LIWI 26:5 - OTSAO BAIBEL (BSI)

⁵ Hünzom grep ziak khaitue ngaxchu tsax atule naxchangle saxziak tüle müiüi, ilaxle sax shittu nguikoxle ngaxchu hünzome grep ziak khaile wüi ngoüi. Hünzome saxle tsupupu komle ataküi, ilaxle hünzom a ma chaxwan ma chem okhong-okha chitüile ngoüi.

LIWI 26:5 ပူးပေါင်းရင်းမြစ်များ

AMOS 9:13

Jowanpae thüile: “Hanpak tuita nguile ngole, saxziakbu a züt ang chithole lwomle tsongle hüi angkya hanpak, grepbu oti ang achangle matsuakba wüi lwomle tsong angkya hanpak. Haxnubu a tijongkya grep-tibu dütkyae awang angkya hanpak, haxhuabu a ija jenle jukyae awang angkya hanpak.

JOEL 2:26

Athax a hünzom huanuma tüinangle ngoüi, ilaxle okhonguile changüi. Hünzome Jowanpa hünzom Zang achuak-achenle changüi. Chix a hünzom hanpakma ohünotün mwot mokle fakya Zang changpu. Ku khünakbu tamchatle thajao-wünhai ang müntom.

JOEL 2:19

Chixe hwom zangjop to lan: “Athax kue hünzom ang saxziak hia grep-ti tamchu olip münga koxüi, ilaxle hünzom a wokfwot-tilan müile ngoüi. Athax mixnoke hünzom to chemtuechu thajao-wünhaile münchangüi.

WANWÜNKAX 1:33

Ikoxlechu ku kax to nathale changkyabu khangkho azangle ngoüi. Hwom kho-azangle ngoüi, za-zyenle chang angkya chemchu müntüiüi.”

TSAITONG-KAXTONG 11:15

ilaxle hünzom tsom-pom hanpak ang fumchui chuwüi kopüi. Hünzome alomlom sütling atak-apongle hünzom ang woknuak-tilan müile ngoüi.

1 TIMOTHI 6:17

Ija tsün ma ahak-aluale ngokyabu ang chingam angkya, ikoxlechu opak chitikkya mwotkat to chichangle, kem mongmüi hanpakma Zang owae pangnu li mongtsutsu le koxpuix, chix to hwom monghom thom angkya kaxtom laxkox.

1 PITAR 1:5

Ibua, oshuk ma ngaile aho ang achwonle tüikya khosün bama mongong makhange Zang tsakzonge sünle thomkyabu hünzom hanpakma changle.

WANGSHEMBU MWOT 14:17

Ibachu chixe hünzom ang ding tokya zangwat kox üntoxle otu nguikya ma tsaxsa hikha puamün ang kox; chixe hünzom ang sütling kox üntoxle hünzom mongmüie awangle ngo ang kox; ile chixe müikya mwot mokkya tokhange othuithuima chixe chix chemningkya hex ija aho.”

MATHI 23:37

“O Jerusalem! O Jerusalem! Hünzome ajebu lang tamchu Zang kaxho mixbu daole lang! Onue osabu to ozang fang to ole thomkya ningle, kue nang to ku chake künle thomse le tüle texpu; ikoxchu nange ku ang ile mok ang chitom!

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

MÜNCHUAK-TSAI 90:1

O Jowanpa, nang a jento kwom hom ang chang.

LAIPAO 16:8

Ifüima Mosa-e thüi: “Jowanpae aja hansonge hünzom ang müisax ang koxüi ilaxle ngainop a hünzome chemtukux saxüihexle an koxüi; chemthüikoxle hünzome chix to chemtukux kaxthup-ngaotünle changpuix, chixe atatdaoa. Chemtue hünzome kwom to kaxthup-ngaotünle changpuix, ija a hünzome Jowanpa to kaxthup-ngaotünkya changpu.”

HOSIA 2:18

Ipongma kue faomüi janyax pangwüi füi tsaotsütle changüi, ikhoma hwome ku khünaknu to thomzün maklax ang müntomüi. Kue hwom haxtok angkya zankat chang-pax pangwüi awüt faüi, changlo hia hapnu, ibu pangwüi, ilaxle ku khünaknu a tumüi ma chaza angkya chitüile ngo ang tomüi.

MÜNCHUAK-TSAI 144:13

Kwom pungbu a tua-tsax tamchu tsaxsa-hikhae awangle chang ang tomkox. Kwom wun ma tüikya chunbue hosabu jatbün-jattsa puxle tsa ang tomkox.

ISAIA 1:19

Hünzome ku kax ma laxle jangchang, hünzome ma haxtok ma alaikya müikya oli sax-laxle ngoüi.

ISAIA 30:23

Chemtue hünzome tsaxlibu saile changpuix, Jowanpae ibu naxtsong ang zangwat ajoüi ilaxle hünzom ang puamünle chang ang tomüi, ilaxle hünzom tsom-pombu hanpak ma fumtsütnui okhonguile tüiüi.

HOSIA 2:20

Kue ku kaxtsao thomüi ilaxle nang a ku kux ang achangüi, ilaxle nange ku a Jowanpa changpule ngaiüi.

JOEL 2:22

Faomüi-janyaxbu, hünzom taxza. Hünzom fumtsütnui to fum hingshüi tüile; pünzuabue ma-pün ziakziak ziakle, ilaxle fupsa hia grep okhonguile tüile.