikhato afithole lomnutang tüiüi, ija ang “Otsao Lomnu”, le nyaküi. Ochax khünak owachu ija lom ma münahamüi; ikhama ahamkyabu owa ongatechu ochei to münpaoüi.

EZEKEL 34:27

Pünbue pünziak ziaküi, haxtoke saxziak puamün koxüi, ijaningle noknusa wüi ma haxtok ma za-zyen angkya chemchu chitüile ngo ang kopüi. Chemtue kue hwom to owawae da ang achangle khale thomkya janbüibu kalaxle danle changüihex, ipongma hwome ku a Jowanpa changpule tsing ang kopüi.

HOSIA 2:20

Kue ku kaxtsao thomüi ilaxle nang a ku kux ang achangüi, ilaxle nange ku a Jowanpa changpule ngaiüi.