LIWI 26:44 - OTSAO BAIBEL (BSI)

⁴⁴ Ile chang koxlechu, hwom zan-nok chaxwan to ngopongma ngaxchu kue hwom komkaile dantoxüi chichangba oli thuüile münchang. Ile chang koxle hwom füikya ku Tsaotsüt oshuk ang achangüi, chemthüikoxle ku a Jowanpa hwom Zang changpu.

LIWI 26:44 ပူးပေါင်းရင်းမြစ်များ

ROM NOK HATO ZAKYA POL LAIZA 11:2

Ami owang tanto wüi zünle kopdaokya, chix khünaknu Zange ma-awüt. Elija-e Israel nok hanpakma Zang füi zongbakle zangwün pongma:

NEHEMIA 9:31

Ile chang koxlechu, nang chingcha chongle tüikya khoma, nange hwom awütle chitox chichangba olithule chiama. Nang a mongkün hia chingchajaja füikya Zang changle!

MÜNCHUAK-TSAI 94:14

Jowanpa chix khünakbu danle müntoxüi; opang chix kux changpuix, ibu chixe tsiakle müntox.

2 WANGHOMBU 13:23

ikoxle hwom to Jowanpae huanuma chingchale chang. Chixe hwom amüt ang chitom, ikoxle hwom to fongle hüi. Ile Abraham, Isak hia Jakop hwom füikya chix Tsaotsüt tüikya khoma chixe chix khünaknu Israel nok otuechu chialak.

ROM NOK HATO ZAKYA POL LAIZA 11:26

Ile Israel khünak pangnu khosün angkya a ija changle. Otsao Lai ma akax ngokya ningle: “Khosünpa Zaion tokhange nguiüi, ilaxle Jakop sixli angkya, chichang-chizang mwot awütüi.

EZEKEL 16:60

Ikoxlechu nang naosom ma tüitanto nang füi zingkya ku tsaotsüt bama kue achuak-achenle changüi, ilaxle tamchu chiashuk tox angkya tsaotsüt kue nang füi zingüi.

JEREMIA 33:26

Kue ija otsing tomtata ma chemle mokpuix ilailaile Jakop hia ku dapa Dawid hokhi füikya ku tsaotsüt kue otya ma thoma angkya changpu. Abraham, Isak hia Jakop hwom su-sa hwom thakma apün angkya kue Dawid sasün hwomkha angkya tuita zünle kop angkya changle. Kue ku khünaknu to chingchale tüiüi ilaxle hwom a tamchatle ahak-aluale tüi ang tomüi.”

JEREMIA 30:11

Ku hünzom hato nguiüi ilaxle hünzom azünüi. Jat-libu pangwüi kue max ang tomüi athax hünzom kue chiakle thomkya onokbu a, ikoxlechu kue hünzom münamüt. Kue hünzom to sikngün chifa homtoxle münalyet; ikoxle kue hünzom to sikangün koxlechu chisumüile münchang. Ku, Jowanpae ija akaxdaoa.”

JEREMIA 14:21

Nang kaxtsaobu texle ataklax ilaxle kwom ajaole tax-awüt; Jerusalem hato thajao-wünhai taxahüikox, ikha a fuazangkya nang nui-ting changle. Nange kwom füi zingkya Tsaotsüt amale taxchang.

MÜNCHUAK-TSAI 89:33

Ikoxlechu kue Dawid to mongkünkya münzak chichangba chix füikya ku tsaosüt chithom homle müntüi.

LIWI 26:11

Kue chemtuechu hünzom hato tok münaho, chemthüikoxle ku a hünzom khato ku otsao Nyihom ma ngo angkya changle.

KAXFÜNPA-HWOM 2:1

Jowanpa kaxtaimix Gilgal makhange Bokim to nguilaxle Israel khünaknu ang thüi: “Kue hünzom Ijip nok tokya alaipu ilaxle hünzom pupa hwom füi tsaodaokya haxtok to apüipu. Kue thüipu, ‘Kue hünzom füi Tsaotsüt chemtuechu münama.

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

NEHEMIA 9:17

Hwome kax ma münlaxpule angam; nange hwom hanpak ang mokdaokya mwot pangwüi hwome alakle asam; nange ohünotün mwot mokle ahokyabu pangwüi hwome alakle asam. Hwom mongngam füi hwome lompa tuita kam Ijip chaxwan to hwom tamchatle da ang achangkya angkya hanpakma a. Ikoxlechu nang a thaikya pangwüi alak tsuakkya Zang; nang a chingcha hia mongkün füikya Zang, zaxhunle tix mongtsikya Zang a. Nang chingcha a huanu changle; nange hwom awütle chitox.

MÜNCHUAK-TSAI 103:13

Hopa tuitae sasün to chemle chingcha puix, itukuxle chix chathua zale tüikyabu zongto Jowanpa chingcha tüi.

JEREMIA 24:5

“Ku, Jowanpa, Israel nok Zang, kuepi Babilon nok to kople paodaokya khünakbu a ija müikya fupsabu ningle changpu, ilaxle kue hwom to chingcha füi hupu.

JEREMIA 31:20

“Israel, nang a kue mongkünkya kusa changle, kue ataxle mongkünkya mix a. Chemtue kue nang mün lünpuix, kue nang bama mongkün füi ajangpu nang bama mongkün füi a. Ku mongtsang nang hato laile pao; ku a chingchajajale tüiüi.