LIWI 26:42 - OTSAO BAIBEL (BSI)

⁴² Jakop, Isak hia Abraham hwom füikya ku Tsaotsüt kue texle ataküi, ilaxle ku khünakbu füi ku kaxtsao haxtok hwom ang kox angkya azünle zingüi.

LIWI 26:42 ပူးပေါင်းရင်းမြစ်များ

EZEKEL 16:60

Ikoxlechu nang naosom ma tüitanto nang füi zingkya ku tsaotsüt bama kue achuak-achenle changüi, ilaxle tamchu chiashuk tox angkya tsaotsüt kue nang füi zingüi.

MÜNCHUAK-TSAI 106:45

Hwom kuxmale chixe hwom füikya chix Tsaotsüt texle atak, ilaxle chongkya chix mongkün khoma chixe hwom to chingchale thüt.

LAIPAO 6:5

Athaxpi kue Israel khünaknu, Ijip noke da mwot amokle sikangünkya zoshune wotkya zing kue atatdaoa ilaxle kue ku Tsaotsüt texle atakpu.

LAIPAO 2:24

Zang-e hwom mongsople nuzaokya ozing atat ilaxle chixe Abraham, Isak hia Jakop hwom füi Tsaotsüt laxkya texle atak.

KAXHO MÜIKYA LUK 1:72

Kem putong hwom to chingchaüi; chix otsao Tsaotsüt texle atak angkya chixe tsao.

JOEL 2:18

Ifüima Jowanpae chix haxtok hato chingcha aho; chixe chix khünaknu to chingcha.

MÜNCHUAK-TSAI 136:23

Kem to lütle changpongma chixe kem chialak; chix mongkün ma oshuk müntüi;

TSAITONG-KAXTONG 4:31

Chix a chingchajaja füikya Zang. Chixe hünzom danle müntox chichangba münamüt, ilaxle chix jaojaoe hünzom putong hwom füi zingkya Tsaotsüt münalaktox.

PONGWANG LAIPEX 28:15

Mong ma koplax, ku a tütakhatochu nang füi womle tamchu nang kho-awale ngoüi, ilaxle kue nang ija haxtok to chatle chat ang tomüi. Kue nang füi tsaosax daokyabu pangnu changle mahüi tanto kue nang otuechu danle müntox.”

PONGWANG LAIPEX 26:5

chemthüikoxle Abraham-e ku kax ma laxle chix ang fakya ku wanlom hia kaxtombu changle thom ang thodaoa.”

PONGWANG LAIPEX 9:16

Chemtue zangfwom ma nomlong laiüihex, kue ija ngünüi ilaxle chaxwannu angkya zünmok füikya oshuk chitüikya Tsaotsüt texle ataküi.

PONGWANG LAIPEX 9:15

zünmok otuechu tinu-mualyemle max ang müntompu lükya hünzom füikya ku kaxtsao kue texle atatüi.

PONGWANG LAIPEX 26:2

Jowanpae Isak hato ngailaxle chix ang thüi: “Ijip nok to taxka ikoxle kue nang hama ahokya haxtok ma ngolax.

PONGWANG LAIPEX 28:13

Ikhama Jowanpa chix zui ma ajongle tüikya. Chixe thüi: “Ku a, Jowanpa, Abraham hia Isak nyi Zang changpu. Athax nang jiple ngokya haxtok a, nang ang tamchu nangsix-nangli hwom ang kox angkya changpu.

PONGWANG LAIPEX 35:11

Ilaxle Zang-e chix ang thüi: “Ku a Khüthak Zang changpu. Susa hwom huanuma alailax. Hwom makhange jat-libu tüle laiüi, ilaxle nang a wanghombu putong ang changüi.

PONGWANG LAIPEX 35:12

Kue Abraham hia Isak nyi ang koxkya haxtok nang ang koxüi, ilaxle nang tokfüi ma ija haxtok nang sixli hwom ang koxüi.”

KAXFÜNPA-HWOM 2:1

Jowanpa kaxtaimix Gilgal makhange Bokim to nguilaxle Israel khünaknu ang thüi: “Kue hünzom Ijip nok tokya alaipu ilaxle hünzom pupa hwom füi tsaodaokya haxtok to apüipu. Kue thüipu, ‘Kue hünzom füi Tsaotsüt chemtuechu münama.

ESTAR 4:14

Iningkya tukma nang dangjale jangngo thüiningle, Judah khünakbu hato ofong a zangkangting tokya nguiüi. Hwom a azangüi ikoxle nang a mik max angkya ataküi, ilaxle hünpa homkha a okothomkya ang achangpu. Ikoxlechu owa tsing, iningkya tuwan zanghan hanpak ang Zang-e nang wangcha ang achangle thomkya chuwüi changtüilax!”

PONGWANG LAIPEX 15:18

Ija nyix Jowanpae Abram füi Tsaotsüt laxle thüi: “Ijip shuanu makhange Eufrat shuanu alople ija haxtok kue nang sixlibu ang koxpu.

PONGWANG LAIPEX 26:24

Ija jaja wüi Jowanpa ngailaxle chix füi akax: “Ku a hünpa Abraham Jowanpa changpu. Nang taxza; ku dapa Abraham khoma kue nang to mohiman angkya changle. Nang sixlibu kue tüle pu-tsa ang tomüi.”

TSAITONG-KAXTONG 9:27

Nange nang dapa Abraham, Isak hia Jakop hwom texle ataklax, ilaxle ibu ningle-khokhe chithüikya khünakbu chichang-chizang mwot hia ochax to mongjao koxle taxngo.

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.