LIWI 26:4 - OTSAO BAIBEL (BSI)

⁴ haxtoke saxziak alai angkya tamchu pünzuae pünziak laimo alai angkya hanpakma otutu ma kue zangwat ajoüi.

LIWI 26:4 ပူးပေါင်းရင်းမြစ်များ

ZEKARIA 8:12

Hwome mongsom ma manzaile changüi. Hwom zubu ma grep ziaküi, haxtoke saxziak alaiüi, ilaxle zangwat ti okhonguile tüiüi. Ota toxle tüikya kujat kuli khünakbu ang kue ibu mohiman koxüi.

MÜNCHUAK-TSAI 67:6

Haxtoke ija angkya puamün alaidaoa; Zang, kem Zang-e kem to mohimanle.

EZEKEL 36:30

Hünzom pünziak-laimo hia haxtok manzai puamün müimamale atsatüi, ifüima zangfang ma otui-onuak hia tingtui chemchu chitüile ngoüi.

ISAIA 30:23

Chemtue hünzome tsaxlibu saile changpuix, Jowanpae ibu naxtsong ang zangwat ajoüi ilaxle hünzom ang puamünle chang ang tomüi, ilaxle hünzom tsom-pombu hanpak ma fumtsütnui okhonguile tüiüi.

JOB LAIPEX 5:10

Chixe chaxwannu to zangwat ajole haxtok to ti kox.

TSAITONG-KAXTONG 28:12

Hünzom hato nuaklom ang nguikya khünakbu ang hünzome koxle apao ikoxlechu hünzom otuechu mixnok to nuaklom ang pao angkya chitüile ngo angkya hanpakma, ding to chixe athünle thomkya tilua chongkya kha angkya chixe otu thütle zangwat ajoüi ilaxle hünzom mwot pangnu to mohimanüi.

TSAITONG-KAXTONG 11:14

Hünzome ile jangmokba, hünzom haxtoke ti lompongkhae chixe ti ajoüi, tso-hi-wa nyi bama, wa-hi-tso nyi bama a, ikoxle tix hünzom hanpak ang saxziak, grep hia olip ziak, ibu tüle puamün ang kopüi,

LIWI 25:21

Zanglao anyi hanpak ang saxkop-linglole chang angkya kuxma azok lükya zanglao ma Jowanpae haxtok to mohiman angkya changle.

WANGSHEMBU MWOT 14:17

Ibachu chixe hünzom ang ding tokya zangwat kox üntoxle otu nguikya ma tsaxsa hikha puamün ang kox; chixe hünzom ang sütling kox üntoxle hünzom mongmüie awangle ngo ang kox; ile chixe müikya mwot mokkya tokhange othuithuima chixe chix chemningkya hex ija aho.”

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

MÜNCHUAK-TSAI 85:12

Jowanpae kem ahak-aluale chang ang tomüi, ilaxle kem haxtoke puamün okhonguile faüi.

MÜNCHUAK-TSAI 68:9

Nange okhonguile zangwat wat ang tom üntoxle zanle zua paoünkya nang haxtok chatle chat ang tom;

MIKNGÜN-OHÜN 11:6

Hwome Zang kaxho apuk ngopong ma zang chiwat angkya hanpakma zangding ka hak angkya zong hwom ma tüile. Hwom mong tsukyakya ma tümik sopkya aji ang achang angkya tamchu küjo küjekya kaklak thama füi chaxwannu to chak mok angkya hwom ma zong tüile.

JAKOP 5:7

Idaile kutüi-kunaohom, Jowanpa mangui tanto aduhüi. Hwom haxtokbue hwom ang ma manzai oziak opua dün angkya hanpakma manzai mixbue chemle adupuix, ito hulax. Tsosa hia khokse zangwat hwome adule tan.

JEREMIA 14:22

Owa nok chapabue chu zangwat ti ajo ang münthopu; zangdinge chix lailai to nyenti ajo ang müntho. Kwome kwom monghom nang ma thompu, O Jowanpa kwom Zang, chemthüikoxle ibu moktsuakkya a nangtix changle.

ISAIA 5:6

Ija khama hingzang wüi naxnyemkox. Kue ozubu sexle münchang chichangba haxkhutle akhixle münchang; itülüi kue ija to kongbüi hia huxbue awangle chang ang tomüi. Kue ija ding to zangwat angkya zangfwom münabax.”

MÜNCHUAK-TSAI 104:13

Zangding tokhange nange haxnu tok to zangwat ajo, ilaxle chaxwantok ang nang mohimane awang.

1 WANGHOMBU 17:1

Gilid angkya Tishbe makhange ajepa Elija-e wanghompa Ahap ang thüi: “Ozün ma tüikya Jowanpa, Israel nok Zang, kue owa thothale ngopuix, chix mün ma kue nang füi akaxpu, kue tamchatle ile chang koxle mathüi tanto hüile ngokya zanglao anyi-azom bama nyen dütkya hia zangwatkya müntüiüi.”

LIWI 25:19

Haxtoke ma angkya oziak-owang alaile koxüi, ilaxle hünzome alomlom komle ataküi üntoxle azangle ngo ang tsuaküi.

TSAITONG-KAXTONG 11:13

Idaile anyix kue hünzom ang fakya kaxtombu kax ma laxle tüilax. Jowanpa hünzom Zang to hünzome ma kün-hi-mong makhange zongbakle mongkünlax tamchu chix thothale changlax.

MÜNCHUAK-TSAI 67:7

Zang-e kem to mohimanle; pangnu khato khünaknue chix achuak-achenle changkox.

MÜNCHUAK-TSAI 85:13

Otsao a Jowanpa tunthoma ahamüi ilaxle chix le angkya lomtang achwonüi.

JOEL 2:22

Faomüi-janyaxbu, hünzom taxza. Hünzom fumtsütnui to fum hingshüi tüile; pünzuabue ma-pün ziakziak ziakle, ilaxle fupsa hia grep okhonguile tüile.